Willem Faber

in Wikipedia, die vrye ensiklopedie
Jump to navigation Jump to search
Willem Faber
Willem Faber
Faber in Mei 2009

Ampsbekleër
Termynaanvang
22 Mei 2019

Afgevaardigde van die Nasionale Raad van Provinsies
Ampstermyn
6 Mei 2009 – 7 Mei 2019

Persoonlike besonderhede
Gebore Willem Frederik Faber
Nasionaliteit Suid-Afrikaner
Politieke party Demokratiese Alliansie

Willem Frederik Faber is 'n Suid-Afrikaanse sakeman en politikus wat sedert Mei 2019 as 'n lid van die Nasionale Vergadering van Suid-Afrika dien. Hy was 'n afgevaardigde van die Nasionale Raad van Provinsies tussen Mei 2009 en Mei 2019. Faber is 'n lid van die Demokratiese Alliansie (DA).

Loopbaan[wysig | wysig bron]

Faber het by die Demokratiese Alliansie aangesluit en was vir sewe jaar lank 'n raadslid van die Sol Plaatje Plaaslike Munisipaliteit. Die munsipaliteit is rondom Kimberley, die Noord-Kaapse hoofstad, gesentreer.[1]

Van 2004 tot 2009 het Faber vir die maatskappy Protech gewerk. In Mei 2009 is hy as 'n afgevaardigde van die Nasionale Raad van Provinsies aangewys. Sy kiesafdeling was die Noord-Kaap. Hy is in 2014 tot 'n tweede termyn herkies.

Faber is in Mei 2019 tot die laerhuis, die Nasionale Vergadering, verkies nadat hy tweede op die DA se nasionale lys geplaas is. Hy is as 'n sweep in die wetgewer verkies. Vanaf Junie 2019 dien hy as 'n plaasvervangende lid van die portefeuljekomitee vir sport, kuns en kultuur.[1]

Persoonlike lewe[wysig | wysig bron]

Faber is woonagtig in Warrenton, Noord-Kaap.[1]

Verwysings[wysig | wysig bron]

  1. 1,0 1,1 1,2 "Mr Willem Frederik Faber". Parliament of South Africa. Geargiveer vanaf die oorspronklike op 11 April 2020. Besoek op 30 May 2020.

Eksterne skakels[wysig | wysig bron]