Georgië

{{{volle_naam}}}

[[Lêer:{{{beeld_vlag}}}|125px|Vlag van {{{algemene_naam}}}]] [[Lêer:{{{beeld_wapen}}}|85px|Landswapen van {{{algemene_naam}}}]] [[Vlag van {{{algemene_naam}}}|Vlag]] [[{{{simbool_tipe}}} van {{{algemene_naam}}}|{{{simbool_tipe}}}]]
Volkslied: {{{volkslied}}}
Hoofstad	{{{hoofstad}}}
Grootste stad	{{{grootste_stad}}}
Amptelike tale	{{{amptelike_tale}}}
Regering {{{leiertitels}}}	{{{leiername}}}
Onafhanklikheid {{{onafhanklikheidstipe}}} {{{onafhanklikheidsgebeure}}}	{{{onafhanklikheidsdatums}}}
Oppervlakte  - Totaal    - Water (%)	{{{oppervlak_grootte}}} {{{oppervlak}}} km2
Bevolking  - Digtheid	{{{bevolkingsdigtheid}}} / km2
Geldeenheid	{{{geldeenheid}}} ({{{geldeenheid_kode}}})
Tydsone  - Somertyd	{{{tydsone}}} (UTC{{{utc_afwyking}}}) {{{tydsone_somer}}} (UTC{{{utc_afwyking_DST}}})
Internet-TLD	{{{internet_domein}}}
Skakelkode	+{{{skakelkode}}}

Georgië is 'n Eurasiese land in die Kaukasiese gebied geleë aan die ooskus van die Swart See. Die buurstate van Georgië sluit in Rusland (noord), Turkye en Armenië (suid) en oos deur Azerbeidjan.

Georgië was slegs die tweede land na Armenië wat die Christelike godsdiens as staatsgodsdiens in die 4de eeu na Christus aanvaar het. 80% van die 4,6 miljoen inwoners van die land is Georgiese Ortodokse Christene, terwyl 2% Russies Ortodokse Christene en 4% Armenies Ortodokse Christene is.

Georgië het 'n demokraties verkose staatshoof. Mikhail Saakashvili beklee tans hierdie pos. Vanweë Saakashvili se goeie verhoudinge met die VSA, het Georgië in April 2008 vergeefs probeer om 'n lidland van NAVO te word. Dit was onder groot protes van Rusland, wat Georgië en ander oud-Sowjet state steeds as deel van hul invloedsfeer beskou.

Dit het ook in onlangse jare aanleiding gegee tot heelwat konflik tussen Georgië en Rusland. Twee streke van Georgië, met 'n meerderheid Russiese inwoners is al jare in 'n gewapende stryd teen die Georgiese regering betrokke en leef in onverklaarde onafhanklikheid, naamlik Abkasië en Suid-Ossetië. Rusland het ook ekonomiese sanksies teen Georgië ingestel.

Geografie

Klimaat

Sneeu in Batumi. In die algemeen val min sneeu in Georgië, ongeag die koue winterweer

Klimaattoestande in Georgië wissel van permanente sneeugebiede in die hoër gebergtes tot subtropies-vogtige streke langs die Swart See in Wes-Georgië en droë kontinentale klimaat in die oostelike landsdele. Temperature word deur die hoogte bo seevlak beïnvloed, met koeler temperature in die noorde en die berggebiede. Gedurende die Georgiese winter daal die kwik in die hele land benede vriespunt, en kragonderbrekings skep soms moeilikhede. Nogtans verhoed die Groter Kaukasiese bergreeks, wat langs die grens met die Russiese Federasie loop, dat koue lugstrome uit die noorde na Georgië deurtrek.

Reënval wissel van tussen 1 000 tot 4 000 mm per jaar in die weste tot tussen 400 en 1 600 mm in die ooste. Terwyl dit in die vogtige westelike dele regdeur die jaar versprei is, val reën in die ooste meestal in die lente en herfs.

Die relatief kort Georgiese lente word deur skielike weerskommelinge gekenmerk, terwyl die kwik in die somer in warmer gebiede bo 30 °C styg. Weerstoestande in die herfs is sonnig en relatief warm.