Pous Pius III

in Wikipedia, die vrye ensiklopedie
Spring na: navigasie, soek
Pous Pius III
Pius III, Nordisk familjebok.png
C o a Pio II.svg
Geboortenaam Francesco Todeschini Piccolomini
Pontifikaat begin 22 September 1503
Pontifikaat eindig 18 Oktober 1503
Voorganger Alexander VI
Opvolger Julius II
Gebore 29 Mei 1439
Sienna, Italië
Sterf 18 Oktober 1503
Rome, Italië
Ander pouse genaamd Pius

Pius III was die 215de pous van die Rooms-Katolieke Kerk van September 1503 tot Oktober 1503.

Biografie[wysig]

Pous Pius III[1] is gebore as Francesco Todeschini Piccolomini op 29 Mei 1439 in Sienna, Italië. Hy is die tweede seun van 'n regsgeleerde, Giovanni de Todeschini en sy vrou Laodomia Piccolomini, die suster van Pous Pius II. Hy het nog vyf broers en twee susters gehad. Francesco studeer regte in Wenen en Perugia. Hy behaal 'n doktorsgraad in die regte aan die universiteit van Perugia. Toe sy oom pous word, benoem hy hom eers as domheer op 6 Februarie 1460 en op 23 April 1459 as biskop van Sienna.. Op 5 Maart 1460 word hy kardinaal. Toe Pous Pius II op 18 Junie 1464 uit Rome vertrek, stel hy Francesco administrateur van die kerklike staat gedurende sy afwesigheid. Francesco het geleer om Duits te praat. Daardeur het hy baie nuttige kontakte met die Duitse kerk en die keiser bekom. Op 24 Desember 1468 ontvang hy keiser Frederik III aan die poorte van Rome. Na die dood van sy oom onder die bewind van pouse Paulus II, Sixtus IV en Innocentius VIII behartig hy die Duitse belange in die kurie. Hy kry die bynaam "Protector Nationis Germanicae". In 1471 is hy die pouslike gesant op die Ryksdag in Regensburg waar hy in kontak kom met die Habsburgers. In 1494 staan hy aan die hoof van 'n diplomatieke sending na die hof van koning Karel VIII van Frankryk. Francesco was ook 'n groot mesenas van die kunste. In Junie 1502 gee hy Michelangelo opdrag om 15 beelde vir die Dom van Sienna te maak. Ook in 1502 gee hy opdrag aan die skilder Pinturicchio (Bernardino di Betto) om die Piccolomini biblioteek van die dom met fresco's en panele wat die lewe van Pous Pius II uitbeeld te verfraai. Pintoricchio het vyf jaar daaraan gewerk. Op 22 September 1503 volg Francesco Pous Alexander VI op en word gekroon op 8 Oktober 1503 deur kardinaal Raffaello Sansoni Riario. Hy regeer baie kort tot sy dood op 18 Oktober 1503 aan die gevolge van jig. Hy word opgevolg deur Pous Julius II. Die naam ‘Pius’ beteken 'die vrome'.

Pontifikaat[wysig]

Pous Pius III[2] het sy naam gekies ter navolging van sy oom Pous Pius II. Hy was 'n kompromis-kandidaat. Die Franse kardinaal Georges d'Amboise en die Italianer Giuliano delle Rovere was die sterk kandidate. Kardinaal Ascanio Sforza wou egter nie 'n Fransman en ook nie 'n Italianer van 'n konkurrerende familie as pous hê nie. Pius III was sterk hervormingsgesind, maar het gesterf voordat hy iets kon uitrig.

Pous Pius III het reeds op 13 Oktober 1503 weens jig bedlêend geword en op 18 Oktober 1503 daaraan beswyk. Sy kort pontifikaat het aanleiding gegee tot gerugte van vergiftiging, maar geen bewyse kon hiervoor gevind word nie.

Die kollege van kardinale[wysig]

Pous Pius III het gedurende sy kort pontifikaat geen nuwe kardinale aangestel nie.

Bibliografie[wysig]

  • Duff, Eamon (2001). Saints and Sinners: A History of the Popes, Yale University Press. ISBN 0300091656.
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.

Verwysings[wysig]

  1. Pius III. (2008). Encyclopædia Britannica. Deluxe Edition. Chicago: Encyclopædia Britannica.
  2. Loughlin, J. (1911). Pope Pius III. In The Catholic Encyclopedia. New York: Robert Appleton Company. Besoek Julie 7, 2009 by: http://www.newadvent.org/cathen/12128a.htm

Eksterne skakels[wysig]

Wikisource
Die Engelse Wikisource bevat bronmateriaal oor hierdie onderwerp onder die titel:
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)
Commons
Wikimedia Commons het meer media verwant aan:
Pius III (bladsy)

Nota[wysig]

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging[wysig]

Voorafgegaan deur:
Alexander VI
Pous (Pontifex Maximus)
15031503
Opgevolg deur:
Julius II


Teenpouse

HippolitusNovatianusFelix IIUrsinusEulaliusLaurentiusDioscurusEugenius I - Theodorus IIPaschalis ITheofilactus - Constantinus IIFilippusJohannes VIIIAnastasius IIIChristoforusBonifatius VII - Johannes XVIGregorius VISilvester IIIBenedictus XHonorius IIClemens IIITheodoricusAlbertusSilvester IVGregorius VIIICelestinus IIAnacletus IIVictor IV (Gregorius) - Victor IV (Octavianus)Paschalis IIICallixtus IIIInnocentius IIINicolaas VClemens VIIBenedictus XIIIAlexander VJohannes XXIIIClemens VIIIBenedictus XIVFelix V - Martinus IV - Moderne Teenpouse