Bahrein

in Wikipedia, die vrye ensiklopedie
Koninkryk Bahrein
مملكة البحرين (Arabies)
Mamlakat al-Baḥrayn
Vlag van Bahrein Embleem van Bahrein
Vlag Embleem
Volkslied: نشيد البحرين الوطني
Bahrainona
(Arabies vir: "Ons Bahrein")
Ligging van Bahrein
Hoofstad Manama

26°13′N 50°35′O / 26.217°N 50.583°O / 26.217; 50.583

Grootste stad Manama
Amptelike tale Arabies
Regering

Monarg
• Kroonprins
Eerste minister
Unitêre parlementêre
grondwetlike monargie
Hamad bin Isa Al Khalifa
Salman Bin Hamad Al Khalifa
Salman Bin Hamad Al Khalifa
Onafhanklikheid
• Verklaar
• Erken
• Koninkryk Bahrein
van die Verenigde Koninkryk
14 Augustus 1971[1]
15 Augustus 1971[2]
14 Februarie 2002
Oppervlakte
 - Totaal
 
 - Water (%)
 
780 km2  (172ste)
300 myl2
feitlik niks
Bevolking
 - 2018-skatting
 - 2010-sensus
 - Digtheid
 
1 569 446[3][4] (149ste)
1 234 571[5]
1 831,1 / km2 (4de)
4 742,5 / myl2
BBP (KKP)
 - Totaal
 - Per capita
2020-skatting

$74,245 miljard[6] (94ste)
$49 058[6] (19de)

BBP (nominaal)
 - Totaal
 - Per capita
2020-skatting

$34,624 miljard[6] (91ste)
$22 878[6] (33ste)

MOI (2018) 0,838[7] (45ste)  –  baie hoog
Geldeenheid Dinar (BHD)
Tydsone
 - Somertyd
AST (UTC+03:00)
nie toegepas nie (UTC+03:00)
Internet-TLD .bh
Skakelkode +973

Bahrein (Arabies: البحرين, al-Baḥrayn, [aɫ baħrajn], letterlik: "die twee mere"), amptelik die Koninkryk Bahrein (مملكة البحرين, Mamlakat al-Baḥrayn, , letterlik: "Koninkryk van die twee mere"), is 'n eilandstaat in die Midde-Ooste en Wes-Asië. Die land bestaan uit 33 eilandjies in die Persiese Golf, hier "Arabiese Golf" genoem. Dit lê noordoos van Saoedi-Arabië, wes van Katar en suidwes van Iran. Bahrein beslaan 'n oppervlakte van 780 km² en het 'n bevolking van 1 569 446 in 2018 gehad. Die hoofstad en grootste stad is Manama, met die Bahrein Wêreldhandelsentrum. Bahrein is die derde kleinste nasie van Asië volgens oppervlakte na die Maledive en Singapoer. Die amptelike taal is Arabies en van die belangrikste etniese groepe sluit in Arabiere en Bedoeïene. Bahrein beskik oor 'n groot aantal immigrante wat sowat 48% van die land se bevolking vorm.[2]

Nasa-Satellietbeeld van Bahrein
Kaart van Bahrein
Manama, Bahrein se hoofstad

Bahrein was sedert die oudheid vir sy Pêrelduikers bekend en was onder die gesag van die Christelike Lachmiede. Dit het in 628 een van die eerste nasies geword wat Islam aanvaar het. Na 'n tydperk van Arabiese heerskap is Bahrein in 1521 deur Portugal beset, wat reeds in 1602 deur Sjah Abbas I van die Safawidiese Ryk onder die Persiese Ryk verdryf is. In 1783 het die Bani Utbah-klan Bahrein van Nasr Al-Madhkur verower en is sedertdien onder die gesag van die koninklike familie Al Khalifa, met Ahmed al Fateh as Bahrein se eerste hakim.

In die laat 1800's het Bahrein 'n Britse protektoraat geword. Ruolie is in 1932 in Bahrein ontdek, wat die land welvarend gemaak het. Die land se demokratiese rekord is egter wisselvallig. In 1971 het Bahrein sy onafhanklikheid van die Verenigde Koninkryk verklaar en het in 2002 'n koninkryk geword. Tydens die Arabiese Lente van 2011 in Noord-Afrika het die land onder populêre verset gebuk gegaan.[8] Bahrein se binnelandse beleid word deur die konflik tussen die toonaangewende Soennitiese minderheid en die Sjiitiese meerderheid van die bevolking oorheers. Terwyl Saoedi-Arabië die Bahreinse regering ondersteun het, die Sjiitiese opstand te onderdruk, word die Sjiiete deur Iran ondersteun.

Bahrein beskik oor 'n hoë Menslike-ontwikkelingsindeks en word deur die Wêreldbank as 'n hoë-inkomste ekonomie beskou. Bahrein is 'n lidland van die Verenigde Nasies, Beweging van Onverbonde Lande, Arabiese Liga, Organisasie van Islamitiese Samewerking en die Samewerkingsraad van die Arabiese Golflande. Bahrein huisves sedert 2004 die Formule Een se Bahreinse Grand Prix op die Bahrein Internasionale Renbaan in Sakhir.

Nedersettings[wysig | wysig bron]

Die grootste stede in Bahrein is:

  1. Manama – 154 700
  2. Riffa – 111 000
  3. Muharraq – 98 800
  4. Hamad Town – 57 000
  5. A'ali – 51 400
  6. Isa Town- 39 800
  7. Sitra – 37 100
  8. Budaiya – 33 200
  9. Jidhafs – 32 600
  10. Al-Malikiyah – 14 800
  11. Adliya

Ander plekke sluit in: Awali, Diraz, Hidd, Sar en Bani Jamrah.

Verwysings[wysig | wysig bron]

  1. (en) "Bahrain ends special pact". The Straits Times. 15 Augustus 1971. Geargiveer vanaf die oorspronklike op 22 Junie 2019. Besoek op 4 Februarie 2019.
  2. 2,0 2,1 (en) "Bahrain". Central Intelligence Agency. Geargiveer vanaf die oorspronklike op 24 April 2020. Besoek op 12 September 2020.
  3. (en) "World Population prospects – Population division". Verenigde Nasies se Departement van Ekonomiese en Maatskaplike Sake, Bevolkingsafdeling. Verenigde Nasies. Geargiveer vanaf die oorspronklike op 28 April 2020. Besoek op 12 November 2020.
  4. (en) "Overall total population – World Population Prospects: The 2019 Revision" (xslx). Verenigde Nasies se Departement van Ekonomiese en Maatskaplike Sake, Bevolkingsafdeling (custom data acquired via website). Verenigde Nasies. Geargiveer vanaf die oorspronklike op 18 Februarie 2020. Besoek op 12 November 2020.
  5. (en) "Bahraini Census 2010 – تعداد السكــان العام للبحريــن 2010". Regering van Bahrein. Geargiveer vanaf die oorspronklike op 20 Maart 2012. Besoek op 31 Januarie 2012.
  6. 6,0 6,1 6,2 6,3 (en) "Bahrain". Internasionale Monetêre Fonds. Oktober 2020. Besoek op 12 November 2020.
  7. (en) "2019 Human Development Index Ranking". United Nations Development Programme. 2019. Geargiveer vanaf die oorspronklike op 30 April 2020. Besoek op 12 November 2020.
  8. HAT Taal-en-feitegids, Pearson, Desember 2013, ISBN 978-1-77578-243-8

Bronnelys[wysig | wysig bron]

Algemeen

Eksterne skakels[wysig | wysig bron]