Alicedale

Alicedale
Alicedale
Koördinate: 33°19′0″S 26°5′0″O
Land	Suid-Afrika
Provinsie	Oos-Kaap
Distriksmunisipaliteit	Cacadu
Plaaslike Munisipaliteit	Sondagsriviervallei
Oppervlak
- Stad	0,22 km²  (0,1 vk m)
Bevolking (2001)
- Stad	671
- Digtheid	3 100/km² (8 029/myl2)
Tydsone	SAST (UTC+2)

Alicedale is 'n spoorwegaansluiting in die Oos-Kaap, Suid-Afrika. Van hier swaai 'n takspoorlyn na Grahamstad vanaf die hoofspoorlyn tussen Johannesburg en Port Elizabeth. Die dorp was 'n spoorweg-opleidingskool gedurende die 19de en 20ste eeue, vandaar die pragtig bewaarde, historiese rooi siersteengebou wat nou die ontvangsarea van die hotel-oord op die dorpie huisves.

Alicedale is vernoem na mev. Alice Slessor (gebore Dale), die eggenote van die ingenieur in beheer van spoorkonstruksie. Die naaste twee dorpies is Riebeek-Oos en Paterson terwyl Grahamstad 45 km oos lê. Die Boesmansrivier vloei by Alicedale verby.

Daar is 'n puik 18-putjie gholfbaan by die Bushmans River Sands Hotel op die dorpie. Die hele baanuitleg is op die oewers van die Boesmansrivier, met verskillende waterhindernisse om te trotseer.

Sien ook

• Lys van dorpe in Suid-Afrika

Bronne

• Op Pad in Suid-Afrika. B.P.J. Erasmus. 1995 ISBN ISBN 1-86842-026-4
• Ensiklopedie van Suidelike Afrika. Eric Rosenthal 1967