Gefedereerde State van Mikronesië

Federated States of Micronesia
Gefedereerde State van Mikronesië

Vlag Seël
Nasionale leuse: Peace, Unity, Liberty (Engels vir: "Vrede, Eenheid, Vryheid")
Volkslied: Patriots of Micronesia
Hoofstad	Palikir 6°55′N 158°11′O
Grootste stad	Weno
Amptelike tale	Engels
Regering • President • Adjunkpresident	Federale parlementêre republiek onder 'n nie-partydige demokrasie Peter M. Christian Yosiwo P. George
Onafhanklikheid Onafhanklikheid • Verdrag oor vrye assosiasie	van die Verenigde State 3 November 1986
Oppervlakte  - Totaal    - Water (%)	702 km2  (191ste) 271 myl2 feitlik niks
Bevolking  - 2013-skatting  - Digtheid	106 104 (192ste) 158,1 / km2 (75ste) 409,6 / myl2
BBP (KKP)  - Totaal  - Per capita	2011-skatting $310 miljoen $3 000
BBP (nominaal)  - Totaal  - Per capita	2011-skatting $277 miljoen $2 300
MOI (2014)	0,640 (123ste)  –  medium
Gini (2000)	61,1 –  baie hoog
Geldeenheid	Dollar ($) (USD)
Tydsone  - Somertyd	(UTC+11 en +11) nie toegepas nie (UTC+11 en +11)
Internet-TLD	.fm
Skakelkode	+691

Kaart van die Gefedereerde State van Mikronesië

Kaart van die Gefedereerde State van Mikronesië se vier deelstate

Die Gefedereerde State van Mikronesië (Engels: Federated States of Micronesia, kort FSM) is 'n eilandnasie in die Stille Oseaan en Oseanië net noord van die ewenaar met 'n oppervlakte van 702 km² en het 'n bevolking van 106 104 in 2013 gehad.

Die Gefedereerde State van Mikronesië is in die ooste van Palau en die Filippyne, in die suide van die Noordelike Mariana-eilande, in die suidweste van die Marshalleilande, in die weste van Kiribati, in die noordweste van Nauru en in die noorde van Papoea-Nieu-Guinee en die Salomonseilande geleë. Die hoofstad is Palikir en die grootste stad is Weno.

As gevolg van die Spaans-Amerikaanse Oorlog is die argipel in 1899 deur Spanje aan die Duitse Keiserryk verkoop en by Duits-Nieu-Guinee ingelyf. Tydens die Eerste Wêreldoorlog is dit deur Japan beset en het na die oorlog 'n Volkebond-mandaat geword. Tydens die Tweede Wêreldoorlog is dit deur die Verenigde State beset en het in 1947 'n Trustgebied van die Verenigde Nasies geword. Op 10 Mei 1979 het vier van die Trustgebied se distrikte 'n nuwe grondwet aanvaar en het die Gefedereerde State van Mikronesië geword. Die Marshalleilande, Palau en die Noordelike Mariana-eilande het besluit om nie deel te neem nie. Die Gefedereerde State van Mikronesië het op 3 November 1986 'n Verdrag oor vrye assosiasie met die Verenigde State onderteken, waarmee dit 'n onafhanklike land geword het. Die Verenigde State is nog steeds vir die verdediging van die Gefedereerde State van Mikronesië verantwoordelik.

Die Gefedereerde State van Mikronesië is onderverdeel in vier deelstate:

Vlag	Deelstaat	Hoofstad	Huidige Goewerneur	Land		Bevolking	Bevolkingsdigtheid
				km²	myl²		per km²	per myl²
	Chuuk	Weno	Johnson Elimo	127	49,2	54 595	420	1088
	Kosrae	Tofol	Lyndon Jackson	110	42,6	9 686	66	170
	Pohnpei	Kolonia	John Ehsa	345	133,2	34 685	98	255
	Yap	Colonia	Tony Ganangyan	118	45,6	16 436	94	243

Eksterne skakels

• Wikimedia Commons het meer media in die kategorie Gefedereerde State van Mikronesië.
• (en) Toerisme-inligting oor Gefedereerde State van Mikronesië op Wikivoyage
• (en) Amptelike webwerf van die regering