Bonginkosi Madikizela
Bonginkosi Success Madikizela (gebore 15 Maart 1975) is 'n Suid-Afrikaanse politikus.
.jpg)
Madikizela is in Port Shepstone in die provinsie Natal gebore, maar het spoedig na Khayelitsha verhuis en polities aktief in die gebied geword. Hy was 'n lid van die African National Congress (ANC) en United Democratic Movement (UDM), voordat hy in 2008 by die Demokratiese Alliansie (DA) aangesluit het. Hy is in 2009 as DA-lid van die Wes-Kaapse Provinsiale Parlement verkies. Premier Helen Zille het hom as die provinsiale minister vir behuising aangestel.[1][2]
In 2014 is hy as Provinsiale Minister van Menslike Nedersettings aangewys. ’n Jaar later, in 2015, het Madikizela die partystaatmaker Theuns Botha as adjunk-provinsiale DA-leier onttroon. Patricia de Lille, DA-provinsiale leier, het in Februarie 2017 bedank en Madikizela as waarnemende provinsiale leier in beheer gelaat. Hy het 'n volle termyn in Oktober 2017 gewen. In 2019 het Madikizela die provinsiale minister van vervoer en openbare werke geword. Ná ’n skandaal oor sy vals kwalifikasies aan die lig gekom het, bedank hy op 28 April 2021 as provinsiale leier van die DA. Hy het ook uit die provinsiale kabinet en die provinsiale parlement bedank, maar het ’n DA-lid gebly. Hy het gesê daar is nie druk op hom geplaas om as DA-provinsiale leier te bedank nie.
Verwysings
[wysig | wysig bron]- ↑ "Return of the White Men". Mail & Guardian. 8 Mei 2009. Besoek op 8 Mei 2009.
- ↑ "Appointment of the Western Cape Provincial Cabinet". Cape Gateway. Provincial Government of the Western Cape. 8 Mei 2009. Besoek op 8 Mei 2009.