FIFA Sokker-Wêreldbekertoernooi in 1966

FIFA Sokker-Wêreldbeker

World Cup 1966 – England
Toernooi-inligting
Gasheerland	Engeland
Datums	11 Julie – 30 Julie
Spanne	16 (van 5 konfederasies)
Stadions	8 (in 7 stede)
Finale uitslag
Kampioene	Engeland (1 titel)
Tweede plek	Wes-Duitsland
Derde plek	Portugal
Vierde plek	Sowjetunie
Toernooi-statistieke
Wedstryde gespeel	32
Doele	89 (2.78 per wedstryd)
Bywoning	1 563 135 (48 848 per wedstryd)
Meeste punte	Eusébio (9 doele)
Beste speler	Bobby Charlton
← 1962 1970 →

Die agtste FIFA Sokker-Wêreldbekertoernooi (Engels: World Cup 1966 – England) is vanaf 11 tot 30 Julie 1966 aangebied in Engeland, die “tuiste van sokker”. Dit was die eerste Sokker-Wêreldbekertoernooi wat in Engeland aangebied is en die vyfde in Europa. Buitendien was dit die eerste wêreldbekertoernooi in een van Engeland se gewildste sportsoorte wat in dié land aangebied is; later sou nog ’n aantal krieketwêreldbeker- en rugbywêreldbekertoernooie volg.

Die Jules Rimet-trofee waarom meegeding is

16 nasionale sokkerspanne het aan die FIFA Sokker-Wêreldbekertoernooi in 1966 deelgeneem. Die spanne is in vier groepe verdeel, waarvan die twee beste spanne van elke groep na die uitklopfase deurgedring het. Engeland het die trofee gewen nadat hulle Wes-Duitsland met 4–2 in die eindstryd geklop en sodoende hul eerste wêreldbekertitel ingepalm het. Engeland het daarmee die derde gasheer ná Uruguay in 1930 en Italië in 1934 geword om die toernooi te wen. Die eindstryd word veral vir die omstrede “Wembley-doel” onthou, wat deur Engelse ondersteuners as geldig beskou word, maar nie deur Duitse s’n nie. Daarbenewens is dit die eerste wêreldbekertrofee in een van Engeland se gewildste sportsoorte wat die onderskeidelike nasionale span ingepalm het; in 2003 sou nog die rugbywêreldbekertitel volg en in 2019 die krieketwêreldbekertitel. Portugal het in die derde en die Sowjetunie in die vierde plek geëindig. Die verdedigende kampioen Brasilië is reeds in die groepfase uitgeskakel; die eerste keer wat hierdie lot ’n verdedigende kampioen toegeval het.

Die Suid-Afrikaanse nasionale sokkerspan het nie aan die toernooi deelgeneem nie omdat hulle nie ’n lid van FIFA was nie. Die nasionale sokkerspanne van Noord-Korea en Portugal het vir die eerste keer aan ’n Sokker-Wêreldbekertoernooi deelgeneem.

Toewysing

Engeland is op 22 Augustus 1960 in Rome deur FIFA gekies as gasheer vir die FIFA Sokker-Wêreldbekertoernooi in 1966. Ander kandidaatlande was Spanje en Wes-Duitsland, maar Spanje het voor die stemming hulself onttrek.

Die stemming het as volg verloop:

Stemming vir gasheer van die FIFA Sokker-Wêreldbekertoernooi in 1966
Land	Rondte 1
Engeland	34
Wes-Duitsland	27

Kwalifisering

Kaart van die Afrikalande wat die FIFA Sokker-Wêreldbekertoernooi in 1966 geboikot het (in swart)

Die gasheer Engeland en die verdedigende kampioen Brasilië het regstreeks vir die FIFA Sokker-Wêreldbekertoernooi in 1966 gekwalifiseer. Van die 14 oorblywende plekke is nege vir nasionale sokkerspanne van UEFA (Europa) gereserveer, drie vir CONMEBOL (Suid-Amerika) en een vir CONCACAF (Karibiese gebied, Noord- en Sentraal-Amerika). Een plek is tydens ’n uitspeelwedstryd tussen AFC (Asië) en CAF (Afrika) beslis.

31 Afrikalande het die toernooi weens FIFA se beslissing van 1964, waarvolgens die wenner van die Afrikakwalifisering teen die wenner van die Asiatiese kwalifisering vir net een plek moes speel, geboikot. Hulle was van mening dat die oorwinning in die Afrikakwalifisering op sigself goed genoeg vir ’n kwalifisering vir die Sokker-Wêreldbekertoernooi sou gewees het. ’n Ander rede vir hul boikot was die toelating van Suid-Afrika teen spyte dié land se opskorting van CAF in 1958 weens Apartheid. Suid-Afrika is daarna aan die kwalifiserende groep van Asië en Oseanië toegewys voordat dit weer in Oktober 1964 weens druk van ander Afrikalande opgeskort is. Ten spyte daarvan het die Afrikaspanne, nadat FIFA geweier het om die kwalifiserende formaat te verander, in elk geval besluit om uit die FIFA Sokker-Wêreldbekertoernooi te onttrek totdat minstens een volledige plek aan Afrika toegeken sal word, iets wat in plek gestel is vanaf die FIFA Sokker-Wêreldbekertoernooi in 1970.

Kwalifiserende spanne

Die volgende 16 spanne het vir die finale toernooi gekwalifiseer:

Uitslag van die kwalifisering:

   Geen deelname

   Land het homself onttrek of is nie deur FIFA aanvaar nie

   Land het nie gekwalifiseer nie

   Land het gekwalifiseer

Span	Verskynings by eindstryde	Agtereenvolgende deelnames	Laaste verskyning	Vorige beste prestasie
Argentinië	5de	3	1962	Naaswenner (1930)
Brasilië	8ste	8	1962	Kampioen (1958, 1962)
Bulgarye	2de	2	1962	Groepfase (1962)
Chili	4de	2	1962	Derde plek (1962)
Engeland	5de	5	1962	Kwarteindrondte (1954, 1962)
Frankryk	6de	1	1958	Derde plek (1958)
Hongarye	6de	4	1962	Naaswenner (1938, 1954)
Italië	6de	2	1962	Kampioen (1934, 1938)
Meksiko	6de	5	1962	Groepfase (1930, 1950, 1954, 1958, 1962)
Noord-Korea	1ste	1	–	Debuut
Portugal	1ste	1	–	Debuut
Sowjetunie	3de	3	1962	Kwarteindrondte (1958, 1962)
Spanje	4de	2	1962	Vierde plek (1950)
Switserland	6de	2	1962	Kwarteindrondte (1934, 1938, 1958)
Uruguay	5de	2	1962	Kampioen (1930, 1950)
Wes-Duitsland	6de	4	1962	Kampioen (1954)

Stadions

Wedstryde is in die volgende stede gespeel:

Londen		Birmingham
Wembley-stadion	White City-stadion	Villa Park
51°33′20″N 0°16′47″W	51°30′48.96″N 0°13′38.64″W	52°30′33″N 1°53′5″W
Kapasiteit: 98 600	Kapasiteit: 76 567	Kapasiteit: 52 000
Liverpool	Londen Manchester Liverpool Sunderland Middlesbrough Birmingham Sheffield
Goodison Park
53°26′20″N 2°57′58″W
Kapasiteit: 50 151
Manchester
Old Trafford
53°27′47″N 2°17′29″W
Kapasiteit: 58 000
Sheffield	Sunderland	Middlesbrough
Hillsborough-stadion	Roker Park	Ayresome Park
53°24′41″N 1°30′2″W	54°54′52″N 1°23′18″W	54°33′51″N 1°14′49″W
Kapasiteit: 42 730	Kapasiteit: 40 310	Kapasiteit: 40 000

Formaat

Die FIFA Sokker-Wêreldbekertoernooi in 1966 is oor 20 dae tussen 16 verskillende nasies oor 32 wedstryde uitgespeel. Dit het op 11 Julie 1966 op die Wembley-stadion in Londen met ’n wedstryd tussen die gasheer Engeland en Uruguay afgeskop. Die toernooi het geëindig by dieselfde stadion op 30 Julie met die eindstryd tussen Engeland en Wes-Duitsland, waartydens die gasheer die Jules Rimet-trofee ingepalm het. Dieselfde formaat is voorheen tydens die FIFA Sokker-Wêreldbekertoernooi in 1962 ingespan.

Kalender

Die volgende tabel dui die FIFA Sokker-Wêreldbekertoernooi in 1966 se daaglikse program aan. ’n Pers blokkie dui op wedstryde tydens die groepfase, ’n groen blokkie op wedstryde tydens die uitklopfase, ’n blou blokkie op die bronseindstryd en ’n geel blokkie op die eindstryd.

Aantal daaglikse wedstryde tydens die toernooi Groepfase Julie Ma 11 Di 12 Wo 13 Do 14 Vr 15 Sa 16 So 17 Ma 18 Di 19 Wo 20 Groep 1 1 1 1 1 1 1 Groep 2 1 1 1 1 1 1 Groep 3 1 1 1 1 1 1 Groep 4 1 1 1 1 1 1 Uitklopfase Julie Do 21 Vr 22 Sa 23 So 24 Ma 25 Di 26 Wo 27 Do 28 Vr 29 Sa 30 Uitklopfase 4 1 1 1 1

Legende    Groepwedstryde    Uitklopfase    Derde plek    Eindstryd

Groepfase

Die FIFA Sokker-Wêreldbekertoernooi in 1966 is deur 16 nasionale sokkerspanne uitgespeel. Vir die groepfase is die 16 deelnemende spanne in vier groepe van vier spanne elk verdeel; elke span het een wedstryd teen elk van die ander spanne in dieselfde groep gespeel, dus het elke span drie wedstryde in die groepfase gespeel. Twee punte is vir ’n oorwinning toegeken, een vir ’n gelykop en geen punte vir ’n nederlaag: spanne wat met dieselfde aantal punte geëindig het, is volgens aangetekende doele gerangskik.

Klassifisering binne elke groep was gegrond op die volgende puntestelsel:

• Twee wedstrydpunte vir ’n oorwinning;
• Een vir ’n gelykop;
• geen vir ’n nederlaag.

Aan die einde van die groepfase is die spanne gerangskik van die eerste na die vierde posisie, gegrond op versamelde wedstrydpunte, met die twee top spanne wat na die kwarteindrondte deurdring het. As twee spanne gelyk op punte was, is die rangorde deur hul aantal aangetekende doele bepaal.

Uitklopfase

Van die begin van dié fase af het die toernooi ’n uitklopformaat aangeneem wat uit agt wedstryde bestaan het: vier kwarteindstryde, twee halfeindstryde, ’n derdeplekwedstryd en die eindstryd.

Die wenner en naaswenner van elk van die groepe het na die uitklopfase deurgedring. Groepwenners het teen naaswenners in ander groepe in die kwarteindstrydwedstryde gespeel, byvoorbeeld: die wenner van Groep 1 het teen die naaswenner van Groep 2 en die wenner van Groep 2 het teen die naaswenner van Groep 1 gespeel. Spanne van dieselfde groep sou dus eers weer in óf die klein finale óf die eindstryd kon ontmoet het.

Elke wedstryd in die uitklopstadium moes met ’n oorwinning vir een van die spanne eindig. As daar ná negentig minute van gewone spel ’n gelykopuitslag was, is daar verder gespeel om die wenner te bepaal. Aanvanklik is daar twee periodes van ekstra tyd gespeel, 15 minute in elke rigting. As daar steeds nie ’n wenner was ná 120 minute nie, is die wenner deur ’n lot bepaal. Die eindstryd sou ná ’n gelykopuitslag die daaropvolgende dag herhaal word en eers daarna sou dit deur ’n lot beslis word.

Wedstryde

Kwalifiseer vir die kwarteindrondte.

Uit die toernooi geskakel.

Die wedstryde is in twee fases opgedeel, naamlik die groep- en die uitklopfase. Die loting is op 6 Januarie 1966 in die Royal Garden Hotel in Londen gehou.

Groepfase

16 spanne het aan die groepfase deelgeneem. Die boonste twee spanne in elke groep het na die uitklopfase deurgedring.

Groep 1

Land	Wed	Wen	Gel	Ver	DV	DT	+/–	Pte
Engeland	3	2	1	0	4	0	+4	5
Uruguay	3	1	2	0	2	1	+1	4
Meksiko	3	0	2	1	1	3	–2	2
Frankryk	3	0	1	2	2	5	–3	1

11 Julie 1966 19:30
	Engeland	0–0	Uruguay	Wembley-stadion, Londen Toeskouers: 87 148 Skeidsregter: Istvan Zsolt (Hongarye)
		Verslag

13 Julie 1966 19:30
	Frankryk	1–1	Meksiko	Wembley-stadion, Londen Toeskouers: 69 237 Skeidsregter: Menachem Ashkenazi (Israel)
	Hausser 62'	Verslag	48' Borja

15 Julie 1966 19:30
	Uruguay	2–1	Frankryk	Wembley-stadion, Londen Toeskouers: 45 662 Skeidsregter: Karol Galba (Tsjeggo-Slowakye)
	Rocha 26' Cortés 31'	Verslag	15' (straf) De Bourgoing

16 Julie 1966 15:00
	Engeland	2–0	Meksiko	Wembley-stadion, Londen Toeskouers: 92 570 Skeidsregter: Concetto Lo Bello (Italië)
	B. Charlton 37' Hunt 75'	Verslag

19 Julie 1966 16:30
	Meksiko	0–0	Uruguay	Wembley-stadion, Londen Toeskouers: 61 112 Skeidsregter: Bertil Lööw (Swede)
		Verslag

20 Julie 1966 19:30
	Engeland	2–0	Frankryk	Wembley-stadion, Londen Toeskouers: 98 270 Skeidsregter: Arturo Yamasaki (Peru)
	Hunt 38', 75'	Verslag

Groep 2

Wedstryd tussen Argentinië en Wes-Duitsland

Land	Wed	Wen	Gel	Ver	DV	DT	+/–	Pte
Wes-Duitsland	3	2	1	0	7	1	+6	5
Argentinië	3	2	1	0	4	1	+3	5
Spanje	3	1	0	2	4	5	–1	2
Switserland	3	0	0	3	1	9	–8	0

• Wes-Duitsland het bo Argentinië geëindig weens doelverhouding.

12 Julie 1966 19:30
	Wes-Duitsland	5–0	Switserland	Hillsborough Stadium, Sheffield Toeskouers: 36 000 Skeidsregter: Hugh Phillips (Skotland)
	Held 16' Haller 21', 77' (straf) Beckenbauer 40', 52'	Verslag

13 Julie 1966 19:30
	Argentinië	2–1	Spanje	Villa Park, Birmingham Toeskouers: 48 000 Skeidsregter: Dimiter Rumentchef (Bulgarye)
	Artime 65', 77'	Verslag	67' Pirri

15 Julie 1966 19:30
	Spanje	2–1	Switserland	Hillsborough Stadium, Sheffield Toeskouers: 32 000 Skeidsregter: Tofik Bakhramof (Sowjetunie)
	Sanchís 57' Amancio 75'	Verslag	31' Quentin

16 Julie 1966 15:00
	Argentinië	0–0	Wes-Duitsland	Villa Park, Birmingham Toeskouers: 51 000 Skeidsregter: Konstantin Zečević (Joego-Slawië)
		Verslag

19 Julie 1966 19:30
	Argentinië	2–0	Switserland	Hillsborough Stadium, Sheffield Toeskouers: 32 000 Skeidsregter: Joaquim Campos (Portugal)
	Artime 52' Onega 79'	Verslag

20 Julie 1966 19:30
	Wes-Duitsland	2–1	Spanje	Villa Park, Birmingham Toeskouers: 51 000 Skeidsregter: Armando Marques (Brasilië)
	Emmerich 39' Seeler 84'	Verslag	23' Fusté

Groep 3

Land	Wed	Wen	Gel	Ver	DV	DT	+/–	Pte
Portugal	3	3	0	0	9	2	+7	6
Hongarye	3	2	0	1	7	5	+2	4
Brasilië	3	1	0	2	4	6	–2	2
Bulgarye	3	0	0	3	1	8	–7	0

12 Julie 1966 19:30
	Brasilië	2–0	Bulgarye	Goodison Park, Liverpool Toeskouers: 48 000 Skeidsregter: Kurt Tschenscher (Wes-Duitsland)
	Pelé 15' Garrincha 63'	Verslag

13 Julie 1966 19:30
	Portugal	3–1	Hongarye	Old Trafford, Manchester Toeskouers: 37 000 Skeidsregter: Leo Callaghan (Wallis)
	José Augusto 1', 67' Torres 90'	Verslag	60' Bene

15 Julie 1966 19:30
	Hongarye	3–1	Brasilië	Goodison Park, Liverpool Toeskouers: 52 000 Skeidsregter: Ken Dagnall (Engeland)
	Bene 2' Farkas 64' Mészöly 73' (straf)	Verslag	14' Tostão

16 Julie 1966 15:00
	Portugal	3–0	Bulgarye	Old Trafford, Manchester Toeskouers: 26 000 Skeidsregter: José María Codesal (Uruguay)
	Wutsof 17' (e.d.) Eusébio 38' Torres 81'	Verslag

19 Julie 1966 19:30
	Portugal	3–1	Brasilië	Goodison Park, Liverpool Toeskouers: 62 000 Skeidsregter: George McCabe (Engeland)
	Simões 15' Eusébio 27', 85'	Verslag	70' Rildo

20 Julie 1966 19:30
	Hongarye	3–1	Bulgarye	Old Trafford, Manchester Toeskouers: 22 000 Skeidsregter: Roberto Goicoechea (Argentinië)
	Dawidof 43' (e.d.) Mészöly 45' Bene 54'	Verslag	15' Asparuhof

Groep 4

Land	Wed	Wen	Gel	Ver	DV	DT	+/–	Pte
Sowjetunie	3	3	0	0	6	1	+5	6
Noord-Korea	3	1	1	1	2	4	–2	3
Italië	3	1	0	2	2	2	±0	2
Chili	3	0	1	2	2	5	–3	1

12 Julie 1966 19:30
	Sowjetunie	3–0	Noord-Korea	Ayresome Park, Middlesbrough Toeskouers: 22 000 Skeidsregter: Juan Gardeazábal Garay (Spanje)
	Malofejew 31', 88' Banisjefskij 33'	Verslag

13 Julie 1966 19:30
	Italië	2–0	Chili	Roker Park, Sunderland Toeskouers: 30 000 Skeidsregter: Gottfried Dienst (Switserland)
	Mazzola 8' Barison 88'	Verslag

15 Julie 1966 19:30
	Chili	1–1	Noord-Korea	Ayresome Park, Middlesbrough Toeskouers: 16 000 Skeidsregter: Ali Kandil (Verenigde Arabiese Republiek)
	Marcos 26' (straf)	Verslag	88' Pak Seung-zin

16 Julie 1966 15:00
	Sowjetunie	1–0	Italië	Roker Park, Sunderland Toeskouers: 27 800 Skeidsregter: Rudolf Kreitlein (Wes-Duitsland)
	Tsjislenko 57'	Verslag

19 Julie 1966 19:30
	Noord-Korea	1–0	Italië	Ayresome Park, Middlesbrough Toeskouers: 18 000 Skeidsregter: Pierre Schwinte (Frankryk)
	Pak Doo-Ik 42'	Verslag

20 Julie 1966 19:30
	Sowjetunie	2–1	Chili	Roker Park, Sunderland Toeskouers: 22 000 Skeidsregter: John Adair (Noord-Ierland)
	Porkoejan 28', 85'	Verslag	32' Marcos

Uitklopfase

Die kwarteindstryd tussen Engeland en Argentinië

	Kwarteindrondte				Halfeindrondte				Eindstryd
	23 Julie – Londen
	Engeland	1
					26 Julie – Londen
	Argentinië	0
					Engeland	2
	23 Julie – Liverpool
					Portugal	1
	Portugal	5
									30 Julie – Londen
	Noord-Korea	3
									Engeland	4
	23 Julie – Sheffield
									Wes-Duitsland	2
	Wes-Duitsland	4
					25 Julie – Liverpool
	Uruguay	0
					Wes-Duitsland	2			Uitspeel om derde plek
	23 Julie – Sunderland
					Sowjetunie	1			28 Julie – Londen
	Sowjetunie	2
									Portugal	2
	Hongarye	1
									Sowjetunie	1

Kwarteindrondte

23 Julie 1966 15:00
	Portugal	5–3	Noord-Korea	Goodison Park, Liverpool Toeskouers: 51 780 Skeidsregter: Menachem Ashkenazi (Israel)
	Eusébio 27', 43' (straf), 56', 59' (straf) José Augusto 80'	Verslag	1' Pak Seung-zin 22' Li Dong-Woon 25' Yang Seung-Kook

23 Julie 1966 15:00
	Wes-Duitsland	4–0	Uruguay	Hillsborough Stadium, Sheffield Toeskouers: 34 000 Skeidsregter: Jim Finney (Engeland)
	Haller 11', 83' Beckenbauer 70' Seeler 75'	Verslag

23 Julie 1966 15:00
	Sowjetunie	2–1	Hongarye	Roker Park, Sunderland Toeskouers: 26 844 Skeidsregter: Juan Gardeazábal Garay (Spanje)
	Tsjislenko 5' Porkoejan 46'	Verslag	57' Bene

23 Julie 1966 15:00
	Engeland	1–0	Argentinië	Wembley-stadion, Londen Toeskouers: 90 000 Skeidsregter: Rudolf Kreitlein (Wes-Duitsland)
	Hurst 78'	Verslag

Halfeindrondte

25 Julie 1966 19:30
	Wes-Duitsland	2–1	Sowjetunie	Goodison Park, Liverpool Toeskouers: 38 300 Skeidsregter: Concetto Lo Bello (Italië)
	Haller 42' Beckenbauer 67'	Verslag	88' Porkoejan

26 Julie 1966 19:30
	Engeland	2–1	Portugal	Wembley-stadion, Londen Toeskouers: 95 000 Skeidsregter: Pierre Schwinte (Frankryk)
	B. Charlton 30', 80'	Verslag	82' (straf) Eusébio

Klein finale (om die derde plek)

28 Julie 1966 19:30
	Portugal	2–1	Sowjetunie	Wembley-stadion, Londen Toeskouers: 88 000 Skeidsregter: Ken Dagnall (Engeland)
	Eusébio 12' (straf) Torres 89'	Verslag	43' Malofejew

Eindstryd

30 Julie 1966 15:00
	Engeland	4–2 (e.t.)	Wes-Duitsland	Wembley-stadion, Londen Toeskouers: 98 000 Skeidsregter: Gottfried Dienst (Switserland)
	Hurst 18', 101', 120' Peters 78'	Verslag	12' Haller 89' Weber

Sokkerwêreldkampioen 1966
Engeland

FIFA se terugwerkende ranglys

In 1986 het FIFA ’n verslag gepubliseer waarin al die deelnemende spanne van elke Sokker-Wêreldbekertoernooi insluitende die destydse FIFA Sokker-Wêreldbekertoernooi in 1986 geranglys is volgens vordering in die toernooi, algehele resultate en kwaliteit van die meedinger. Die ranglys vir die 1966-toernooi is soos gevolg:

Deelnemende spanne volgens ranglys:

   Kampioen

   Tweede plek

   Derde plek

   Vierde plek

   Kwarteindrondte

   Groepfase

   Geen deelname

     Gasheerland Engeland

Koningin Elizabeth II oorhandig die Jules Rimet-trofee van die FIFA Sokker-Wêreldbekertoernooi in 1966 aan die Engelse kaptein Bobby Moore

Rang	Span	Groep	Wed	Wen	Gel	Ver	DV	DT	+/–	Pte
1	Engeland	1	6	5	1	0	11	3	+8	11
2	Wes-Duitsland	2	6	4	1	1	15	6	+9	9
3	Portugal	3	6	5	0	1	17	8	+9	10
4	Sowjetunie	4	6	4	0	2	10	6	+4	8
In die kwarteindrondte uitgeskakel
5	Argentinië	2	4	2	1	1	4	2	+2	5
6	Hongarye	3	4	2	0	2	8	7	+1	4
7	Uruguay	1	4	1	2	1	2	5	−3	4
8	Noord-Korea	4	4	1	1	2	5	9	−4	3
In die groepfase uitgeskakel
9	Italië	4	3	1	0	2	2	2	±0	2
10	Spanje	2	3	1	0	2	4	5	−1	2
11	Brasilië	3	3	1	0	2	4	6	−2	2
12	Meksiko	1	3	0	2	1	1	3	−2	2
13	Chili	4	3	0	1	2	2	5	−3	1
	Frankryk	1	3	0	1	2	2	5	−3	1
15	Bulgarye	3	3	0	0	3	1	8	−7	0
16	Switserland	2	3	0	0	3	1	9	−8	0

Meeste doele aangeteken

Meeste doele aangeteken:

Rang Speler Doele 1 Eusébio 9 2 Helmut Haller 6 3 Franz Beckenbauer 4 Ferenc Bene 4 Geoff Hurst 4 Walerij Porkoejan 4 7 Luis Artime 3 Eduard Malofejef 3 José Augusto 3 Jose Torres 3 Bobby Charlton 3 Roger Hunt 3

Rang Speler Doele 13 Rubén Marcos 2 Igor Tsjislenko 2 Pak Seung-zin 2 Kálmán Mészöly 2 Uwe Seeler 2 18 Lothar Emmerich 1 Sigfried Held 1 Wolfgang Weber 1 René-Pierre Quentin 1

Eusébio

Verdere leesstof

• (en) Clemente Angelo Lisi (2007). A history of the World Cup: 1930–2006. Lanham, Maryland: Scarecrow Press. ISBN 0-8108-5905-X. Besoek op 14 Julie 2018.

Eksterne skakels

• (en) fifa.com: England 1966: Football returns home
• (en) worldcup-history.com: England, 1966
• (en) rsssf.com: World Cup 1966