Wikipedia:Geselshoekie

Kom gesels saam met ons...

Sien ook:

• Wikipedia:Welkom nuwelinge wat veral op nuwelinge gemik is.
• Wikipedia:Gebruikersportaal vir nuttige skakels vir alle gebruikers.
• Wikipediabespreking:Geselshoekie vir bespreking van die toekoms van hierdie bladsy.
• Taalforum vir besprekings oor taalprobleme. Die juiste terme, spellings ensomeer.
• Roboteers Forum

Verdere hulp:

Vir volledige hulp, riglyne en beleid (algemeen en spesifiek), raadpleeg gerus die

• Engelse Community Portal,
• Nederlandse Gebruikersportaal en
• Meta Wikipedia.

Argief
2004	2005	2006
2007	2008	2009
2010	2011	2012
2013	2014	2015
2016/1	2016/2	2017/1
2017/2
Hoe word 'n argief aangelê?

Welkom by die Afrikaanse Wikipedia se algemene geselshoekie. Enigiemand is welkom om deel te neem aan die besprekings hier: teken asseblief u besprekings deur ~~~~ te tik, of die "Handtekening met datum"-ikoon () te kies op die redigeringskieslys.

Ou besprekings word na die argief geskuif (sien die navigasiekas regs). As u 'n gesprek wil voortsit wat in die argief is, word aanbeveel dat u die betrokke dele uitknip en hier plak.

Hierdie blad is vir algemene besprekings, besprekings omtrent 'n spesifieke artikel kan op daardie artikel se besprekingsblad begin word; sodoende kan dit ook deur toekomstige bydraers en redigeerders gelees word.

Internet Relay Chat (of IRC) word gebruik om aanlyn met ander gebruikers te klets. Inligting oor die Afrikaanse kletskamer is hier beskikbaar.

Vir die jongste nuus van Wikimedia ZA, besoek gerus ons Facebook bladsy, word lid van die Afrikaanse Poslys of besoek ons Tuisblad in Afrikaans

>>> Voeg 'n nuwe onderwerp by <<<

Weesbladsye

Op 31 Julie 2017 het ons 2640 weesbladsye gehad. Talle daarvan kan maklik 'n skakeltjie kry, soms deur net die soekfunksie (met die vergrootglas) te gebruik. Jcwf (kontak) 17:56, 1 Augustus 2017 (UTC)

Afrikaanse alfabet

Is daar enige rede vir dié volgorde van die rasse in die info-kassies by voorstede, dorpe, stede en lande, buiten dat dit die volgorde in Engels is? Swart, Kleurling, Indiër/Asiër, Blank, Ander. (Black, Coloured, Indian, White) En indien nie, kan ons die volgorde Afrikaans maak? Morne (kontak) 12:57, 3 Augustus 2017 (UTC)

Sonder om na die wysigingsgeskiedenis te kyk, raai ek dat die huidige volgorde 'n oorblyfsel is van die Engelse volgorde. Ek ondersteun 'n wysiging wat die volgorde alfabeties in Afrikaans maak. K175 (kontak) 13:53, 3 Augustus 2017 (UTC)

Ondersteun Puvircho (kontak) 10:45, 7 Augustus 2017 (UTC)

Ondersteun Oesjaar (kontak) 11:03, 7 Augustus 2017 (UTC)

Ondersteun en reeds Uitgevoer --Aliwal2012 (kontak) 15:06, 30 Augustus 2017 (UTC)

Ons kan dit volgens persentasie sorteer, soos die tale. Dis die beste oplossing, dink ek. Groete. SpesBona 18:50, 24 Augustus 2017 (UTC)

Die era van robotte op die Afrikaanse Wikipedia het aangebreek

Hi julle. Ek het uitgewerk hoe om basiese teksvervanging via Gebruiker:KabouterBot uit te voer. Is daar enige take wat julle aan die robot wil gee? K175 (kontak) 10:08, 7 Augustus 2017 (UTC)

Ek sien so! Goed gedoen! Kan mens die bot gebruik om nuwe artikels te integreer, dus sodra nuwe artikel verskyn, neem sy naam en soek in elke artikel waar die woord die 1ste keer voorkom en verander dié woord na 'n skakel? Groete! Oesjaar (kontak) 11:06, 7 Augustus 2017 (UTC)

Hi Oesjaar, ek glo so. Maar wat as die woord in die artikel na 'n ander betekenis van die woord verwys? Dit is dalk 'n bietjie van 'n ingewikkelder probleem as wat ek tans kan programmeer, maar dit is in prinsiep moontlik. Die robot sal na die konteks waarin die woord gebruik word, moet kyk. K175 (kontak) 11:24, 7 Augustus 2017 (UTC)

My voorstelle (as ek nou reg dink...):

• vir dit > daarvoor
• met dit > daarmee
• op dit > daarop
• van dit > daarvan
• deur dit > daardeur
• binne dit > daarbinne
• aan dit > daaraan
• agter dit > daaragter
• benewens dit > daarbenewens
• by dit > daarby
• na dit > daarna
• oor dit > daaroor (wees maar versigtig vir dié een)
• teen dit > daarteen
• uit dit > daaruit

As dit kan: probeer 'n sin wat met "Om dit te..." begin te ignoreer - juis daarom het ek "om dit > daarom" nie gelys nie.

Hierdie ou taalgoggatjies wil ek graag met plaagbestryding ombring; kan dit moontlik gebeur? Suidpunt (kontak) 11:13, 7 Augustus 2017 (UTC)

Hi Suidpunt, ek dink hierdie behoort maklik te wees en ons kan dit dus prioritiseer. K175 (kontak) 11:24, 7 Augustus 2017 (UTC)

.."Die gedagte agter dit alles," het ds. De Klerk later geskryf, "was evangelisasie... ->"Die gedagte daaragter alles," het ds. De Klerk later geskryf, "was evangelisasie. ?

Trouens kan 'n bot ook 'n huis bou? Ek is robotoskepties. Ek het bots baie skade sien doen.

Jcwf (kontak) 11:59, 7 Augustus 2017 (UTC)

Hallo daar! Ek is op soek ná 'n robot wat twee dinge kan doen:

1. Maak al die gemors by Lêername reg, sien Wikipedia:Geselshoekie/Argief2017/2#Lêername. Dis nie nodig dat in ons artikels sondertekens en "_" by Lêername is nie. Dit moet soos skakels ná artikels behandel word: suiwer! Veral by voorbladartikels is dit nie aanvaarbaar nie, sien Wikipedia:Riglyne vir voorbladartikels: "(d) Netjies leesbare wikisintaks (bv. goeie spasiëring)."
2. Bestry vandalisme teen die Afrikaanse Wikipedia op Wikidata. Anonieme gebruikers kan op Wikidata taalskakels sonder probleme of rede verwyder en ons by die Afrikaanse Wikipedia sien daarvan niks! Dis veral die tag "new editor removing a sitelink", sien bv. hier.

Kan jy robot dalk help? Groete. -- SpesBona 12:02, 7 Augustus 2017 (UTC)

En ja,hoor, die robotgemors het reeds begin. Nee, Edvard Grieg is nie 147 jaar oud nie. Hy is dood. Hoeveel verslegterings het jou bot nog meer aangerig K175? Is daar 'n noodstop-knoppie? Want dit behoort daar te wees. Jcwf (kontak) 12:37, 7 Augustus 2017 (UTC)

Gee Gebruiker:K175 'n kans asb! Dit is net mense wat niks doen wat nie foute maak nie! Groete! Oesjaar (kontak) 12:46, 7 Augustus 2017 (UTC)

Dankie vir al die terugvoer en terugrolle (@Gebruiker:SpesBona). Die robot loop tans semi-outomaties, wat beteken dat ek oorsig lewer terwyl dit loop. Die huidige taak is nou voltooi: geboortedatums in inligtingskasse van musici is nou vervang met {{GDEO}} sodat die ouderdom agteraan gewys word. Daar is nou geen meer geboortedatums in hierdie bladsye wat nie 'n ouderdom wys nie. 'n Paar probleme het tydens uitvoer van die taak opgeduik: dooie mense se ouderdomme is bereken en 'n paar bladsye wat nie verband hou met musici nie is gewysig. Hierdie foutiewelike wysigings is volgens my kennis almal teruggerol. Die robot gaan nie nou weer hardloop totdat ek dit weer 'n taak gee nie. Ek gaan volgende kyk na Suidpunt se voorstel, maar eers later wanneer ek weer tyd het. En dan kan ons dit ook maar stadig vat. Groete. K175 (kontak) 12:53, 7 Augustus 2017 (UTC)

Ek is die Duitser wat alles kritiseer, dis my werk... Groete. -- SpesBona 12:55, 7 Augustus 2017 (UTC)

Ons moet die Engelse spreekwoord "To err is human, but to make a real foul-up takes a computer" onthou. Martinvl (kontak) 11:07, 8 Augustus 2017 (UTC)

Hallo Gebruiker:K175, en dankie vir die moeite om dinge te verbeter. Ek wil ook maar net my opinie gou noem: bly asb. weg van volledig geoutomatiseerde wysigings. Eenvoudige soek en vervang van "verkeerde" met "regte" teks sal amper altyd êrens 'n fout maak. Sorg asb. dat elke wysiging nagegaan word totdat daar báie groot sekerheid is dat die robot nie droogmaak nie. 'n Robot wat 99% van die tyd nié droogmaak nie se 1% kan foute vinniger maak as wat enige individu maklik kan regmaak, juis omdat al die 99% ook nagegaan moet word om te weet waar die foute is. Daar is bv. dinge wat aanhalings is uit ander tale, liedjies se name, plekname, eiename, en selfs dinge wat as foute bedoel is wat nie gewysig moet word nie. 'n "Eenvoudige" geval soos "op dit" -> "daarop" sal seker veel meer as 1/100 keer 'n verkeerde wysiging wees. Bv. "Hy was trots op dit wat hy vermag het.", "Konsentreer op dit wat saak maak.", en as mens nog agterlosig is, selfs dinge soos "Ek hoop dit sal werk." Robotte kan ons geweldig help, maar kan ook skade doen. Gebruik goeie oordeel, maar begin gerus stadig en wag vir terugvoer voordat honderde veranderinge ongedaan gemaak moet word. 'n Fyner punt is dat ek baie keer 'n soektog vir swak taal gebruik om artikels te kry om geheel te hersien, wat veel beter is as om slegs een klein saak te verbeter. En bly tog weg van enigiets wat net dalk 'n saak van smaak/opinie is. Ek hoop dit help! --Alias (kontak) 17:48, 12 Augustus 2017 (UTC)

Alias, dankie vir jou inset. Dit lyk my die robot sal nuttiger wees by die wysiging van bronteks wat nie sigbaar is aan lesers nie (bv. sjablone en kategorieë in die bronteks). Ek stem saam dat taalkundige wysigings tans maar alleen met oorsig gedoen moet word (dus nie veel anders as wysiging met Autowikibrowser nie). Ek glo wel dat ons eventueel taalnuanse met robotte kan wysig, bv. daar is moontlik 'n reël wat "op dit wat" betref, en "ek hoop dit sal werk" kan natuurlik met 'n regular expression hanteer word, maar grootskaalse taalkundige robotwysiging is ideologies en sal nie binnekort moontlik wees nie. K175 (kontak) 18:54, 12 Augustus 2017 (UTC)

Roboteers forum

Ek stel self baie graag belang om 'n bot te programeer. Is daar tans 'n Afrikaanse speltoetser bot? Wat net basiese spelfoute reg maak? --MickeyDangerez (kontak) 20:37, 29 Augustus 2017 (UTC)

Hiermee stig ek die amptelike Roboteers forum.--MickeyDangerez (kontak) 21:04, 30 Augustus 2017 (UTC)

Ons al vantevore oor robotte gepraat. Kom ons hou maar by die bestaande bladsye en vee joune uit. --Alias (kontak) 19:21, 31 Augustus 2017 (UTC)

{{Sterfdatum en ouderdom}} vervang met {{SDEO}}

Hi julle, mag ek maar alle gevalle van {{Sterfdatum en ouderdom}} met {{SDEO}} vervang (vir leesbaarheid van bronteks)? K175 (kontak) 16:29, 7 Augustus 2017 (UTC)

Hallo daar! Nee, dis nou onnodige werk. Ek hou nie daarvan indien 'n direkte skakel in 'n aanstuur verander word nie, dit geld ook vir [[Suid-Afrikaanse]] ipv. [[Suid-Afrika]]anse. Nie almal weet wat SDEO beteken nie, dus verbeter dit nie die leesbaarheid van die bronteks nie. Groete. -- SpesBona 21:40, 7 Augustus 2017 (UTC)

Organiese chemie

Die artikel Organiese chemie was sedert 2004 niks anders as 'n (taamlik groot en lukraak) versameling rooi skakels nie. Nouliks teks, geen prentjies of verwysings. Tog het dit 5-6 treffers per dag gekry en in die skooltyd (Mei) soms 15-17 per dag... maar die arm kinders het verniet gekom.. Organies is nie my gunsteling-chemie nie, maar ek het geprobeer om hiervan 'n waardevolle storie te maak. Alle skakels is nou blou, maar ek moet beken dat dit dikwels nie meer as blou saadjies is nie. Jcwf (kontak) 03:47, 8 Augustus 2017 (UTC)

Dankie en goed gedoen! Elke bietjie help! Groete! Oesjaar (kontak) 05:38, 8 Augustus 2017 (UTC)

Dankie Jaap! Dit verg moed om so 'n artikel te verbeter...--Aliwal2012 (kontak) 08:00, 8 Augustus 2017 (UTC)

Orania-artikel verder vertaal

Goeiedag, die afgelope 10 dae het ek die (hele) Engelse artikel van Orania na Afrikaans vertaal, omdat die Afrikaanse weergawe baie foute bevat. Die vertaling staan op Gebruiker:I90Christian/Werkblad. Die teks het nog 17 rooi skakels, maar hulle gaan nog blou word. Aangesien dit 'n vertaling vanuit Engels is, kan daar plek-plek foute ingesluip het. Kan iemand miskien help om foute uit die teks te haal? Dit sou fantasties wees as julle kon help! I90Christian (kontak) 21:15, 9 Augustus 2017 (UTC)

Nota: Die nuutste weergawe is by Orania beskikbaar, nadat 5 bydraers dit beet gehad het!

Nog 'n vraag van dieselfde tipe: ek het Special:ContentTranslation gebruik om katjie te skep, en ek weet nie presies hoe ek krediet vir die Engelse artikel moet gee nie. --Slashme (kontak) 18:06, 15 Augustus 2017 (UTC)

Wat ek doen is onder 'n opskrif "Verwysings" die sjabloon:Wikivertaling gebruik. (Sien:Groot Ljachof-eiland wat ek gister vertaal het) Ek gaan terug na die oorspronklike storie en kliek "permanent link" om die "oldid" te kopieer. Maar ander mense het ander metodes hier. Jcwf (kontak) 18:31, 15 Augustus 2017 (UTC)

Baie dankie vir almal (en in die besonder vir Aliwal2012, JMK, WinstonZA en K175) wat die afgelope dae bygedra het en die artikel verder verbeter het! I90Christian (kontak) 12:19, 20 Augustus 2017 (UTC)

Wat maak mens met geweldige lang boekname?

Salve / Hallo / Goed dankie. / Skink maar koffie.

Ek praat nou nie oor Die storie van die molletjie wat wou weet wie op sy kop gedinges het nie. Ook nie Soll die plattdeutsche Sprache gepflegt oder ausgerottet werden - Gegen Ersteres und für Letzteres nie. Ek bedoel nou hierdie laaaang titels, soos Antidotarium gandavense nobilissimi amplissimique Senatus Iussu, denuo correctius editum.

Of Meditationes de prima philosophia in quibus Dei existentia et animae humanae a corpore distinctio, demonstrantur. Deur René Descartes, terloops.

Of Johann Schreyer (Chirurgi) se [haal lekker diep asem, ruik die see en skulpies]:

Neue Ost-Indianische Reisz-Beschreibung von Anno 1669 bis 1677, handelnde von unterscheidenen Afrikanischen und Barbarischen Völkern sonderlich derer an dem Vor-Gebuerge Caput bonae spei sich enthaltenden so genanten Hottentoten. Lebens-art/Kleidung/Haushaltung/Ehestand/Rinder-Zucht/Aber-Glauben/Leibes-Ubung/Kriegs-Ruestung/Tanzen/Handel und Gewerbe/Wohnungen/Tod und Begraebnis/u.d.g. Und dann von unterscheidenen umbliegenden Provinzen und ihrer Situation, Fruchtbarkeit und Nahrung / Alles mit sonderbaren Fleiß auf eigener Erfahrung von dem Auctore zusammen getragen, und zum Druck befordert.

O, boonop op dieselfde blad, as jy dit nog sou mislees: Gedruk in Leipzig deur Verlegts Johann Christian Wohlfart in Anno 1681.

Maar net gewonder... Suidpunt (kontak) 20:43, 17 Augustus 2017 (UTC)

Dagga

Ek het Aliwal se blokkering opgehef. Blokkerings is nie bedoel om jou politieke oortuiging aan die leser op te dring nie. Dit is misbruik Aliwal. Hierdie gebruiker het niks gevandaliseer of wat ook, net 'n storie geskryf waar jy nie mee saamstem nie. Jcwf (kontak) 21:53, 19 Augustus 2017 (UTC)

Vandalisme gepleeg deur Aliwal2012 deur die beskrywing van die hooffoto op Daggafarian te verander vanaf "Daggafarians sorteer dagga" na "Daggaverspreiders sorteer dagga" wanneer die inhoud van die skryf stuk nie oor die handelsdryf van dagga gaan nie maar die gebruikers kultuur. Informasie wat op dagga geplaas word, wat verwyder was het geen verwysing om hul akkuraatheid te ondersteun nie. MickeyDangerez (kontak) 00:53, 20 Augustus 2017 (UTC)

"Daggaverspreiders sorteer dagga" is 'n beter byskrif. Maar al die fotos word na my mening foutiewelik aangewend by die artikel, want daggafariër / cannafariër / hennepfariër is 'n verbeeldingsvlug, en dis die rede hoekom dit nie met ander wikis geskakel is nie. 'n Artikel vir spoedige verwydering, en wikipediane se pedantiese hantering hiervan rek die saga onnodig uit. JMK (kontak) 17:21, 26 Augustus 2017 (UTC)

'n beter byskrif vir? Daggaverpreiders is nie neutraal nie want dit word impliseer dat hulle handeldryf. Beskrywing op die foto sê net Ganja, het jy dalk gaan kyk voor jy die aantuiging maak dat hul dit versprei? Hul sit iewers in 'n bar. In die publiek. Die woord word hier in die konteks gebruik met die inhoud en is meer neutraal as verspreiders want daar word vermoed dat hul verspreiders is maar hul daggafarianisme kan nie betwyfel word nie. Dat dit nie geskakel is met ander wikies is nie, is ook nie 'n geldige rede vir verwydering nie, daar is baie gevalle waar sekere artikels nog nie op ander wikies verskyn nie en:Beatnik is 'n goeie voorbeeld. Dit verskyn nie op die af:wikipedia nie.--MickeyDangerez (kontak) 18:33, 26 Augustus 2017 (UTC)

Facebook (as eksterne bron)

• As 'n eksterne bron:

Oor die algemeen NEE. Gewone webtuistes word verkies, maar uitsondering word gemaak vir amptelike skakels waar die onderwerp van die inhoud geen ander verwysing het nie.

• As 'n betroubare bron:

Soms. Die amptelike blad van die inhoud mag gebruik word mits dit die primêre bron is en self-gepubliseerd is, maar ook net as dit in belang van die inhoud geverifieer kan word. (Sien Wikipedia:Verifieerbaarheid.)

• Algemene probleme: Wikipedia is nie 'n versameling van al die skakels wat die onderwerp op die internet bevat nie, en skakels na sosiale netwerke word ontmoedig waar dit nie amptelike skakels is nie. (ELNO #10). Facebook word veral ontmoedig waar dit die gebruiker vra om aan te meld voor die inhoud beskikbaar gestel word. (ELNO #6). Facebook en Myspace bladsye (behalwe amptelike skakels) kan as aanhanger bladsye wees (ELNO #11). Wees versigtig vir valse blaaie wat as amptelike skakels aangedui word.

Soos vertaal vanaf die Engelse bron --MickeyDangerez (kontak) 20:00, 25 Augustus 2017 (UTC)

---

Kan Facebook gebruik word as 'n verwysing? Groete! Oesjaar (kontak) 19:53, 22 Augustus 2017 (UTC)

Wel, as die hoofstroommedia selfs "Tweets" gebruik om my dag op te vrolik, dan kan dit seker maar. Ek het in die verlede onder andere na die Taalkommissie se Vrae en Antwoorde verwys by Taalkundige geslag, aangesien hulle nie so 'n fensie (ja, dit is in die AWS opgeneem as "Omgangsafrikaans") blad het soos http://taalunieversum.org nie. Ek sal vandag eerder by Archive.org en ander hole gaan rondkrap. Maar as jy na hulle wil verwys, stel ek voor jy gaan na Virtuele Instituut vir Afrikaans. Dit is seker net uit tradisie dat ek iets op papier nog heilig vind. Suidpunt (kontak) 20:36, 22 Augustus 2017 (UTC)

Wikipedia, Twitter en Facebook is geen betroubare en dus ook geen geldige bronne vir verwysings nie. Sosiale media word wél gebruik om aktuele nuusgebeure te dek, en selfs BBC-joernaliste word aangeraai om hulle dop te hou, maar hul spesifieke inhoud - aktuele nuusgebeure en privaat geselsies - hoort nie outomaties in 'n ensiklopedie nie. Bydraers moet hulle liefs beperk tot die gesaghebbende vakliteratuur van 'n bepaalde gebied. Voyageur (kontak) 21:15, 22 Augustus 2017 (UTC)

En selfs dan sal ek nog versigtig wees!

Ek kom gister heel toevallig op die volgende artikel af uit Akroterion (1987). Dit handel nou of Latyn ander vakke se prestasie bevorder of nie. Ek dink jy kan dit sommer self lees:

In Afrikaans, the difference was not quite so great. The Latin pupils still performed better than the non-Latinists, but not to such a highly significant degree. Altogether 45,4% of the non-Latin sample achieved above 60% in Afrikaans, and 1,4% achieved an A average. Of the Latin matriculants, 64,7 achieved C's or better, and 4,4% had A's.

Dis darem nou jammer, sou C.J. Langenhoven gesê het. "Latyn het my leer bondig skryf en logies dink!" sê hy in sy outobiografie (Suidpunt: kug-kug, Langenhoven se styl lyk juis nie lapidêr nie!). Ewe jammer die artikel vergeet inligting uit Akroterion Jaargang 31, Uitgawe 1:

Of the 1 101 questionnaires sent out 799 were eventually used. The following facts and statistics are rather interesting: 87% of the 799 schools do not teach Latin, 19,9% had formerly offered Latin, but do not do so any longer and 19,1% still offer Latin (153 schools, 12 of which had reinstated or started Latin since 1974). Of these 153 schools 23 were already planning in 1980 to phase Latin out of the curriculum. Only 2,4% of all pupils involved in the research took Latin and of these only 1,6% took Latin as a matric subject. (In 1974 there were 2 246 Latin pupils in matric and in 1980 only 772!). There are more English-speaking Latin pupils than Afrikaans-speaking Latin pupils, more boys take Latin than girls and most Latin pupils live in the metropolitan area of the Witwatersrand. These are only a few of the many enlightening and often frightening statistics given by the report.

Al wat die statistiek eintlik vir my sê:

1) Die meerderheid Afrikaanssprekendes het Duits geneem en 'n toffie vir Latyn gewys. [En hoekom nie?]

2) Die deursnit Latynleerling was dus blanke Engelssprekende seuns (die artikel sê elders slegs 3 swart skole het Latyn aangebied).

3) Ek dink kontak met ander Afrikaanse leerlinge en leesboeke het 'n véél groter invloed op Engelse leerlinge. Afrikaans is nie soos Latyn wat jy sommer uit boeke kan leer nie.

4) Daar word ook nie geskryf oor die gehalte van Afrikaanse tweedetaalklasse nie.

5) Leerlinge van Latyn word gewoonlik as "slim mense" beskou. Dat hierdie "room van die oes" beter sou vaar in ander skoolvakke word immers verwag. Selfs al neem Latyn seker heelwat tyd in beslag as die veel onreëlmatiger Duits?

Dat die Latynse taal dus nie die prestasie in die Afrikaans bevorder het nie, verbaas my glad nie. Ek sou jou eweveel kon aanraai om Goties te leer om Afrikaans beter te skryf. Dit sal nie werk nie. Suidpunt (kontak) 21:41, 22 Augustus 2017 (UTC)

Valse doelstelling. Latyn moet as taal in eie reg aangeleer word. Etrurië, Rome en Griekeland was die bakermat van Europa. As 'n mens in argitektuur studeer, sal hy in aanraking moet kom met die eerste doelgerigte stedelike boukuns - die Romeinse een. Regte, retoriek, godsdiens, ens. - alles baseer op 'n Romeinse fondament. Dit is myns insiens rede genoeg om kennis van Latyn en/of Grieks verpligtend te maak vir enige Europese lady / gentleman. Wat haar/hom dan verder gerus besig kan hou met die geskiedenis van die Britse beskawing, Britse Ryk en Engelse taal, argitektuur ens. ;) Voyageur (kontak) 22:03, 22 Augustus 2017 (UTC)

Facebook as verwysing

Ek het dit eenkeer gaan opsoek op die Engelse Wikipedia en daar is gesê dit kan indien nodig as 'n verwysing gebruik word, soos om die getal likes of vriende te staaf, maar dit mag nie as 'n eksterne bron gebruik word nie. Winston (kontak) 15:39, 23 Augustus 2017 (UTC)

Winston eerste wil net se ek waardeer wat jy vir my gedoen het met die hulp met die spelfout van "daggafarian" verder wil ek net bylas dat enige feite wat gestel word wat na reëls verwys moet gestaaf word met 'n verwysing. Anders is dit net 'n voorstel en moet dus bespreek word.--MickeyDangerez (kontak) 18:39, 23 Augustus 2017 (UTC)

Het self al 'n verwysing na 'n fb-blad ingesluit vir detail rakende 'n sekere bewaringsgebied. Maar as 'n hele konsep (wat hier 'n artikelopskrif sou wees) op 'n fb-blad gebaseer is, is dit m.i. nie meldingswaardig nie. Iets meldingswaardig sou al elders gerapporteer of bespreek gewees het. Wikipedia kan nie gebruik word om 'n konsep meldingswaardig te maak as dit nie reeds is nie. "daggafarian" lewer 222 google-trefslae op (veral deur wikip. en wikip. gebruikers), "daggaroker" 920 trefslae, "dagga smoker" 127000, "daggazol" 875, "dagga zol" 20600, "daggapyp" 3610, "dagga pipe" 59500, "cannabis smoker" 528000, ... Wikipedia bestaan nie om 'n onbekende konsep, wat ook nie skakel met ander wikis geloofwaardig te maak nie. Selfs "daggazol", wat meer bekend is en wel bestaan, sou ingesluit moet word onder "daggakultuur". JMK (kontak) 15:09, 26 Augustus 2017 (UTC)

Waar Facebook 'n geldige verwysing mag wees (voorstel):

• wanneer dit verwys na kuns en kultuur (daar is self kuns en kultuur wat hul onstaan op Facebook maak, selfde met YouTube dink DIY Suzelle of vele ander moontlike redes te doen met kuns, kultuur en bewegings wat onstaan op Facebook, die Dagga Unie van Suid-Afrika het selfs hul onstaan as 'n Facebook groep gemaak).
• Wanneer dit moontlik gedenkwaardig mag wees, het die nuus gehaal ens.
• Wanneer dit nie na self-navorsing verwys nie.
• Wanneer dit nie ernstige reëls oortree nie tenopsigte van kopiereg, Suid-Afrikaanse wetgewing soos POPI ens.

Daar is nog baie geldige redes wat ek kan voorstel wat sin maak, maar ek is nou nogal baie honger so gee 'n paar voorstelle waar dit mag en nie mag gebruik word nie. As jy eensydig is dan is jy nie neutraal nie. Elkeen moet tenminste een mag en een mag nie byvoeg tot daar nie meer moontlike voorstelle mag wees nie, lekker aand.--MickeyDangerez (kontak) 18:39, 23 Augustus 2017 (UTC)

en:Wikipedia:External_links/Perennial_websites#Facebook.2C_Myspace Winston (kontak) 11:32, 24 Augustus 2017 (UTC)

Dankie Winston! Sien wel gevalle waar dit mag bebruik word.

Woordfrekwensie

Ek het nou net die aantal woorde op die Afrikaanse Wikipedia getel. Die top 25 woorde word hieronder aangedui. Ek is egter meer geïnteresseerd in die woorde wat slegs een keer voorkom, omdat hulle waarskynlik spelfoute is.

Terloops, Sjina kom 1224 keer voor, terwyl China slegs 692 keer gebruik word.

Groete. Frank (kontak) 20:51, 25 Augustus 2017 (UTC)

• die 1251165
• van 512819
• en 446347
• in 438226
• is 332213
• het 291269
• wat 154081

• sy 128635
• op 124819
• word 123681
• met 121402
• as 113062
• hy 104097
• was 102950

• te 100265
• vir 90015
• dit 85128
• om 84636
• nie 82693
• se 77656
• deur 75847

• aan 75764
• ook 61196
• na 59282
• tot 58311

En ek wens ek kan 'n lys van rooi skakels kry wat net een keer voorkom! Ek vermoed baie van hulle is skakels wat verkeerd gespel is! Groete! Oesjaar (kontak) 13:32, 30 Augustus 2017 (UTC)

Cite Magazine werk nie

Hallo almal,

Ek vertaal op die oomblik artikels uit Engels om 100 Wikidays te voltooi. Die outomatiese vertaling werk oor die algemeen verbased goed vir versysings, maar ek kry 'n fout by Rosalyn Scott - Sjabloon:Cite magazine is duidelik foutief. Weet iemand hier dalk hoe 'n mens hom kan regruk? --Slashme (kontak) 16:35, 26 Augustus 2017 (UTC)

Nou beter? Groete. Frank (kontak) 20:03, 26 Augustus 2017 (UTC)

Briljant, dankie!! --Slashme (kontak) 14:42, 27 Augustus 2017 (UTC)

Probleem met argiefskakel

Hallo almal,

Ek het probeer om 'n argiefskakel by te voeg by 'n verwysing in Kyalami Kasteel:

<ref>{{en}} {{cite news | last =Shah | first =Neel | title =Scientology Sets Sights on African Expansion | work =Radar Online | publisher =Radar (tydskrif) | date =25 Maart 2008 | url =http://www.radaronline.com/exclusives/2008/03/scientology-sets-sights-on-african-expansion.php | accessdate = 2008-04-08 |archiveurl=https://web.archive.org/web/20080328015410/http://www.radaronline.com/exclusives/2008/03/scientology-sets-sights-on-african-expansion.php |archivedate=2008-03-28}}</ref>

maar dit lyk nie asof dit werk nie. Wat doen ek verkeerd? --Slashme (kontak) 08:23, 28 Augustus 2017 (UTC)

Probleem opgelos. Groete. Frank (kontak) 05:29, 30 Augustus 2017 (UTC)

Jy's 'n genie! --Slashme (kontak) 21:15, 1 September 2017 (UTC)

Tafeltennissaadjies

Ek wou gou mening peil oor hoeveel saadjies ons wil hê oor tafeltennisspelers? Dit lyk nie geweldig relevant vir ons ensiklopedie nie, maar ek hoor graag ander opinies. --Alias (kontak) 13:40, 5 September 2017 (UTC)

Ja, dit maak my ook nie baie opgewonde nie. Groete! Oesjaar (kontak) 13:50, 5 September 2017 (UTC)

Ek is fyn daarmee. K175 (kontak) 15:45, 5 September 2017 (UTC)

Duisende is reg, maar as elkeen 2 sinne en 3 foute bevat, het ons 'n probleem. As die outeur nog besig is en verder daaraan gaan werk, is dit 100% reg so. Groete. Frank (kontak) 06:32, 6 September 2017 (UTC)

100 dae Wikidae

Ek sien op Facebook Gebruiker:Slashme is besig met 100 Wikidae; dit is om vir 100 dae vir elke dag ten minste een nuwe artikel te skryf! Ons wens hom sterkte toe! Ek sal ook graag die 100 Wikidae wil doen maar is nie bereid om van 3 artikels 'n dag na een te gaan nie... Groete! Oesjaar (kontak) 16:20, 5 September 2017 (UTC)

Sterkte 👏 K175 (kontak) 16:28, 5 September 2017 (UTC)

Janee, Gebruiker:Oesjaar, ons ken jou as 'n oorpresteerder ;-] Ek sal maar voortgaan met my skamele 1 artikel per dag: dis beter as my vorige 0 artikels per dag. ∞% verbetering is darem iets. --Slashme (kontak) 19:54, 5 September 2017 (UTC)

Oesjaar, onthou jy daai tjomp-advertensie met die seekoei, "Jou ou groot bek!" Elke geval, beide van julle doen fantastiese werk, doe so voort. Frank (kontak) 06:41, 6 September 2017 (UTC)

Ek het in elk geval besluit om nie meer retoriese vrae te vra nie want ek kry nooit 'n antwoord nie! Groete! Oesjaar (kontak) 19:29, 6 September 2017 (UTC)

Engelse Wikipedia se Sciëntologie-onsin

Ek het die R2-45-twak nou geskrap. Die artikel het nie eers aanhalings van Hubbard-tekste bevat nie; dit is akademies onaanvaarbaar en het, interessant genoeg, ook geen ekwivalent in die Duitse Wikipedia nie. As dit weer opgelaai word, is dit my laaste dag hier. JULLE MOET KIES - IDIOTE OF ENSIKLOPEDIESE SKRYWERS. Voyageur (kontak) 21:28, 5 September 2017 (UTC)

Ek weet niks van die onderwerp nie, maar vertrou jou oordeel. Verwyder gerus as dit weer te voorskyn kom. Groete. Frank (kontak) 06:37, 6 September 2017 (UTC)

Die artikel is verwyder met die stawing "blatante nonsens", m.a.w. Voyageur het dit as 'n kandidaat vir spoedige verwydering gesien. Die kriterium vir "blatante nonsens" is "'n onbegrypbare bladsy sonder enige betekenisvolle inhoud wat nie gered kan word nie." Ek stem glad nie saam dat dit hier die geval was nie. Kan ons nie liewer 'n volledige bespreking by Wikipedia:Bladsyverwydering voer nie? Ek wil ook met respek aanvoer dat Voyageur dalk nie heeltemal onpartydig is in hierdie saak nie, aangesien hy daarop gesinspeel het dat ek "anti-Sciëntologie haatspraak" bedryf, en scientologymyths.info as 'n bron van nuttige informasie oor Sciëntologie voorgestel het. Terloops, die kommentaar dat dit nog nie in die Duitse Wikipedia bestaan nie, is nie relevant nie: dis nie daar uitgewis nie, so die feit dat niemand al daardie artikel geskryf het nie beteken niks nie. --Slashme (kontak) 07:33, 6 September 2017 (UTC)

Voyageur, ek verstaan dat jy gefrustreerd is met die artikel. Ek glo jy weet dat allerhande kwaliteitsake my hier pla. Daar is oplossings hiervoor: volg asb. die proses. Nomineer die artikel vir verwydering en gee mense 'n kans om dit te verbeter en/of hulle opinies te lug. Slashme was gister nog besig om uit te vra oor maniere om dit te verbeter. Ek sou sê individuele oordeel oor of iets uitgevee moet word, is slegs van toepassing in die geval van vandalisme (bv. masjienvertaling, ens.). Ek wou pas skakel na Reconquista omdat ek dit onlangs gesien het. Nou sien ek dit is weg. Ek kan nie oordeel hoekom dit uitgevee is nie. Dit is nie deursigtig genoeg nie, voel ek. Ek dink persoonlik ons is beter af sonder die R2-45-artikel, maar ek wil ook dat almal voel dat hulle bydraes waardeer word en dat almal 'n kans kry om te verbeter. Ek glo jy weet dat almal hier jou bydraes ook waardeer. Ek glo jy weet ook dat ek (en meeste van ons hier) veral belangstel in kwaliteit en 'n fantastiese ensiklopedie. As ek moet kies, kies ek natuurlik ensiklopediese skrywers. Ek kies ook vir 'n proses wat konsensus soek. Ek glo jy sal ook wil hê mense moet jou werk respekteer - en ek glo almal hier respekteer jou werk. Ek dink die ongerief van bietjie langer proses hier en daar is presies wat 'n klomp mense welkom laat voel het oor die jare. Ek wou al honderde dinge summier uitvee, maar probeer altyd om mense te oorreed. Ek kon eerlikwaar nie eens jou presiese standpunt oor die artikel peil nie. Jammer as ek te vinnig gelees het. --Alias (kontak) 07:39, 6 September 2017 (UTC)

Mentol

Hallo almal,

Ek het pas Mentol vanaf Ingels vertaal. Daar's 'n klomp chemiese terminologie, en alhoewel ek op Maties organiese chemie en biochemie as voorgraadse vakke gehad het, is dit 'n paar dekades gelede, so ek's nie altyd 100% seker van my verafrikaansing van die woorde nie.

Ek het ook nie die chembox-sjabloon vanaf Engels oorgeneem nie, want ek was nie baie gelukkig met die resultate wat ek by promin bereik het nie. Kan iemand vir my touwys maak oor wat die beste praktyk is? Op Wikimania hierdie jaar is daar baie gepraat oor hoe outomatiese infokaste binnekort uit Wikidata sal vloei, maar ek weet ons is nog nie daar nie! --Slashme (kontak) 12:10, 6 September 2017 (UTC)

Interessante statistiek!

Sien http://www.greenman.co.za/blog/?p=2082 Dankie Gebruiker:Greenman. Groete! Oesjaar (kontak) 20:32, 6 September 2017 (UTC)

I know some of the Afrikaans Wikipedia editors have been a bit disappointed by the slowing pace of growth as they move towards 50,000 articles. But, to put it in perspective, the 2013 Global Brittanica had about 40,000 articles, so there are less and less obvious gaps in content. Afrikaans is also one of the highest quality Wikipedias for its size – there’s a focus by many editors on the quality of articles rather than just the numbers. And they shouldn’t be too disappointed by the pace – Afrikaans is still the fastest growing African-language Wikipedia, catching up to Malagasy, which has the most articles.

Wel, laat ek dit so stel: as iemand (ja, Dr. Claassen) so verwaand is om sy boek se naam Goed om te weet: Dié feiteboek vir ingeligte Suid-Afrikaners: Mense plekke, gedagtes en gebeure wat saakmaak (2010) te gee, dan hou ek doelbewus verby; selfs die Engelse titel In the know : the ultimate [South African] family reference laat mens skeefkyk na Routledge, Dorling Kindersley, Britannica Junior of, behoede ons, Oxford/Cambridge University Press. Want verklaar "ingelig" vir my, asseblief. Is iemand nou ingelig wat soos Gerrit Komrij die hele Goethe se Faust uit sy kop geken het? [Genade, sal party vra - wie was Gerrit Komrij?]. Of is hulle die ingeligtes wat die vieslike betekenis van die inleiding van Catullus 16 ken (Pedicabo ego vos et irrumabo...). Wel, hierdie feite ontbreek ook. Dit is immers 'n boek. By elke liewe Afrikaanse feitegids het ek al oor ander tale se grammatika en letterkunde gesoek. Hetsy Duits, hetsy Frans. Tevergeefs! Laat staan nog die kleiner taaltjies in die wêreld.

Ek dink nie die Afrikaanse Wikipedia is so sleg nie. Elkeen het sy eie stel behoeftes en begeertes. Waarvan mens hou - daaroor skryf mens. En dit is verbasend hoe ander dieselfde belangstellings as jy het. Suidpunt (kontak) 10:55, 7 September 2017 (UTC)

Wikimania 2018 te Kaapstad!

Haai daar Wiki-gemeenskap! Die 2018 Wikimania vind in Julie in Kaapstad plaas. Julle kan meer inligting kry by https://wikimania2018.wikimedia.org/wiki/Wikimania Groete! Oesjaar (kontak) 21:14, 6 September 2017 (UTC)

Dis reg! Ons het juis nou hulp nodig met die webwerf, so enigeen wat lus is om hand by te sit is baie welkom. --Slashme (kontak) 07:04, 7 September 2017 (UTC)

Vriendelike waarskuwing: Ek het ingestem 'n paar maande terug, maar sal eers wag totdat alles nou mooi afgehandel is en wie waar nou onthaal moet word op watter rooi tapyt en langs watter badkamer met goue krane. Maak dit so Februarie 2018 se kant en later... Ek onthou nog hoe ek Biblioteca Vasconcelos vertaal het vir die Mexikovergadering, net sodat dit daarna geskrap word. Mens, ek was Moerig, want toe moes ek alles oordoen! Suidpunt (kontak) 09:48, 7 September 2017 (UTC)

@Suidpunt, ek kan nie in die joernale sien dat Biblioteca Vasconcelos ooit geskrap is nie. Bedoel jy dat jy besig was met wysiging toe jy al jou teks verloor het, moontlik deur 'n fout op jou rekenaar of in jou webblaaier? K175 (kontak) 19:41, 7 September 2017 (UTC)

Hallo, Gebruiker:K175. Nee - hulle het alles met die aarde gelyk gemaak. As jy my brief aan Voyageur kyk in April/Mei 2015 hierso, kan jy sien ek vra hom nog bietjie raad met die afronding van die werk. Jy sal ook my groot teleurstelling sien by die laaste paragrawe. As jy hierso kyk, dan sien jy hoe word alles een na die ander "bygewerk" deur Fuzzybot. Alles wat ek geskryf het, is uitgewis. Die biblioteek was nie meer die bymekaarkomplek (lokaal) soos aanvanklik gereël was nie. Ek moes alles oordoen, maar ek hét nie. Ek is eintlik nou nog vies.Suidpunt (kontak) 09:17, 8 September 2017 (UTC)

Nouja, Peter is die leier van die webwerfaktiwiteit vir die Kaapse Wikimania, en jy't direkte toegang tot die beplnningskomitee (hulle's letterlik binne wurgafstand), so ek sou my verstout om te sê dat die risiko vir verspilde arbeid aansienlik laer is! --Slashme (kontak) 11:56, 8 September 2017 (UTC)

Onderwaterduik

Peter Southwood het sy eerste "Featured Article" in Engels behaal met en:Underwater diving, en is tans besig om dit in Afrikaans te vertaal by Onderwaterduik. Afrikaans is sy tweede taal, en hy het op sy Engelse gebruikerbesprekingsblad gesê dat hy dalk hulp sal nodig hê om die regte tegniese woordeskat in te bring. Aangesien julle almal so gaaf vir my gehelp het met my 100 WikiDays pogings, het ek besluit om vir hom hier so 'n bietjie advertensie te maak - ek's seker hy gee nie om nie :-] --Slashme (kontak) 07:19, 7 September 2017 (UTC)

Dankie Slashme, gaaf van jou om 'n woord vir my in te sit. Enige grammatiese verbeterings of ander taalhulp sal waardeer word. Daar is veral probleme met tegniese terme, in sommige gevalle is dit moontlik dat daar bestaan nog nie 'n offisieel aanvarde vertaling in Afrikaans. As hierdie vertaling goed loop sal ek later 'n woordelys van duikterme probeer vertaal. (en:Glossary of underwater diving terminology). Cheers Pbsouthwood (kontak) 17:51, 7 September 2017 (UTC)

Die basiese vertaling is nou klaar, en die artikel is nou beskikbaar vir algemene taalverbetering en enige veranderings wat nodig is om aan te pas by Afrikaans Wikipedia se huisstyl. Pbsouthwood (kontak) 14:25, 9 September 2017 (UTC)

Voyageur, as jy my kan hoor...

Dit is baie duidelik dat jou naam in die rooi geskryf is; wat moontlik sinspeel dat jou moermeter in die rooi is. Jy, as een van die stigtervaders van die Afrikaanse Wikipedia, bedank ons (ROYAL WE - die nimlike EKKE) jou persoonlik vir die rol wat jy gespeel het om die Wikipedia aan die gang te kry. As jy besluit het om die Afrikaanse Wikipedia vir goed te verlaat, is dit jou keuse. Dalk wou jy slegs die Wikipedia aan die gang gekry het, dalk het jy 'n beter tydverdryf gevind, dalk vereis die werk meer van jou. As jy besluit om die Afrikaanse Wikipedia permanent te verlaat, is dit 'n swaar boom wat val - want wie moet ek nou met vrae verpes?

Ons kan jou helaas nie keer om te gaan nie. If you really love someone, set them free - sê die Engelsman. Maar, laat asseblief net jou Duits-Afrikaanse woordeboek agter, ek sal graag daaraan wil voortbou, as dit jou sou geval. Asook die stelle argiewe waar ek nog goeie herinneringe oor kan koester... Suidpunt (kontak) 14:54, 7 September 2017 (UTC)

Hierdie is 'n slag! Oesjaar (kontak) 18:13, 7 September 2017 (UTC)

Dit sal jammer wees indien dit waar is dat Voyageur die projek verlaat. Het dit iets te doen met die onlangse twis oor Sciëntologie? K175 (kontak) 18:50, 7 September 2017 (UTC)

Definitief! Oesjaar (kontak) 08:19, 8 September 2017 (UTC)

Nee, ek blameer die Volmaan - dit is alles sy skuld! Volmaan gaan gepaard met honde wat blaf (snakes crawl at night...), strale wat mens saans wakker hou - juis daarom verkeer ek optimaal met nuwemaan. Die kere wat ek myself impulsief geblok het (en Jcwf my ontblok het), was juis om my te motiveer om voltyds aan 'n taal of projek besig te wees - maar nooit a.g.v. Wikipedialede en verskille nie.

Kyk, daar was HOEVEEL (menings)verskille in die verlede - en hy is nou al so lank met ons - en selfs 'n kort rukkie gelede het Oesjaar ook sy moer gestrip en wou waai - en dit oor 'n kleinigheidjie. Ons almal het toe 'n Wikibreak voorgestel, en da steht er! Maar vir Voyageur om nou sover te gaan om by die Duitse Wikipedia die volgende af te haal... ( https://tools.wmflabs.org/xtools-ec/index.php?user=Voyageur&lang=af&wiki=wikipedia&uselang=af ):

Ich schreibe hauptsächlich auf der afrikaansen Wikipedia, dem Projekt, in dem ich 2005 begonnen habe, selbst Artikel zu editieren. Inzwischen bin ich dort einer von derzeit elf Administratoren.

...is nogal drasties. Daar is soveel ander onderwerpe wat ernstiger aandag geniet waarvan hy kennis dra - Litouse grammatika, Noorse grammatika en al daardie ander tale wat hy ken. Of wat ook al. Ek hoop wel, indien hy die Afrikaanse Wikipedia om watter rede dan nou ook verlaat het, hy by 'n ander kleiner taaltjie sal aanklop. Die grootste sendingsveld is juis daar waar hy hom nou bevind: Skots-Gaelies, Iers-Gaelies, Kornies, Wallies. En daardie groepies sukkel om aan die lewe te bly, want die volksgees is onwillig. Hy sal vir enigeen van hulle 'n aanwins wees. Suidpunt (kontak) 09:03, 8 September 2017 (UTC)

Ek sou verbaas wees as iemand wat soveel vir hierdie projek gedoen het, vir altyd weg is oor 'n meningsverskil. Dikwels het 'n mens net 'n bietjie tyd nodig om af te koel. --Slashme (kontak) 09:47, 8 September 2017 (UTC)

Wat vir een persoon 'n meningverskil is, is vir die volgende persoon 'n beginsel saak. Dis die kleinjakkalsies.... Toe ek in 2009 hier begin het was die Gemeenskap baie strenger as vandag, tot my spyt. Ek staan minder maar beter kwaliteit artikels voor. Ek het nog nie vergeet van die Facebook saak nie, om die waarheid te sê ek het dit met die WikimediaZA kommittee bespreek. Oesjaar (kontak) 10:26, 8 September 2017 (UTC)

Daar is lewe! Voyageur is nou bedrywig op die Duitse Wikipedia. Oor 'n baie bekende onderwerp... Kyk by tools.wmflabs.org. Suidpunt (kontak) 09:59, 9 September 2017 (UTC)

Katalisator ondersteuning?

Ek het Bariumsulfaat vandag vertaal, maar ek het nogal gesukkel om 'n goeie vertaling vir "Catalyst support" te vind. Het enigiemand 'n beter idee? --Slashme (kontak) 18:46, 7 September 2017 (UTC)

Ek sien die Nederlanders gebruik katalise-ondersteuning. Winston (kontak) 10:59, 8 September 2017 (UTC)

Hmm, ek weet nie of dit so lekker werk in Afrikaans nie: dit ondersteun nie die proses van katalise nie, dis 'n fisiese matriks wat vir die katalisator sy vorm en ondersteunende raamwerk gee. --Slashme (kontak) 11:36, 8 September 2017 (UTC)

Steierwerk (scaffolding)? Pbsouthwood (kontak) 14:44, 9 September 2017 (UTC)

Kalsiumglukonaat

My nuutste vertalingspoging is Kalsiumglukonaat. Ek weet weereens nie wat om met die infokas te doen nie, en ek was nie seker hoe om "seizures" te vertaal nie. Ek het "rukaanvalle" geskryf, maar ek's seker dis nie die regte woord nie. --Slashme (kontak) 14:06, 8 September 2017 (UTC)

Stuiptrekking? (convulsion, twitching) Pbsouthwood (kontak) 14:57, 9 September 2017 (UTC)

Verwyderingsbeleid

Dis wonnerlik (seker in die geval maar wat oor die?) dat ons, soos die Engelse projek, die wikibeleide van Neutraliteit en Noemenswaardigheid wil implementeer. Maar waar is hierdie concern vir duidelike (en duisende) onensiklopediese bladsye soos De Goede Hoop Koshuis en al die en die sulke goed? (om net 'n paar te noem)

Dit maakie sin vi my nie want hierdie duisende bladsye is op 'n heeltemal onneutrale manier geskryf en die onderwerp word dikwels daarin verheerlik. Die ensiklopediese noemenswaardigheid (of die gebrek daaraan) van die bladsye is ook duidelik; vir 'n ewekansige voorbeeld tik net Dwight Snyman in Google en se vi my hoeveel betroubare, derde party en ensiklopediese bronne jy gevind het. Absoluut niks. Maar dis interessant af.wikipedia.org het 'n groot, lang artikel oor hom.

Ek stem vir die implementering van ons wikibeleide; as die onderwerp nie ensiklopedies noemenswaardig is nie, moet dit seker verwyder word. MAAR sekere (julle weet waarna ek verwys) artikels kan nie immuniteit kry nie, ons kanni dubbele standaarde op Wikipedia he ni. Dit ondermyn die kwaliteit van die projek en skep 'n negatiewe atmosfeer op afwiki.

Die Afrikaanse Wikipedia is nou baie groot en om goeie kwaliteit te handhaaf, moet die wikibeleide met strengheid implementeer word. --Nazeer (kontak) 16:25, 9 September 2017 (UTC)