Leon Schreiber
| Leon Schreiber | |
 Dr Schreiber in 2024 | |
| Ampsbekleër | |
| Termynaanvang 3 Julie 2024 | |
| Vise | Njabulo Nzuza |
|---|---|
| President | Cyril Ramaphosa |
| Voorafgegaan deur | Aaron Motsoaledi |
Skaduminister van Staatsdiens en Administrasie | |
| Ampstermyn 5 Junie 2019 – 30 Junie 2024 | |
| Vise | Michéle Clarke |
| Leier | Mmusi Maimane→ John Steenhuisen |
| Voorafgegaan deur | Désirée van der Walt |
| Ampsbekleër | |
| Termynaanvang 22 Mei 2019 | |
Persoonlike besonderhede | |
| Gebore | Leon Amos Schreiber 11 September 1988 Piketberg, Kaapprovinsie, Suid-Afrika |
| Politieke party | Demokratiese Alliansie |
| Alma mater | Universiteit Stellenbosch Freie Universität Berlin |
Leon Amos Schreiber (gebore op 11 September 1988) is 'n Suid-Afrikaanse outeur, politikus en lid van die Demokratiese Alliansie (DA) wat sedert Julie 2024 as Minister van Binnelandse Sake dien. Hy was van 2019 tot 2024 die Skaduminister van Staatsdiens en Administrasie en is 'n lid van die Nasionale Vergadering van Suid-Afrika.
Vroeë lewe en opvoeding
[wysig | wysig bron]Schreiber is gebore in die Namakwaland-streek van die ou Kaapprovinsie. Hy het aan Paul Roos Gimnasium gematrikuleer en by die Universiteit Stellenbosch gestudeer. In 2015 het hy sy doktorsgraad in politieke wetenskap van die Freie Universität Berlin ontvang.[1]
Loopbaan
[wysig | wysig bron]Schreiber het in 2015 by Princeton-universiteit aangesluit as 'n senior navorsingspesialis. Hy het die boek Coalition Country: South Africa After the ANC geskryf wat in 2018 gepubliseer is.[2]
Lid van die parlement (2019–hede)
[wysig | wysig bron]Schreiber het gou lid van die Demokratiese Alliansie (DA) geword en voor die algemene verkiesing van 2019 het sy naam op die party se verkiesingslys verskyn. Hy is toe verkies en op 22 Mei 2019 is hy ingehuldig as 'n LP.[1] Hy het later die DA se kiesafdeling-voorsitter in Stellenbosch geword.
Op 5 Junie 2019 is Schreiber as Skaduminister van Staatsdiens en Administrasie aangewys.[3] Vanaf Junie 2019 dien hy as lid van die portefeuljekomitee vir staatsdiens en administrasie. Hy was tot Maart 2020 'n plaasvervangende lid van die Ad Hoc-komitee om Artikel 25 van die Grondwet te wysig.
In Oktober 2019 het hy met onmiddellike effek van die Universiteit Stellenbosch se Institusionele Forum bedank, weens die eensydige afskaffing van Afrikaans as onderrigmedium. Hy het gesê hy sal nie teenwoordig wees om te sien hoe moedertaalonderrig uitgefaseer word nie.[4]
Verwysings
[wysig | wysig bron]- 1 2 "Blog: Mr Leon Schreiber (DA)". People's Assembly (in Engels). Geargiveer vanaf die oorspronklike op 18 Junie 2020. Besoek op 29 Mei 2020.
- ↑ (en) Tandwa, Lizeka (17 Maart 2019). "A phenomenal doctor, a YouTuber and two researchers walk into the DA - six DA candidates you may not know". News24. Besoek op 29 Mei 2020.
- ↑ Gerber, Jan (5 Junie 2019). "Here's the DA's 'shadow cabinet'". News24 (in Engels). Geargiveer vanaf die oorspronklike op 5 September 2019. Besoek op 29 Mei 2020.
- ↑ Kaunda, Selisho (16 Oktober 2019). "DA MP resigns from Stellies Institutional Forum after ConCourt battle over language policy". The Citizen (in Engels). Geargiveer vanaf die oorspronklike op 22 Oktober 2019. Besoek op 29 Mei 2020.
Eksterne skakels
[wysig | wysig bron]- Dr Leon Amos Schreiber. People's Assembly. Besoek op 29 Mei 2020.
Hierdie artikel is in sy geheel of gedeeltelik uit die Engelse Wikipedia vertaal.
