Pous Victor I

in Wikipedia, die vrye ensiklopedie
Pous Victor I
Geboortenaam Victor
Pontifikaat begin 186 of 189
Pontifikaat eindig 197 of 201
Voorganger Eleuterus
Opvolger Zefirinus
Gebore
Afrika
Sterf 197 of 201
Rome, Italië
Ander pouse genaamd Victor

Victor I was die veertiende pous van die Rooms-Katolieke Kerk.

Biografie[wysig | wysig bron]

Pous Victor I is waarskynlik in Afrika gebore van Berberafkoms, maar Hieronimus van Stridon beweer dat hy 'n Romein was. Hy word getel as een van die drie pouse uit Afrika. Hy is in Rome oorlede in 197 of 201. In 186 of 189 volg hy Pous Eleuterus op en word na sy dood opgevolg deur Pous Zefirinus. Die naam Victor beteken ‘oorwinnaar’.

Pontifikaat[wysig | wysig bron]

Tydens sy bewind word die biskop van Rome erken as die belangrikste mag in die Rooms-Katolieke Kerk. Hy verander ook die amptelike taal van die kerk van klassieke Grieks na Latyn. Die gebruik van Latyn in die erediens word egter nie algemeen voor die tweede helfte van die 4de eeu nie.

Die uniforme viering van Paasfees op die Sondag na die lydensweek is deur hom afgedwing. Hy maak 'n einde aan die gebruik van die Christene in Klein-Asië om Paasfees op 14 Nisan ('n maand in die Joodse kalender) te vier. Pous Pius I was tolerant ten opsigte van die gebruik.

Hy staan bekend as intolerant ten opsigte van andersdenkendes en het 'n hele paar biskoppe soos Polikratus van Efese en Theodotus van Bisantium geëkskommunikeer (die sakramente ontsê) ondanks die feit dat die Christene nog volop vervolg is. Die gnostisisme is ook hard aangepak.

Verering[wysig | wysig bron]

Victor I word as heilige deur die Rooms-Katolieke Kerk vereer. Sy feesdag is op 28 Julie.

Verwysings[wysig | wysig bron]

  • Kung, Hans. 2003. The Catholic Church: A Short History. The Modern Library.
  • Vincent Serralda et André Huard, Le Berbère...Lumière de l'Occident, bl. 50–52, Nouvelles Editions Latines, Paris, 1990 (ISBN 978-2-7233-0239-5)

Eksterne skakels[wysig | wysig bron]

Nota[wysig | wysig bron]

Saamgestel uit die Nederlandse, Engelse, Duitse en Franse wiki’s.

Opvolging[wysig | wysig bron]

Voorafgegaan deur
Eleuterus
Biskop van Rome
189199
Opgevolg deur
Zefirinus