Wildernis
| Wildernis | |
  Wildernis
|
|
| Koördinate: | |
| Land |  Suid-Afrika |
|---|---|
| Provinsie | Wes-Kaap |
| Distriksmunisipaliteit | Eden |
| Plaaslike Munisipaliteit | George |
| Tydsone | SAST (UTC+2) |
Wildernis (Engels Wilderness) is 'n gewilde vakansiedorp langs die N2 nasionale pad en die Tuinroete in die Wes-Kaap, Suid-Afrika, sowat 15 kilometer oos van George en 450 kilometer oos van Kaapstad geleë. Sy wit sandstrand met 'n totale lengte van agt kilometer en die warm waters van die Indiese Oseaan maak van Wildernis onder meer 'n bestemming vir watersportentoesiaste.
Die N2 nasionale pad verdeel Wildernis in twee - terwyl 'n klein aantal huise en hotelle in 'n duinegebied naby die strand opgerig is, is die sakekern en die res van die dorp langs die grootpad en die strandmeer geleë. Die strandmeer se bergagtige landkant pronk met 'n ryk flora in sy bosgebiede, soos erikas, varings, melkhoutbome, orgideë en proteas. Die soetwater van bergriviere en die Indiese Oseaan se seewater skep daarnaas ook 'n geskikte habitat vir waterdiere, onder meer dolfyne.
Die Nasionale Wildernis-park met 'n oppervlakte van 2 612 hektaar is oos van die dorp geleë en strek 28 kilometer langs die see. 230 dierespesies is hier al geregistreer, waaronder 79 van Suid-Afrika se 95 watervoëlspesies.
Sien ook [wysig]
- Ongewenste Vreemdeling, rolprent wat hier verfilm is.
- Lys van dorpe in Suid-Afrika
