Olimpiese Somerspele 1948

in Wikipedia, die vrye ensiklopedie
Spring na: navigasie, soek
Spele van die XIVe Olimpiade
Olimpiesespele van 1948

Gehou in Londen, Verenigde Koninkryk
Deelnemende lande 59
Deelnemende atlete 4 099 (3 714 mans, 385 vroue)
Items 136 in 17 sporte
Openingseremonie 29 Julie 1948
Sluitingseremonie 14 Augustus 1948
Amptelik geopen deur Z.K.H.George VI
Atlete-eed Don Finlay (atletiek)
Beampte-eed
Olimpiese vlam John Mark (atletiek)
Vorige Spele 1944: Londen (Verenigde Koninkryk)
Volgende Spele 1952: Helsinki (Finland)

Die Olimpiese Somerspele van die XIVe Olimpiade is in 1948 in Londen, Verenigde Koninkryk gehou. Londen is bo Baltimore, Lausanne, Los Angeles, Minneapolis en Philadelphia gekies. Na 'n onderbreking van 12 jaar deur die Tweede Wêreldoorlog was dit die eerste Spele sedert die Somerspele van 1936 in Berlyn asook die tweede Olimpiade wat in die Britse hoofstad gehou is.

Switserse roeiers het die Olimpiese vlag in 'n langboot vanuit Basel na Londen geneem

Die Somerspele was baie eenvoudig en het later as die Austerity Games bekend gestaan vanweë die ekonomiese klimaat waarin die na-oorlogse Verenigde Koninkryk hom bevind het. Weens die Britse regering se strenge besparingsbeleid is geen nuwe fasiliteite vir die Spele beplan en opgerig nie en atlete in bestaande behuising gehuisves. Die Olimpiese dorp in Uxbridge het uit kasernes bestaan, die vervoer was ontoereikend en voedsel soos vleis, botter, melk en brood was steeds gerantsoeneer.

Daar is ook op die infrastruktuur bespaar. Die Wembley-stadion, wat eintlik 'n sokkerstadion is, het vir die geleentheid 'n atletiekbaan bygekry. Die nabygeleë Empire Pool is vir beide die saalsporte sowel as die swemkompetisies gebruik. Die fietsry het by die opgeknapte Herne Hill plaasgevind en daar is op die Teemsrivier geroei.

'n Rekordgetal van 59 nasies het aan die Spele deelgeneem en is deur altesaam 4 104 atlete in 19 sportdissiplines verteenwoordig, van wie 3 714 manlik en 390 vroulik was. Duitsland en Japan is deelname aan die Spele geweier. Die Sowjetunie is uitgenodig maar het verkies om geen atlete na Londen te stuur nie.

Suid-Afrikaanse deelname[wysig | wysig bron]

Gerald Dreyer (liggewig) en George Hunter (ligswaargewig) wen goud, Dennis Shepard (veergewig) silwer en John Arthur die bronsmedalje in boks.

Aantal medaljes[wysig | wysig bron]

Hier is die top tien lande wat medaljes by die Spele verower het:

 Plek  Land  Deelnemers Goud Goud Silwer Silwer Brons Brons Totaal
1 Vlag van Verenigde State Verenigde State - 38 27 19 84
2 Vlag van Swede Swede - 16 11 17 44
3 Vlag van Frankryk Frankryk - 10 6 13 29
4 Vlag van Hongarye Hongarye - 10 5 12 27
5 Vlag van Italië Italië - 8 11 8 27
6 Vlag van Finland Finland - 8 7 5 20
7 Vlag van Turkye Turkye - 6 4 2 12
8 Vlag van Tjeggoslowakye Tjeggoslowakye - 6 2 3 11
9 Vlag van Switserland Switserland - 5 10 5 20
10 Vlag van Denemarke Denemarke - 5 7 8 20
12 Vlag van Verenigde Koninkryk Verenigde Koninkryk - 3 14 6 23
18 Vlag van Suid-Afrika Suid-Afrika - 2 1 1 4
Commons-logo.svg
Wikimedia Commons het meer media verwant aan:
Olimpiese Spele Logo van die Olimpiese Spele

Olimpiese Somerspele: 1896 · 1900 · 1904 · 1906* · 1908 · 1912 · 1916 · 1920 · 1924 · 1928 · 1932 · 1936 · 1940 · 1944 · 1948 · 1952 · 1956 · 1960 · 1964 · 1968 · 1972 · 1976 · 1980 · 1984 · 1988 · 1992 · 1996 · 2000 · 2004 · 2008 · 2012 · 2016 · 2020

Olimpiese Winterspele: 1924 · 1928 · 1932 · 1936 · 1940 · 1944 · 1948 · 1952 · 1956 · 1960 · 1964 · 1968 · 1972 · 1976 · 1980 · 1984 · 1988 · 1992 · 1994 · 1998 · 2002 · 2006 · 2010 · 2014 · 2018 · 2022
Internasionale Olimpiese Komitee - Nasionale Olimpiese Komitee
(*) Die spele van 1906 is deur die IOK georganiseer, maar word nie amptelik deur die IOK erken nie.