Bahamas

in Wikipedia, die vrye ensiklopedie
(Aangestuur vanaf Bahama-eilande)
Jump to navigation Jump to search
Commonwealth of the Bahamas
Gemenebes die Bahamas
Vlag van die Bahamas Wapen van die Bahamas
Vlag Wapen
Nasionale leuse: Forward, Upward, Onward, Together
(Engels vir: "Voorwaarts, opwaarts, verder, tesame")
Volkslied: March On, Bahamaland
(Engels vir: "Vorentoe, Bahamaland")

Koninklike volkslied: God Save the Queen
(Engels vir: "God beskerm die koningin")
Ligging van die Bahamas
Hoofstad Nassau

25°4′N 77°20′W / 25.067°N 77.333°W / 25.067; -77.333

Grootste stad Nassau
Amptelike tale Engels
Regering

Monarg
• Goewerneur-generaal
Eerste minister
Unitêre parlementêre
grondwetlike monargie[1][2]
Elizabeth II
Cornelius A. Smith
Hubert Minnis
Onafhanklikheid
10 Julie 1973[3]
Oppervlakte
 - Totaal
 
 - Water (%)
 
13 878 km2  (160ste)
5 358 myl2
28
Bevolking
 - 2016-skatting
 - 2010-sensus
 - Digtheid
 
391 232[4] (177ste)
351 461
25,21 / km2 (181ste)
65,3 / myl2
BBP (KKP)
 - Totaal
 - Per capita
2019-skatting

$13,106 miljard[5] (148ste)
$34 421[5] (40ste)

BBP (nominaal)
 - Totaal
 - Per capita
2019-skatting

$13,262 miljard[5] (148ste)
$34 831[5] (26ste)

MOI (2017) Green Arrow Up Darker.svg 0,807[6] (54ste)  –  hoog
Gini (2001) 57[7] –  hoog
Geldeenheid Dollara (BSD)
Tydsone
 - Somertyd
OTS (UTC-5)
ODS (UTC-4)
Internet-TLD .bs
Skakelkode +1-242
a. Die Amerikaanse dollar word algemeen aanvaar.

Die Bahamas (Engels: The Bahamas, [bəˈhɑːməz], ), amptelik die Gemenebes die Bahamas (Commonwealth of the Bahamas), is 'n eilandnasie in die Noord-Atlantiese Oseaan. Die land sluit bykans 3 000 eilandjies in en bestaan uit lang, lae koraalformasies en lae heuwels.[8] Die Bahamas-eilande is oos van Florida, noordoos van Kuba, noordwes van die Turks- en Caicoseilande en Hispaniola, en suidwes van Bermuda geleë. Die hoofstad en grootste stad is Nassau. Dit het 'n oppervlakte van 13 878 km² en het 'n bevolking van 391 232 in 2016 gehad. Die Bahamas is naas Kuba, die Dominikaanse Republiek en Haïti die vierde grootste eilandnasie van die streek.[9] Danksy die plek se mooi strande en warm weer is dit 'n gewilde toeristebestemming.[8]

Nasa-Satellietbeeld van die Bahamas
Kaart van die Bahamas

Die naam van die Bahamas is óf van die Taino-word ba ha ma ("groot boonste middelland") wat deur die inheemse Indiane gebruik is, óf van die Spaanse baja mar ("vlak water of see" of "laagwater") vir die vlak water van die gebied, afgelei. Die Bahamas is net een van twee lande waarvan die algemene Engelse naam met 'n lidwoord begin, die ander is Gambië (The Gambia).[10]

Christophorus Columbus het die Nuwe Wêreld in 1492 vir die eerste keer betree en die Bahamas vir Europa ontdek, maar dit het nooit 'n Spaanse kolonie geword nie. In 1648 is dié eilandgroep deur Engelse koloniste bevolk en het in 1718 'n Britse kronkolonie geword. Na die Amerikaanse Rewolusionêre Oorlog het die kroon duisende Amerikaanse lojaliste op die eilandgroep gevestig waar hul slawe saamgebring het. In 1834 is slawerny amptelik afgeskaf. Vandag maak die nasate van slawe en vrye-Afrikane byna 90% van die Bahamas se bevolking uit. Op 10 Julie 1973 het die Bahamas van die Verenigde Koninkryk onafhanklik geword.

Die Bahamas is 'n grondwetlike monargie binne die Britse Statebond en Elizabeth II van die Verenigde Koninkryk is die staatshoof van dié land. Volgens die bruto binnelandse produk per kapita is die Bahamas een van die rykste lande van die Amerikas (naas Kanada en die Verenigde State). Die ekonomie is veral op toerisme en finansiële dienste gebaseer.[11]

Krieket is die gewildste sportsoort en is in 1973 as nasionale sport van die Bahamas gelys.[12] Die Bahamas vorm nie deel van die Wes-Indiese Krieketraad nie en vervolgens kan krieketspelers van dié eilandnasie nie vir die Wes-Indiese nasionale krieketspan uitdraf nie.

Verwysings[wysig | wysig bron]

  1. (en) "•GENERAL SITUATION AND TRENDS". Pan American Health Organization. 
  2. (en) "Mission to Long Island in the Bahamas". Evangelical Association of the Caribbean. 
  3. (en) "1973: Bahamas' sun sets on British Empire". BBC News. 9 Julie 1973. Besoek op 27 Junie 2019. 
  4. (en) "World Population Prospects: The 2017 Revision". ESA.UN.org (custom data acquired via website). United Nations Department of Economic and Social Affairs, Population Division. Besoek op 27 Junie 2019. 
  5. 5,0 5,1 5,2 5,3 (en) "Bahamas". Internasionale Monetêre Fonds. April 2019. Besoek op 27 Junie 2019. 
  6. (en) "2018 Human Development Report" (PDF). United Nations Development Programme. 2018. Besoek op 27 Junie 2019. 
  7. (en) "Bahamas Living Conditions Survey 2001" (PDF). Department of Statistics. Besoek op 27 Junie 2019. 
  8. 8,0 8,1 HAT Taal-en-feitegids, Pearson, Desember 2013, ISBN 978-1-77578-243-8
  9. (en) "Top 5 Largest Countries in the Caribbean". Aneki.com. Besoek op 27 Junie 2019. 
  10. (en) Geoghegan, Tom (7 Junie 2012). "Ukraine or the Ukraine: Why do some country names have 'the'?". BBC. Besoek op 27 Junie 2019. 
  11. (en) "Country Comparison :: GDP – per capita (PPP)". CIA World Factbook. Central Intelligence Agency. Besoek op 27 Junie 2019. 
  12. (en) Craton, Michael; Gail Saunders (1998). Islanders in the Stream: A History of the Bahamian People. University of Georgia Press. p. 471. ISBN 978-0-8203-2284-1. 

Eksterne skakels[wysig | wysig bron]