Gaan na inhoud

Vlag van Georgië

in Wikipedia, die vrye ensiklopedie
Vlag van Georgië
Vlag van Georgië
Vlag van Georgië
Bynaam (ka) ხუთჯვრიანი დროშა
(af) Vyfkruisevlag
Gebruik Burgerlike- en staatsvlag en vaandel Burgerlike en staatsvlag en -vaandel
Verhouding 5:9
Goedgekeur 14 Januarie 2004[1]
Ontwerp ’n Rooi Sint Joriskruis op ’n wit agtergrond met ’n rooi Bolnur-Katskhuri-kruis in elk van die kwadrante.

Die nasionale vlag van Georgië (Georgies: საქართველოს სახელმწიფო დროშა; sakartwelos sakhelmtsʼipo drosja) is op 14 Januarie 2004 amptelik in gebruik geneem. Die vlag vertoon ’n rooi Sint Joriskruis op ’n wit agtergrond met ’n rooi Bolnur-Katskhuri-kruis in elk van die kwadrante.

Geskiedenis

Middeleeuse Georgiese vlae

Detail van die Pizzigano-kaart van 1367 met Tbilisi en sy vlag

Die wit vlag met ’n enkele rooi Sint Joriskruis is vermoedelik gebruik deur Koning Vachtang I in die 5de eeu.[2] Volgens oorlewering het Koningin Tamar ’n vlag met ’n donkerrooi kruis en ’n ster op ’n wit baan gebruik.[3]

In die kaart van 1367 deur Domenico en Francesco Pizzigano word die vlag van Tifilis (Tbilisi) aangedui as ’n Jerusalemkruis (’n groot kruis met kleiner kruise in elke kwadrant). Volgens D. Kldiasjwili (1997), is die Jerusalemkruis aanvaar na die heerskappy van Koning George V.[4]

Demokratiese Republiek van Georgië (1918–1921)

Gedurende Georgië se kortstondige bestaan as ’n onafhanklike staat as die Demokratiese Republiek van Georgië van 1918 tot 1921, is ’n driekleur aanvaar. Die ontwerp het gekom na ’n vlagontwerpkompetisie gehou is en is gewen deur die skilder Iakob Nikoladze. Dit is in 1921, na die inlywing van Georgië by die USSR, deur die Sowjetunie afgeskaf.

Georgiese Sosialistiese Sowjetrepubliek (1921–1990)

Gedurende die Sowjetperiode het Georgië verskeie aanpassings van die rooi Sowjetvlag aanvaar met óf die naam van die Georgiese Sosialistiese Sowjetrepubliek daarop óf ’n hamer en sekel met ’n ster in ’n blou son in die skildhoek met ’n horisontale blou baan in die boonste gedeelte van die vlag. Die vlag van die Georgiese SSR is in November 1990 afgeskaf deur die Georgiese regering kort voordat onafhanklikheid van die Sowjetunie verklaar is.

Georgië (1990–2004)

Die vorige vlag wat deur die Demokratiese Republiek van Georgië gebruik is, van 1918 tot 1921, is op 14 November 1990 herstel deur die Opperraad van die Republiek van Georgië. Dit het daarna egter gewildheid verloor omdat dit geassosieer is met die chaotiese en gewelddadige tydperk rondom die val van die Sowjetunie. Die wynrooi kleur het goeie tye in die verlede en toekoms gesimboliseer, die swart het vir Russiese oorheersing gestaan en die wit vir hoop en vrede.[5]

  • Vlag wat aan Koning Vachtang I (5de eeu) toegeskryf word
    Ontwerp is in verlede gebruik maar sedertdien laat vaar Vlag wat aan Koning Vachtang I (5de eeu) toegeskryf word
  • Vlag van die Demokratiese Republiek van Georgië, 1918 tot 1921
    Ontwerp is in verlede gebruik maar sedertdien laat vaar Vlag van die Demokratiese Republiek van Georgië, 1918 tot 1921
  • Vlag van die Georgiese SSR, 1921 tot 1990
    Ontwerp is in verlede gebruik maar sedertdien laat vaar Vlag van die Georgiese SSR, 1921 tot 1990
  • Vlag van die post-Sowjet Republiek van Georgië, 1990 tot 2004
    Ontwerp is in verlede gebruik maar sedertdien laat vaar Vlag van die post-Sowjet Republiek van Georgië, 1990 tot 2004

Huidige vlag

Die vyf kruise op die huidige Georgiese vlag word soms geïnterpreteer as die Vyf Heilige Wonde of Christus en die vier Evangeliste.[6]

Die huidige vlag is deur die Peorgiese Patriotiese beweging gebruik na die land se onafhanklikheid van die Sowjetunie in 1991. Teen die laat 1990’s het die destydse ontwerp bekend gestaan as ‘die Georgiese historiese nasionale vlag’ nadat vlagkundiges die rooi-en-wit Jerusalemkruis wat op ’n 14de-eeuse kaart van Domenico en Francesco Pizzigano aangedui, is as die vlag van Tblisi uitgewys het.[7]

’n Meerderheid van Georgiërs insluitend die invloedryke Katolikos-patriarg van die Georgies-Ortodokse en Apostoliese Kerk het die herinstelling van die vlag ondersteun en in 1999 het die Parlement van Georgië ’n konsepwet deurgevoer om die vlag te verander. Dit is egter nie deur die destydse president, Edward Sjewardnadze onderskryf nie. In die vroeë 2000’s is die vlag deur die hoofopposisieparty, die Verenigde Nasionale Beweging onder leiding van Micheil Saakasjwili aangeneem as ’n simbool van weerstand teen Sjewardnadze se regering.[8]

Die vlag is op 14 Januarie 2004 deur die parlement aanvaar. Saakasjwili het dit formeel onderskryf deur die Presidensiële Dekreet No. 31 wat op 25 Januarie, nadat hy as president verkies is, onderteken is.

Ontwerp

Die nasionale vlag van Georgië word soos volg in die dekreet beskryf:

“ Die Georgiese nasionale vlag is ’n wit reghoek met ’n groot rooi kruis op wat al die vier kante raak. In die vier hoeke is vier bolnoer-katskhoeri-kruise (nes die grapevine-kruis ook Georgiese kruise genoem) van dieselfde kleur (soos die groot kruis). ”


Die Georgiese vlag het die volgende tegniese ontwerp:

Konstruksietekening
Konstruksietekening

Kleure

Die kleurskema word hieronder gelys:

Rooi Wit
RGB 255-0-0 255-255-255
CMYK 0-100-100-0 0-0-0-0
Pantone 485 C Safe
Web #FF0000 #FFFFFF

Ander vlae

  • Oorlogsvlag van Georgië
    Ontwerp is ’n aanvaarde wisselvorm Oorlogsvlag van Georgië
  • Georgiese vlootvaandel
    Georgiese vlootvaandel
  • Georgiese Lugmagvlag
    Georgiese Lugmagvlag
  • Georgiese Weermagvlag
    Georgiese Weermagvlag
  • Vlag van die Georgiese Nasionale Wag
    Vlag van die Georgiese Nasionale Wag
  • Voorgestelde vlootvlag van die Georgiese Demokratiese Republiek
    Ontwerp is voorgestel in die verlede maar nooit amptelik aanvaar nie Voorgestelde vlootvlag van die Georgiese Demokratiese Republiek
  • Voorgestelde vlootvlag van die Georgiese Demokratiese Republiek
    Ontwerp is voorgestel in die verlede maar nooit amptelik aanvaar nie Voorgestelde vlootvlag van die Georgiese Demokratiese Republiek
  • Voorgestelde vlootvlag van die Georgiese Demokratiese Republiek
    Ontwerp is voorgestel in die verlede maar nooit amptelik aanvaar nie Voorgestelde vlootvlag van die Georgiese Demokratiese Republiek

Soortgelyke vlae

Soos die vlag van Engeland toon die vlag van Georgië ’n rooi Sint Joriskruis op ’n wit agtergrond, maar laasgenoemde verskil deur die gebruik van vier Bolnur-Katskhuri-kruise in elk van die kwadrante.

Sien ook

Verwysings

  1. ↑ "Georgië" (in Engels). Flags of the World. 30 November 2013. Geargiveer vanaf die oorspronklike op 27 Maart 2019. Besoek op 27 Maart 2019.
  2. ↑ (en) Theodore E. Dowling, Sketches of Georgian Church History, New York, bl. 54. D.M.Lang – Georgia in the Reign of Giorgi the Brilliant (1314–1346). Bulletin of the School of Oriental and African Studies, Universiteit van Londen, Vol. 17,No. 1 (1955), bl.84. G. Macharashwili დროშა გორგასლიანი, თბ. 2011.
  3. ↑ (en) "Georgia". Encyclopædia Britannica. Besoek op 14 Februarie 2013.
  4. ↑ (ka) David Kldiasjwili, ქართული ჰერალდიკის ისტორია (“Geskiedenis van Georgiese heraldiek”), Parlamentis utskebani, 1997; bl. 30-35.
  5. ↑ (en) Steve Luck, ed. (1997). Oxford Family Encyclopedia (eerste ed.). London: George Philip. p. 281. ISBN 0-19-521367-X. {{cite book}}: |author= has generic name (hulp)
  6. ↑ (en) Michael Spilling, Winnie Wong: Georgia bl. 37.
  7. ↑ (en) “Die nuwe vlag van Georgië hou nie verband met hierdie historiese banier nie. Die vlag van die Nasionale Beweging was tien jaar gelede (1993) onbekend en is ‘die Georgiese historiese nasionale vlag’ genoem deur opposisieleiers nadat die vlagkundige I.L. Bichikashvili daaroor gepubliseer het.” Mikhail Rewniwtsef, 25 November 2003 crwflags.com
  8. ↑ (en) “’n Meerderheid van Georgiërs insluitend die patriarg van die Georgies-Ortodokse Kerk is lank reeds ten gunste van die aanvaarding van die vyfkruisbanier as die volk se amptelike vlag. Die uittredende president het alle pogings tot verandering gestuit. In 1999 het die Georgiese parlement gestem om die vlag te verander en al wat Sjewardnadze moes doen was om ’n dekreet ter ondersteuning uit te vaardig. Hy het, onverklaarbaar, geweier en eerder gekies om ’n magtelose Heraldiese Kommissie tot stand te bring om die saak te bestudeer. Toe Saakasjwili die Nasionale Beweging in 2001 begin het was die vyfkruisvlag die natuurlike keuse om sy party se gewildheid te demonstreer.” Brendan Koerner, 'Wat gaan aan met Georgië se vlae?', Slate, 25 November 2003.

Eksterne skakels


Hierdie artikel is in sy geheel of gedeeltelik vanuit die Engelse Wikipedia vertaal.
Ontsluit van "https://af.wikipedia.org/w/index.php?title=Vlag_van_Georgië&oldid=2566522"