Noord-Korea


(Vlag)	(Landswapen)

Nasionale leuse: 강성대국 (Afrikaans: Voorspoedige en Groot Land)

Amptelike taal

Koreaans

Hoofstad

Pjongjang
39°0′N 125°30′O

Grootste stad

Pjongjang

Regering

- President (de jure)
- Voorsitter van die OVV ¹
- Voorsitter van die NVK²
- Voorsitter van die Raad van Ministers

Kommunistiese eenpartystaat
Kim Il-sung († 8 Julie 1994)
Kim Yongnam
Kim Jong-Il († 17 November 2011)
Choe Yong-rim

Onafhanklikheid
- Bevryding
- Republiekwording 15 Augustus 1945
9 September 1948

Oppervlakte
- Totaal
- Water (%) 2 766 890 km² (98ste)
4,87%

Bevolking
- Soos op 2005 skatting
- Soos op 2005 sensus
- Digtheid 22 000 000 (48ste)
NVT
190/km² (41ste)

BBP (PPP)
- Soos op 2005 (Beraming) totaal
- Per capita VSA $40 000 000 000 (85ste)
VSA $1 800 (149ste)

Geldeenheid Noord-Koreaanse Won (KPW)

Tydsone
- Somertyd ART (UTC+9)
Geen (UTC+10)

Volkslied

Aegukka

Internet TLD .kp (Nie in gebruik. Gereserveer)

Skakelkode ++850

¹ OVV: Opperste Volksvergadering
² NVK: Noord-Koreaanse Verdedigingskommissie

Juche Toring, Pjongjang

Kaart van Noord-Korea

Noord-Korea staan amptelik bekend as die Demokratiese Volksrepubliek van Korea en is in Oos-Asië geleë, in die noordelike helfte van die Koreaanse Skiereiland. Noord-Korea is een van die laaste kommunistiese state in die wêreld en staan bekend vir sy geharde Stalinistiese regering.

Aan die suide grens Noord-Korea aan Suid-Korea. Die twee lande wat tot 1946 verenig was, word 248 kilometer lange 'gedemilitariseerde' sone verdeel. Aan die noorde grens Noord-Korea met die Volksrepubliek van Sjina en Rusland.

Die Koreaanse Werkersparty is in beheer en meer as 80% van regeringsamptenary behoort aan dié party. Die staat word deur 'n ideologie gedryf wat bekend staan as Juche. 'n Ideologie wat die selfvoorsiening van die volk nastreef en die volk as die subjek en meester van die sosiale rewolusie beskou. Mag is gesetel in die leierskap van die Koreaanse Werkersparty. Die leier van Noord-Korea is Kim Jong-Il wat op sy beurt ook die leier van die Koreaanse Werkersparty en die weermag is. Kim Jong-Il wat in Noord-Korea tot 'n kultusfiguur verhef is, het sy vader, Kim Il-sung, na sy dood in 1994 opgevolg. Ná die oorlede van Kim Il-sung is hy deur sy seun Kim Jong-un opgevolg.

Die Juche-ideologie is grootste dryfkrag na Noord-Korea se isolasie in die wêreld vandag. Die ekonomie het gestagneer deur die loop van die negentigerjare en het voedseltekorte in dele van die land teweeggebring. Noord-Korea is ook berug vir menseregteskendings wat spraakvryheid en bewegingsvryheid geweldig inperk.

Noord-Korea se internasionale verhoudinge is wankelrig. Reeds sedert die Koreaanse Oorlog is dié land se verhouding met sy bure gespanne. Noord-Korea is tegnies gesproke nog in 'n oorlog met Suid-Korea gewikkel. In die sewentiger- en tagtigerjare was Noord-Korea betrokke by die ontvoering van Japannese en Suid-Koreaanse burgers.