Pous Telesforus

in Wikipedia, die vrye ensiklopedie
Spring na: navigasie, soek
Pous Telesforus
Pope Telesfor.JPG
Geboortenaam Telesforus
Pontifikaat begin 125
Pontifikaat eindig 139
Voorganger Sixtus I
Opvolger Higinus
Gebore
Kalabrië, Italië
Sterf 139
Rome, Italië
Sint Pous Telesforus
Gebore Kalabrië, Italië
Sterfte 139, Rome, Italië
Vereer in Rooms-Katolieke Kerk
Grieks-Ortodokse Kerk
Pelgrimsoord Vatikaanse begraafplaas
Feesdag 5 Januarie (Rooms-Katolieke Kerk)
22 Februarie (Grieks-Ortodokse Kerk)
Attribute Pouslike klere
Beskermheilige Karmeliete

Telesforus was die agste pous van die Rooms-Katolieke Kerk.

Biografie[wysig | wysig bron]

Pous Telesforus[1][2][3] (Latyn: Telesphorus) was volgens oorlewering van Griekse afkoms, gebore in Kalabrië. Sy naam beteken “doelgerig ywerig”. Hy volg Pous Sixtus I op in 125 en word opgevolg deur Pous Higinus in 139. Volgens die kerkvader Irenaeus sterf hy (ongeveer in 140) 'n martelaarsdood. Hy is die enigste pous uit die 2de eeu waarvan die martelaarskap betroubaar vasgestel is. Die kerkhistorikus Eusebius van Caesarea plaas die begin van sy pontifikaat in die 12de regeringsjaar van die Romeinse keiser Hadrianus, dit wil sê ca. 128–129, en sy dood in die eerste jaar van keiser Antoninus Pius se bewind (138–139).

Pontifikaat[wysig | wysig bron]

Daar is min bekend oor sy pontifikaat. Sy naam word vir die eerste keer genoem in 'n brief van Irenaeus aan Pous Victor I met betrekking tot die viering van Paasfees. Daaruit blyk dat Telesforus een van die Romeinse biskoppe was wat Paasfees altyd op Sondag gevier het. Hy het egter nie sy verbintenisse met die Griekssprekende gemeentes in die ooste van die Romeinse Ryk, wat die gewoonte nie gevolg het nie, verbreek nie.

Volgens die Liber Pontificalis[4] (wat nie altyd betroubaar is nie) word die volgende liturgiese en ander besluite aan hom toegeskryf:

  • Invoering van die kersnagmis met Kersfees.
  • Drievoudige nagmaalsviering met Kersfees ter herdenking van die drievoudige geboorte van Jesus Christus (geboorte by die Skepping; geboorte uit die Maagd Maria; geboorte by die opstanding).
  • Opname van die Gloria as vaste onderdeel van die mis.
  • Invoering van die vastyd.

Verering[wysig | wysig bron]

Pous Telesfores is heilig verklaar en sy feesdag is op 5 Januarie in die Rooms-Katolieke Kerk, maar op 22 Februarie in die Grieks-Ortodokse Kerk. Die monnike en nonne van die Karmeliete orde vereer hom as hulle beskermheilige aangesien hy glo op die Karmelberg gewoon het as 'n kluisenaar. Die stad Saint-Télesphore in die suidweste van die Kanadese provinsie Quebec is na hom genoem.

Bronne[wysig | wysig bron]

  • Maxwell-Stuart, P.G. (1997). Chronicle of the Popes. Thames Hudson Ltd., London. ISBN 0-500-01798-0
  1. Telesphorus, Saint. (2008). Encyclopædia Britannica. Deluxe Edition. Chicago: Encyclopædia Britannica.
  2. Kirsch, J.P. (1912). Pope St. Telesphorus. In The Catholic Encyclopedia. New York: Robert Appleton Company. Besoek op 12 Julie 2015 by New Advent: http://www.newadvent.org/cathen/14477b.htm
  3. Artaud de Montor, Alexis F., Chévalier de, "The lives and times of the popes to 1003". (vertaal vanaf "Les vies des papes") bl. 44 The Catholic Publication Society of America, New York. 1911.
  4. Loomis, Louise R. (1874 vertaling) The book of the popes (Liber Pontificalis) bl. 57. New York, University of Columbia Press. Augustus 1997.

Verwysings[wysig | wysig bron]

  • Attwater, Donald and Catherine Rachel John. The Penguin Dictionary of Saints. 3rd edition. New York: Penguin Books, 1993. ISBN 0-14-051312-4.
  • Kelly, J.N.D. Oxford Dictionary of Popes. (1986). Oxford, England: Oxford University Press.

Eksterne skakels[wysig | wysig bron]

Commons-logo.svg
Wikimedia Commons het meer media verwant aan:
  • Inskrywing in die Ökumenisches Heiligenlexikon (Duits)
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)

Nota[wysig | wysig bron]

Saamgestel uit die Nederlandse, Engelse en Duitse wiki.

Opvolging[wysig | wysig bron]

Voorafgegaan deur:
Sixtus I
Biskop van Rome
125139
Opgevolg deur:
Higinus