Paul Mashatile

Paul Shipokosa Mashatile
9de Adjunkpresident van Suid-Afrika
Ampsbekleër
Termynaanvang 7 Maart 2023
President	Cyril Ramaphosa
Voorafgegaan deur	David Mabuza
11de Adjunkpresident van die African National Congress
Ampsbekleër
Termynaanvang 19 Desember 2022
President	Cyril Ramaphosa
Voorafgegaan deur	David Mabuza
Tesourier-generaal van die African National Congress
Ampstermyn 18 Desember 2017 – 19 Desember 2022
Voorafgegaan deur	Zweli Mkhize
Opgevolg deur	Gwen Ramokgopa
Minister van Kuns en Kultuur
Ampstermyn 1 November 2010 – 25 Mei 2014
President	Jacob Zuma
Voorafgegaan deur	Lulama Xingwana
Opgevolg deur	Nathi Mthethwa
Persoonlike besonderhede
Gebore	21 Oktober 1961 (1961-10-21) Gerhardsville, Pretoria
Politieke party	African National Congress

Paul Shipokosa Mashatile (gebore 21 Oktober 1961) is 'n Suid-Afrikaanse politikus van die African National Congress wat tans dien as adjunkpresident van Suid-Afrika asook as adjunkpresident van die ANC. Hy was voorheen 'n anti-apartheidsaktivis in die United Democratic Front, en 'n lid van president Jacob Zuma se eerste kabinet, wat tussen 2010 en 2014 as Minister van Kuns en Kultuur gedien het. Voor dit was hy van 2008 tot 2009 kortstondig Premier van die Gauteng provinsie. Tussen 1996 en 2008, en later tussen 2014 en 2018, het hy verskeie ministeriële portefeuljes in die Gautengse provinsiale regering beklee. Hy bly veral invloedryk in Gauteng, sy tuisprovinsie, waar hy ook tussen 2007 en 2017 ANC provinsiale voorsitter was.

Lewensloop

Mashatile is op 21 Oktober 1961 in Gerhardsville, Pretoria, gebore, maar het in Alexandra in Johannesburg grootgeword. Hy was van tienerjare af al ’n politieke aktivis en was net 22 toe hy die leier van die Alex Youth Congress geword het. Op 24 het hy die UDF se streeksekretaris in Suid-Transvaal geword. Later in 1985, onder die heersende noodtoestand, is hy weens sy politieke aktivisme gearresteer, en hy is sonder verhoor tot 1989 aangehou.

Toe die regering die African National Congress en Suid-Afrikaanse Kommunistiese Party (SAKP) in 1990 ontban het, is Mashatile gewerf in die tussentydse leierskorps van beide organisasies en het die taak gehad om te help om hul nuwe wetlike strukture binne die land en veral in die PWV-streek (latere Gauteng).

Hy is in 1992 as provinsiale sekretaris van die ANC verkies en was 13 jaar lank ’n lid van die provinsiale uitvoerende komitee. In 2007 het hy die leier van die ANC in Gauteng geword en in 2007 premier, maar hy is ’n jaar later deur Nomvula Mokonyane opgevolg toe Zuma hom die adjunkminister van kuns en kultuur gemaak het. Hy is in 2010 bo Mokonyane as provinsiale leier herkies en het toe ’n volle lid van die kabinet geword.

Mashatile was die een senior ANC-leier wat konsekwent teen Zuma opgestaan het, en Zuma het hom in 2014 as minister afgedank. In Desember 2017 is hy tot tesourier van die ANC verkies. Aan die begin van 2022 het hy ook as sekretaris-generaal opgetree nadat Jessie Duarte oorlede is.

Nie een van die beskuldigings van wanbestuur wat teen hom gerig is, is ooit deur ondersoeke bevestig nie.

Verwysings

Politieke poste
Voorafgegaan deur Mbhazima Shilowa	Premier van Gauteng 7 Oktober 2008 – 6 Mei 2009	Opgevolg deur Nomvula Mokonyane

Voorafgegaan deur David Mabuza	Adjunkpresident van Suid-Afrika 2023–tans	Opgevolg deur dienend
Voorafgegaan deur David Mabuza	Adjunkpresident van die African National Congress 2023–tans	Opgevolg deur dienend