R40 (Suid-Afrika)

in Wikipedia, die vrye ensiklopedie
Jump to navigation Jump to search

Provinsiale roete R40 shield

Provinsiale roete R40
Roete-inligting
Onderhou deur SANRAL, RAL en MDOWPV
Lengte310 km (190 mi)
Belangrike aansluitings
Noordpunt R71 naby Phalaborwa
  R37 in Nelspruit
N4 in Nelspruit
R38 in Barberton
SuidpuntMR20 by die Eswatini-grens naby Bulembu
Ligging
StedePhalaborwa
Nelspruit
DorpeHoedspruit
Hazyview
Witrivier
Barberton
Piggs Peak
Snelwegstelsel
Genommerde roetes in Suid-Afrika
R39R41

Die R40 is ’n provinsiale roete in Suid-Afrika wat Phalaborwa verbind met die Eswatini-grens by Bulembu, via Hoedspruit, Nelspruit en Barberton. Die roete strek oor twee provinsies en deur verskeie privaat wildreservate in die Laeveld. [1]

Dit is vir vyf kilometer medebeskryf met die R526-streeksroete.

Roete[wysig | wysig bron]

Mpumalanga[wysig | wysig bron]

Eswatini na Barberton[wysig | wysig bron]

Die R40 se suidelike eindpunt is die Eswatinigrens by die Bulembu-grenspos, met die dorp Bulembu aan die ander kant van die grens. Dit begin deur noordwaarts deur die oostelike deel van die Songimvelo-wildreservaat te gaan voordat die Mountainlands-natuurreservaat binnegegaan word, waar dit na die noordweste draai.

Die R40 gaan die noordelike buitewyke van Barberton binne, waar dit 'n kruising met die R38 pad en Shebaweg noord van Barberton se middedorp bereik. Die R38 sluit by die R40 aan, waar hulle een pad wes-noordwes is vir 8 km as Dikbaslaan. Nadat die Queensrivier noordwes van Barberton oorgesteek is, verdeel die R38 by 'n t-aansluiting en word sy eie pad rigting suidwes na Badplaas, terwyl die R40 noordwaarts draai om die Barberton-lughawe en die Barberton-natuurreservaat te omseil.

Nelspruit[wysig | wysig bron]

Die R40 gaan Nelspruit (Mbombela; hoofstad van Mpumalanga) binne as Madibarylaan. Dit bereik 'n kruising met die hoofstraat van Mbombela (R104 Samora Machelrylaan) wes van die SSK voor dit oor die Krokodilrivier gaan. Onmiddellik hierna ontmoet die R40 die suidelike eindpunt van die R37-pad voordat dit onderdeur die Mbombela Noordelike verbypad (N4 Nasionale Roete) gaan en Mbombela na die noordooste verlaat.

Witrivier[wysig | wysig bron]

Waar die dorp Witrivier in 'n noordoostelike rigting binnegekom word, kruis dit die R537-pad aan sy linkerkant. Die R40 gaan ooswaarts deur die dorp as sy hoofstraat (Hoofman Mgiyeni Khumalo-rylaan). Halfpad deur die middedorp ontmoet die R40 die R538 en draai dan noord weg om saam met dit deur die Kingsview-voorstad as Theo Kleynhansstraat te gaan. Noord van die dorp gaan dit deur 'n groot sirkel, waar die R538 sy eie pad ooswaarts word, terwyl die R40 noordwaarts na Hazyview gaan.

Hazyview na Acornhoek[wysig | wysig bron]

Die R40 kronkel noordwaarts, eers verby die Klipkopjesdam in die weste en later die Da Gamadam in die ooste, terwyl die pad noordoos gaan en uiteindelik weer by die R538 aansluit. By hierdie kruising draai die R40 noord en gaan die dorp Hazyview binne, waar dit die R536-pad ontmoet voordat dit oor die Sabierivier gaan. Net nadat die Sabierivier oorgesteek is, ontmoet dit die R535-pad. Dit verlaat nou Hazyview en steek die Mariterivier oor. Noordwaarts gaan dit verby die Injakadam in die weste en die Bosbokrand-natuurreservaat in die ooste, 'n gebied met baie klein dorpies en gehuggies, waaronder Bosbokrand en Rooiboklaagte. Dit gaan hierna die Limpopoprovinsie binne by die groot landelike dorp Acornhoek.

Limpopo[wysig | wysig bron]

In die Limpopoprovinsie steek dit die Klaserierivier oor en kruis die R531 waar dit noord draai deur privaatwildreservate en uiteindelik Hoedspruit vanuit die suide binnekom (dit ontmoet die R527-pad langs die Lugmagbasis Hoedspruit). Dit gaan deur Hoedspruit, strek in 'n noordwestelike rigting deur verdere privaatwildreservate, voordat dit oor die Olifantsrivier gaan en kort daarna by die R530 aansluit naby Mica. Die roete se rigting verander na noordoos, kruis die Ga-Selatirivier en na 'n kort afstand word die noordelike eindpunt van die R40 bereik as 'n t-aansluiting met die R71 (Gravelotte)-pad, 5 km wes van Phalaborwa.

Verwysings[wysig | wysig bron]

  1. "RDDA South African Numbered Route desciption and destination analysis". Nasionale Departement van Vervoer. Mei 2012. Besoek op 25 Maart 2021.