Julius Malema

in Wikipedia, die vrye ensiklopedie
Spring na: navigasie, soek
Julius Malema
Julius Malema

Julius Malema in 2011


Ampsbekleër
Ampsaanvaarding
Julie 2013
Voorafgegaan deur Nuwe amp

President van die ANC se Jeugliga
Ampstermyn
April 2008 – April 2012
Vise Andile Lungisa, Ronald Lamola
Voorafgegaan deur Fikile Mbalula

Persoonlike besonderhede
Geboorte 3 Maart 1981 (1981-03-03) (35 jaar oud)
Seshego, Transvaal
Politieke party African National Congress (1990–2012)
Economic Freedom Fighters (2013–hede)

Julius Sello Malema (* 3 Maart 1981 in Seshego (naby die huidige Polokwane)) is 'n Suid-Afrikaanse politieke figuur, en sedert Julie 2013 die leier van die Ekonomiese Vryheidsvegters. Hy was vanaf April 2008 tot April 2012 president van die ANC-Jeugliga. As gevolg van sy sy omstrede uitlatings en toesprake is hy deur party mense as 'n "roekelose populis" beskryf. Hy het dikwels luidkeelse ondersteuning vir die ANC en president Jacob Zuma gegee. Zuma en die premier van die Limpopoprovinsie het al na Malema verwys as die toekomstige president van Suid-Afrika.[1]

In Mei 2010 is hy uit die ANC geskors en in September 2012 is hy aangekla van bedrog en geldwassery.[2] In Julie 2013 stig hy sy eie politieke party, die Ekonomiese Vryheidsvegters.[3][4] Hy is tans 'n Lid van die Parlement (LP) en hy beskuldig Jacob Zuma en die ANC van korrupsie en die verraad van revolusionêre linkse beleid.[5][6]

Vroeë lewe[wysig | wysig bron]

Malema, 'n Pedi, is gebore en getoë in Seshego, Transvaalprovinsie.[7] Sy moeder was 'n huishulp en 'n enkelouer. Op die ouderdom van nege of tien jaar het hy betrokke geraak by die African National Congress se Masupatsela. Sy hooftaak op daardie oomblik was om die Nasionale Party se plakkate op straat te verwyder.

Onderwys[wysig | wysig bron]

Malema het aan Hoërskool Mohlakaneng, Seshego, Limpopo gematrikuleer.[8] In 2010 het hy 'n tweejaardiploma in jeugontwikkeling aan die Universiteit van Suid-Afrika (UNISA) verwerf.

In Maart 2016 het hy 'n BA-graad in Kommunikasie en Afrikatale aan UNISA verwerf.[9][10]

Omstredenheid[wysig | wysig bron]

Aanmerkings oor vroue[wysig | wysig bron]

Ná sy uitlating dat die vrou wat Zuma van verkragting aangekla het 'n "goeie tyd" moes gehad het, is hy in Maart 2010 deur landdros Colleen Collins skuldig bevind aan haatspraak en beveel om sy verskoning aan te bied. Hy is ook aangesê om R50 000 te betaal aan 'n instelling vir mishandelde vroue.[11] Malema was nie by die hofuitspraak teenwoordig nie, maar het aangedui dat hy teen die uitspraak sal appelleer.[12]

Aanmerkings oor blankes[wysig | wysig bron]

In Maart 2010 het Malema tydens 'n universiteitsbyeenkoms die "skiet die boere"-kreet gesing.[13] Die lied is eens deur Peter Mokaba in die vroeë 1990's gesing, maar is sedertdien deur die Suid-Afrikaanse Menseregtekommissie as haatspraak verklaar. Sommige groepe meen dat dit bygedra het tot die moord op Eugène Terre'Blanche op 3 April 2010.

Verwysings[wysig | wysig bron]

  1. Bottle-feeding this young baby monster Juju, deur Fikile-Nstikelelo Moya in die Sowetan. 8 Maart 2010. Verkry op 15 Maart 2010.
  2. Staff (2012-09-25). “Charge sheet links Malema, businessman”. IOL.co.za. URL besoek op 2013-03-28.
  3. Milton Nkosi (11 July 2013). “Julius Malema launches Economic Freedom Fighters group”. Bbc.co.uk. URL besoek op 17 August 2014.
  4. Stone, Setumo Malema takes command of Economic Freedom Fighters”. BDlive. URL besoek op 17 August 2014.
  5. Zuma Critic Faces South Africa Charges, Wall Street Journal, http://online.wsj.com/article/SB10001424127887324020804578149142331646514.html?mod=googlenews_wsj 
  6. Malema trial still going ahead”. eNCA: 2013-06-21. URL besoek op 2013-08-17.
  7. Julius Sello Malema: background”. Sahistory.org.za. URL besoek op 2013-03-28.
  8. "Malema's grim report card is 'real'", IOL.co.za, 24 Oktober 2008; verkry op 22 November 2011.
  9. Malema gets his BA degree”. Times Live. URL besoek op 31 March 2016.
  10. Malema gets his BA degree”. Sowetan. URL besoek op 31 Maart 2016.
  11. ANC's Julius Malema guilty of South Africa hate speech, deur die BBC-nuus. 15 Maart 2010.
  12. Malema skuldig aan haatspraak, Beeld, 15 Maart 2010.
  13. Malema sings the Mokaba anti-boer tune IOL