Sekelbos

Sekelbos
Wetenskaplike klassifikasie
Koninkryk:	Plantae
(klade):	Angiosperms
(klade):	Eudicots
(klade):	Rosids
Orde:	Fabales
Familie:	Fabaceae
Subfamilie:	Mimosoideae
Genus:	Dichrostachys
Spesie:	D. cinerea
Binomiale naam
	Dichrostachys cinerea; Wight et Arn.
Sinonieme
	Cailliea dichrostachys Guill. et Perrot.; Dichrostachys glomerata Chiov.; Dichrostachys nutans (Pers.) Benth.; Mimosa cinerea L.

Sekelbos (Dichrostachys cinerea) – ook bekend as die Kleinblaarsekelbos (Dichrostachys cinerea subsp. africana) – is 'n klein boompie (hoogstens 5 m hoog) wat voorkom vanaf Australië, deur Mianmar en Indië tot in Afrika. In Suid-Afrika word dit aangetref in Noordwes, Limpopo, Mpumalanga en KwaZulu-Natal. Dit is volop in grasryke bosveld.

Die 4 cm lange blom-aar se pienk gedeelte bestaan uit onvrugbare blomme en die geel gedeelte uit vrugbare tweeslagtige blomme. Die plat, donkerbruin peule kan tot 7 cm lank en 1 cm breed word. Hulle bars nie oop nie en val in trosse af. Die peule word deur grootvee en wild gevreet.