Natasha Mazzone

in Wikipedia, die vrye ensiklopedie
Jump to navigation Jump to search
Natasha Mazzone
Natasha Mazzone
Mazzone in 2018

Hoofsweep van die Amptelike Opposisie
Ampsbekleër
Termynaanvang
31 Oktober 2019
Vise Jacques Julius
Voorafgegaan deur John Steenhuisen

Ampsbekleër
Termynaanvang
6 Mei 2009

Persoonlike besonderhede
Gebore 9 Mei 1979 (1979-05-09) (41 jaar oud)
Pretoria
Politieke party Demokratiese Alliansie
Eggenoot/eggenote Kevin Mileham (2017–)
Alma mater Universiteit van Pretoria
Universiteit van Suid-Afrika

Natasha Wendy Anita Mazzone (gebore op 9 Mei 1979) is 'n Suid-Afrikaanse politikus wat tans dien as die hoofsweep van die amptelike opposisie in die Nasionale Vergadering van Suid-Afrika. Sy dien al as 'n LP sedert 2009 en verteenwoordig die grootste opposisieparty, die Demokratiese Alliansie (DA). Sy is die tweede ondervoorsitter van die Federale Raad van die DA en die party se woordvoerder oor staatskaping. Sy was voorheen adjunk- skaduminister van justisie en staatkundige ontwikkeling, skaduminister van openbare ondernemings en ook skaduminister van kommunikasie.

Vroeë lewe en onderwys[wysig | wysig bron]

Mazzone is in 1979 in Pretoria gebore. Sy is die kind van immigrantouers. Haar vader Giovanni is in Pietrastornina in die Avellino provinsie van Italië gebore. Hy is 'n sjef. Haar ma Valerie is afkomstig uit Londen. Mazzone is die jongste van drie kinders. Sy het haar onderwys aan Laerskool Sunnyside en die Glen High School ontvang.[1]

Mazzone het by die Universiteit van Pretoria gestudeer om 'n prokureur te word, maar sy kon nie die graad voltooi nie. Sy het later aan haar klerkskap by Hahn & Hahn Prokureurs voltooi. Mazzone het musiek en opera aan die Lorraine Haverman-musiekskool gestudeer. Sy is toe in 2010 gekies om aan die American Council of Young Political Leaders-program deel te neem.[2]

Politieke loopbaan[wysig | wysig bron]

Mazzone as parlementslid in 2011

Mazzone is 'n feminis en 'n ondersteuner van gelyke regte. Sy is ook 'n LGBTI-aktivis en 'n liberaal.

Mazzone het haar politieke loopbaan in 1997 aan die Universiteit van Pretoria (UP) begin, waar sy as die voorsitter van die Demokratiese Party (DP) jeugtak gedien het. Sy word toe in 1998 as die federale jeugleier van die DP verkies. In dieselfde jaar is sy tot die Studenteraad by UP verkies en as die Uitvoerende Lid vir Studenteveiligheid aangestel. Sy is in 1999 tot die pos van speaker van die UP SRC verkies. In 2000 word die Demokratiese Alliansie (DA) gevorm en die DP vorm deel van hierdie samesmelting. Sy is toe as die federale jeugleier van die DA verkies. Sy het die amp tot 2004 beklee.[3]

Op die ouderdom van 21 in 2000 is sy tot die stadsraad van Tshwane verkies. Op daardie stadium was sy die jongste raadslid. Sy word toe in 2003 as die hoofsweep van die DA-koukus verkies.[3]

In 2009 word Mazzone 'n lid van die Nasionale Vergadering van Suid-Afrika. Sy het al verskeie posisies in die DA se skadukabinet beklee. Sy dien ook as 'n lid van verskeie komitees, insluitend die Gesamentlike Staande Komitee vir die Finansiële Bestuur van die Parlement, die Dissiplinêre Komitee, die Portefeuljekomitee vir Openbare Ondernemings en die Reëlskomitee. Sy is ook die DA se sweep verantwoordelik vir wetgewing.

Mazzone was destyds betrokke by die provinsiale politiek van Gauteng. Sy is as een van drie provinsiale voorsitters van die DA in 2009 verkies voor sy in 2010 vir die pos van provinsiale leier gestaan het. Voormalige DA-LP Janet Semple het daardie verkiesing gewen.[4]

In 2018 is sy as die tweede-adjunk voorsitter van die Federale Raad van die DA verkies. Sy dien tans saam met Thomas Walters.[5]

Op 31 Oktober 2019 het John Steenhuisen vir Mazzone as die hoofsweep van die DA-koukus aangestel wat haar gevolglik die hoofsweep van die amptelike opposisie gemaak het. Sy is die eerste vrou om die amp te hou.[6]

Persoonlike lewe[wysig | wysig bron]

Sy is getroud met mede-DA LP Kevin Mileham. Mazzone is 'n Boeddhis.

Verwysings[wysig | wysig bron]

  1. (in Engels) Zulu, Makhosandile. DA’s Natasha ‘dark father’ Mazzone under Twitter fire for race comment, The Citizen, 7 Mei 2018. Besoek op 19 Desember 2019.
  2. (in Engels) South African party leader qualifications: ANC vs DA vs EFF, BusinessTECH, 26 November 2018. Besoek op 19 Desember 2019.
  3. 3,0 3,1 (in Engels) Natasha Mazzone: Qualifications, achievements, and new role explained, The South African, 31 Oktober 2019. Besoek op 19 Desember 2019.
  4. (in Engels) Du Plessis, Carien. Charged DA leader voted out, IOL, 18 April 2010. Besoek op 19 Desember 2019.
  5. (in Engels) Khoza, Amanda. Natasha Mazzone remains DA's second deputy federal council chair, News24, 10 Junie 2018. Besoek op 19 Desember 2019.
  6. (in Engels) Steenhuisen appoints Mazzone as DA's chief whip in Parliament, News24, 31 Oktober 2019. Besoek op 19 Desember 2019.