Pous Leo V

in Wikipedia, die vrye ensiklopedie
Spring na: navigasie, soek
Pous Leo V
Pope Leo V.jpg
Pontifikaat begin Augustus 903
Pontifikaat eindig September 903
Voorganger Benedictus IV
Opvolger Sergius III
Gebore
Ardea, Italië
Sterf September 903
Rome, Italië
Ander pouse genaamd Leo V

Leo V was die 118de pous van die Rooms-Katolieke Kerk.

Biografie[wysig | wysig bron]

Pous Leo V is waarskynlik gebore in Ardea, Italië. In Julie of Augustus 903 volg hy Pous Benedictus IV op en regeer tot hy deur die kardinaal en Teenpous Christoforus gevange geneem en afgeset word, nadat hy slegs 30 dae regeer het. Hy word opgevolg deur Pous Sergius III. Die naam ‘Leo’ beteken 'leeu'.

Pontifikaat[wysig | wysig bron]

Daar is min bekend oor Pous Leo V. Volgens 'n Bretonse legende het Sint Tugdual, die patroonheilige van Treguier, as pelgrim na Rome gegaan het en is daar tot pous verkies. Ondersteuning vir die storie word gevind in die feit dat Leo V in die offisiële lyste aangegee word as "Leo britigena".

Volgens ander bronne kom hy uit Priapi, 'n dorpie naby Ardea, suid van Rome. Blykbaar was hy voor sy verkiesing nie 'n kardinaal nie.

Slegs een besluit van Leo V is bekend, waar hy 'n groep kanunnike uit Bologne vrygestel het van 'n aantal belastings.

Sy dood is ook in onsekerheid gehul. Volgens sommige bronne is hy deur Christoforus gevange geneem en verwurg[1] en ander bronne meen dat hy deur Pous Sergius III wat Christoforus 'n paar maande later verdryf het, bevry is en dat hy sy laaste dae in 'n klooster deurgebring het.

Bibliografie[wysig | wysig bron]

  • Duff, Eamon (2001). Saints and Sinners: A History of the Popes, Yale University Press. ISBN 0-300-09165-6
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.

Verwysings[wysig | wysig bron]

  1. "Leo V." Encyclopædia Britannica. 2008. Encyclopædia Britannica Online. 17 Mei 2008 <http://www.britannica.com/eb/article-9047791>.

Eksterne skakels[wysig | wysig bron]

Wikisource
Die Engelse Wikisource bevat bronmateriaal oor hierdie onderwerp onder die titel:
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)


Nota[wysig | wysig bron]

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging[wysig | wysig bron]

Voorafgegaan deur:
Benedictus IV
Pous (Pontifex Maximus)
903903
Opgevolg deur:
Sergius III