Pous Celestinus V

in Wikipedia, die vrye ensiklopedie
Spring na: navigasie, soek
Pous Celestinus V
Celestin 5 statue.jpg
C o a Celestino V.svg
Geboortenaam Pietro del Morrone
Pontifikaat begin 5 Julie 1294
Pontifikaat eindig 13 Desember 1294
Voorganger Nicolaas IV
Opvolger Bonifatius VIII
Gebore 1215
Isernia, Italië
Sterf 19 Mei 1296
Fumone, Italië
Ander pouse genaamd Celestinus
Sint Pous Celestinus V
Gebore 1215, Isernia, Italië
Sterfte 19 Mei 1296, Fumone, Italië
Vereer in Rooms-Katolieke Kerk
Heiligverklaring 5 Mei 1313, Rome deur Pous Clemens V
Feesdag 19 Mei
Attribute Pouslike klere, pouslike tiara, boek
Beskermheilige Boekbinders, pouslike bedankings, Aquila, Urbino, Molise, Sant'Angelo Limosano

Celestinus V was die 191ste pous van die Rooms-Katolieke Kerk vir ses maande in 1294 na 'n sedis vacatio van twee jaar.

Biografie[wysig | wysig bron]

Pous Celestinus V[1] is gebore as Pietro del Morrone (ook Pietro Angelerio) in 1215 in Isernia, Italië, die seun van Angelo Angelerio en Maria Leone en die elfde van twaalf kinders. Op 5 Julie 1294 volg hy Pous Nicolaas IV op en regeer tot sy aftrede 13 Desember 1294. Hy is die eerste pous wat vrywillig afgetree het, die tweede is Pous Benedictus XVI wat in 2013 afgetree het. Hy word opgevolg deur Pous Bonifatius VIII. Die naam ‘Celestinus’ beteken 'hemelse'.

Pontifikaat[wysig | wysig bron]

Pous Celestinus V[2] was 'n uitsonderlike pous in die laat dertiende eeu wat veral deur ryk en politiek verstrengelde pouse gekenmerk is. Hy was 'n monnik-kluisenaar en siener. Hy het sterk betoog teen die rykdom en wêreldlike mag van die kerk. Hy word pous op vyf-en-tagtigjarige leeftyd na 'n sedis vacatio van twee jaar. Op 29 Augustus 1294 word hy gekroon in die Sint Maria di Collemaggio-kerk in Aquilla.

Celestinus het gelyk na die vervulling van die verlange na 'n ‘Papa Angelicus’, 'n heilige en onwêreldse pous om die kerk te hervorm en weg te doen met die politieke invloede om sodoende die kerk voor te berei op die wederkoms van Christus. Waar sy voorgangers hulle invloed in die politiek laat geld het, was Celestinus 'n neutrale en baie charismatiese pous.

Celestinus was egter nie opgewasse teen die finansiële en politieke kompleksiteit van sy amp. Hy kon die probleme nie oplos met sy gebruiklike gebed en vas nie. Vyf maande en agt dae na sy verkiesing abdikeer hy, nadat hy self die kerkreg verander het om abdikasie van 'n pous moontlik te maak. Sy abdikasiebrief is geskryf deur kardinaal Benedetto Gaetani wat hom as Pous Bonifatius VIII sou opvolg. Omdat Gaetani 'n opstand in die kerk gevrees het, het hy die afgetrede pous gevange geneem en in erbarmlike omstandighede aangehou in die Fumone kasteel in Ferentino.

Celestinus is oorlede op 19 Mei 1296 en is op 5 Mei 1313 heilig verklaar deur Pous Clemens V.

Verering[wysig | wysig bron]

Pous Celestinus V word as 'n heilige vereer in die Rooms-Katolieke Kerk en sy feesdag is op 19 Mei. Sy lewe word uitgebeeld in twee toneelstukke, L’avventura di un povero cristiano (Die verhaal van 'n arm Christen) deur Ignazio Silone in 1968 en Sunset and Glories deur Peter Barnes in 1990.

Bibliografie[wysig | wysig bron]

  • Duff, Eamon (2001). Saints and Sinners: A History of the Popes, Yale University Press. ISBN 0300091656.
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.

Verwysings[wysig | wysig bron]

  1. Celestine V, Saint. (2008). Encyclopædia Britannica. Deluxe Edition. Chicago: Encyclopædia Britannica.
  2. Loughlin, J. (1908). Pope St. Celestine V. In The Catholic Encyclopedia. New York: Robert Appleton Company. Besoek op 25 November 2008 by: http://www.newadvent.org/cathen/03479b.htm

Eksterne skakels[wysig | wysig bron]

Commons-logo.svg
Wikimedia Commons het meer media verwant aan:
Wikisource
Die Engelse Wikisource bevat bronmateriaal oor hierdie onderwerp onder die titel:
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)


Nota[wysig | wysig bron]

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging[wysig | wysig bron]

Voorafgegaan deur:
Nicolaas IV
Pous (Pontifex Maximus)
12941294
Opgevolg deur:
Bonifatius VIII