Pous Sixtus I

in Wikipedia, die vrye ensiklopedie
Spring na: navigasie, soek
Pous Sixtus I
SixtusI.jpg
Geboortenaam Sixtus
Pontifikaat begin 115
Pontifikaat eindig 125
Voorganger Alexander I
Opvolger Telesforus
Gebore 42
Rome, Italië
Sterf 125
Rome, Italië
Ander pouse genaamd Sixtus
Sint Pous Sixtus I
Martelaar
Gebore 42, Rome, Italië
Sterfte 125, Rome, Italië
Vereer in Rooms-Katolieke Kerk
Oosters-Ortodokse Kerk
Pelgrimsoord Vatikaanse begraafplaas
Feesdag 3 April
Beskermheilige Alife en Alatri

Sixtus I was die sewende pous van die Rooms-Katolieke Kerk.

Biografie[wysig | wysig bron]

Die oudste dokumente spel die naam as ‘’’Xystus’’’. Sixtus[1][2][3] was 'n Romein uit die Colonna-familie en sy vader se naam was Pastor. Hy volg Pous Alexander I op en regeer van 115 tot 125 tydens die bewind van keiser Trajanus en later keiser Hadrianus. Hy word opgevolg deur Pous Telesforus. Die naam 'Xystus' beteken 'die beskaafde'.

Volgens die Liber Pontificalis[4] is Sixtus gebore in die Via Lata-distrik en is sy dood gevolg deur 'n sede vacante van 2 maande.

Pontifikaat[wysig | wysig bron]

Tydens sy bewind het hy het die volgende drie ordonnansies uitgevaardig:

  • slegs gewyde priesters mag die heilige vaatwerk aanraak
  • biskoppe wat na die Vatikaan ontbied is, moet, wanneer hulle na hulle bisdom terugkeer, Apostoliese briewe toon
  • na die inleiding van die Mis moet die priester saam met die gelowiges die Sanktus opsê of sing.

Verering[wysig | wysig bron]

Pous Sixtus I is heilig verklaar en hy word later as martelaar vereer. Sy feesdag is op 3 April.

Hy is in die Vatikaan begrawe langs die graftombe van Simon Petrus. Daar word gesê dat sy reliek oorgedra is na Alatri in 1132, maar O. Jozzi[5] beweer dat dit nog steeds in die Vatikaan is.

Bronne[wysig | wysig bron]

  • Maxwell-Stuart, P.G. (1997). Chronicle of the Popes. Thames Hudson Ltd., London. ISBN 0-500-01798-0
  1. Sixtus I, Saint. (2008). Encyclopædia Britannica. Deluxe Edition. Chicago: Encyclopædia Britannica.
  2. Artaud de Montor, Alexis F., Chévalier de, "The lives and times of the popes to 1003". (vertaal vanaf "Les vies des papes") bl. 39 The Catholic Publication Society of America, New York. 1911.
  3. Ott, M. (1912). Pope St. Sixtus I. In The Catholic Encyclopedia. New York: Robert Appleton Company. Besoek op 27 November 2014 by New Advent: [1]
  4. Loomis, Louise R. (1874 vertaling) The book of the popes (Liber Pontificalis) bl. 55. New York, University of Columbia Press. Augustus 1997.
  5. "Il corpo di S. Sisto I., papa e martire rivendicato alla basilica Vaticana", Rome, 1900

Eksterne skakels[wysig | wysig bron]

Commons-logo.svg
Wikimedia Commons het meer media verwant aan:


Nota[wysig | wysig bron]

Saamgestel uit die Nederlandse, Engelse en Duitse wiki.

Opvolging[wysig | wysig bron]

Voorafgegaan deur:
Alexander I
Biskop van Rome
115125
Opgevolg deur:
Telesforus