1994

Die jaar 1994 was 'n gewone jaar wat volgens die Gregoriaanse kalender op 'n Saterdag begin het. Dit was die 94ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Die nuwe vlag van Suid-Afrika.

Die eerste swart president van Suid-Afrika, Nelson Mandela.

Gebeure

• 1 Januarie – Die NAFTA word gestig deur Kanada, Meksiko en die Verenigde State van Amerika.
• 17 Januarie – Die Northridge-aardbewing skud die Amerikaanse stad Los Angeles, Kalifornië op Martin-Luther-King-dag.
• 12-27 Februarie – Die 17de Olimpiese Winterspele word in Lillehammer, Noorweë, aangebied.
• 22 Februarie – Die Merriespruit-slikdamramp vind plaas te Virginia.
• 1 Maart – Walvisbaai word amptelik aan Namibië oorhandig deur Suid-Afrika.
• 4 Maart – Die Vryheidsfront Plus, 'n Suid-Afrikaanse politieke party, word gestig.
• 10-19 Maart – Die sesde Paralimpiese Winterspele word in Lillehammer, Noorweë, aangebied.
• 15 Maart – Suid-Afrika se nuwe nasionale vlag word onthul.
• 27 Maart – Die Eurofighter Typhoon vegvliegtuig onderneem sy nooiensvlug in Europa.
• 28 Maart – Die "Shell House"-slagting tussen lede van die Inkatha-Vryheidsparty en die African National Congress vind in Johannesburg plaas.
• 6 April – Die Rwandese volksmoord begin toe die vliegtuig met die President van Rwanda, Juvénal Habyarimana, en die President van Burundi, Cyprien Ntaryamira, deur ekstremiste met vuurpyle afgeskiet word.
• 15 April – Die Marrakesj-verdrag word geteken om die Wêreldhandelsorganisasie te vorm.
• 18 April – Brian Lara teken 375 aan in 'n beurt in 'n krieket toetswedstryd, en verbeter so Garfield Sobers se vorige rekord van 365.
• 27 April tot 29 April – Suid-Afrika se eerste volledig demokratiese verkiesing.
• 10 Mei – Nelson Mandela word as Suid-Afrika se eerste swart President ingehuldig.
• 1 Junie – Die Republiek van Suid-Afrika word hertoegelaat tot die Britse Statebond.
• 17 Junie – O. J. Simpson, voetbalheld, ge-arresteer vir die moord op sy vrou.
• 17 Junie-17 Julie – Die 15de FIFA Sokker-Wêreldbekertoernooi word in die Verenigde State van Amerika gespeel, wat deur Brasilië gewen word.
• 22 Julie – 'n Staatsgreep vind in die Gambië plaas. Die 29-jarige Yahya Jammeh word die nuwe president.
• 18-28 Augustus – Die Statebondspele word in Victoria, Kanada aangebied.
• 1 Oktober – Palau word van die Verenigde State van Amerika onafhanklik.

Geboortes

• 28 Februarie – Jake Bugg, Engelse sanger en liedjieskrywer
• 11 Maart – Handré Pollard, Suid-Afrikaanse beroepsrugbyspeler en Springboklosskakel

Sterftes

• 2 Februarie – Marija Gimbutas, Litaus-Amerikaanse argeoloog (* 1921).
• 26 Februarie – Avery Fisher, Amerikaanse uitvinder, ondernemer, musiekgeesdriftige en filantroop (* 1906).
• 7 April – Golo Mann, Duitse geskiedkundige, publisis en skrywer (* 1909).
• 22 April – Richard Nixon, Amerikaanse politikus en staatsman; 37ste President van die Verenigde State (* 1913)
• 29 Mei – Erich Honecker (81), Oos-Duitse politikus (* 1912)
• 8 Julie – Cora Marie (41), Suid-Afrikaanse country-sangeres (* 1953).
• 8 Julie – Kim Il Sung, politikus van Noord-Korea (* 1912).
• 29 Julie – Dorothy Crowfoot Hodgkin, 'n Britse grondlegger van proteïen kristallografie (* 1910).
• 17 September – Karl Popper (92), Oostenryks-Britse filosoof (* 1902)
• 20 Oktober – Burt Lancaster, Amerikaanse akteur (* 1913)
• 23 Oktober – Cornelius Pama (77), Suid-Afrikaanse heraldikus en genealoog (* 1916)
• 5 November – Johan Heyns, 'n invloedryke Afrikaner Calvinistiese teoloog en moderator van die algemene sinode van die Nederduitse Gereformeerde Kerk (* 1928)
• 8 Desember – Antônio Carlos Jobim, Brasiliaanse liedjieskrywer, komponis, arrangeur, sanger, pianis en kitaris (* 1927).