Pous Benedictus II

in Wikipedia, die vrye ensiklopedie
Pous Benedictus II
Geboortenaam Benedictus Sabellus
Pontifikaat begin 26 Junie 684
Pontifikaat eindig 8 Mei 685
Voorganger Leo II
Opvolger Johannes V
Gebore 635
Rome, Italië
Sterf 8 Mei 685
Rome, Italië
Ander pouse genaamd Benedictus

Benedictus II was die 81ste pous van die Rooms-Katolieke Kerk.

Biografie[wysig | wysig bron]

Volgens oorlewering is Pous Benedictus II gebore in Rome, die seun van Johannes. Hy het skool gegaan in die "Schola cantorum" en priester geword. Op 26 Junie 684 byna 'n jaar na die dood van sy voorganger, volg hy Pous Leo II op en regeer tot sy dood op 8 Mei 685. Hy word opgevolg deur Pous Johannes V. Die naam ‘Benedictus’ beteken 'die geseënde'.

Pontifikaat[wysig | wysig bron]

Die lang tyd tussen sy verkiesing en sy bevestiging as pous is veroorsaak deur die vereiste dat keiser Konstantyn IV goedkeuring moes verleen vir die bevestiging. Volgens die "Liber Diurnus Romanorum Pontificum" het Pous Benedictus egter 'n dekreet van die keiser bekom wat bepaal het dat die eksarg van Ravenna in die toekoms die goedkeuring sou gee. Benedictus het die twee seuns van Konstantyn, Justinianus en Heraclius, simbolies geadopteer.

Soos sy voorganger was pous Benedictus 'n sterk teenstander van die monotelitisme. Hy het probeer om ook die Spaanse biskoppe en die afgesette biskop van Antiogië, Macarius, so ver te kry om die besluite van die Sesde Ekumeniese konsilie te aanvaar. Koning Ervig en Sint Julianus, aartsbiskop van Toledo, het die besluite tydens die sinode van Toledo in November 684 aanvaar, maar Macarius het 'n ketter gebly. Benedictus het ook Sint Wilfrid as biskop van York gesteun.

Pous Benedictus II het die beginsel van "veilige hawe" (Eng. Sanctuary) weer ingestel, wat 'n lang tyd deur verskillende groepe verontagsaam is.

In die 15de eeu is beweer dat die pous 'n gesamentlike voorvader van die Savelli-familie was, maar die bewering kon nie dokumentêr gestaaf word nie en is baie onwaarskynlik.

Verering[wysig | wysig bron]

Pous Benedictus II word as heilige vereer in die Rooms-Katolieke Kerk. Sy feesdag is op 8 Mei.

Bibliografie[wysig | wysig bron]

  • Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
  • Duff, Eamon. Saints and Sinners: A History of the Popes, Yale University Press, 2001. bl. 62–63. ISBN 0300091656
  • Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002, bl. 47. ISBN 0500017980.

Eksterne skakels[wysig | wysig bron]

  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • CE Inskrywing in die Catholic Encyclopedia (Engels)
  • PTA Inskrywing in "Popes through the Ages" deur J. Brusher S.J. (Engels)


Nota[wysig | wysig bron]

Saamgestel en vertaal uit die Nederlandse, Engelse, Duitse en Franse wikipedia.

Opvolging[wysig | wysig bron]

Voorafgegaan deur
Leo II
Pous (Pontifex Maximus)
684685
Opgevolg deur
Johannes V