Willem Faber
| Willem Faber | |
 Faber in Mei 2009 | |
Lid van die Nasionale Vergadering van Suid-Afrika
| |
| Ampsbekleër | |
| Termynaanvang 22 Mei 2019 | |
Afgevaardigde van die Nasionale Raad van Provinsies
| |
|---|---|
| Ampstermyn 6 Mei 2009 – 7 Mei 2019 | |
Persoonlike besonderhede
| |
| Gebore | Willem Frederik Faber 15 Februarie 1968 |
| Nasionaliteit | Suid-Afrikaner |
| Politieke party | Demokratiese Alliansie |
Willem Frederik Faber (gebore 15 Februarie 1968) is 'n Suid-Afrikaanse sakeman en politikus wat sedert Mei 2019 as 'n lid van die Nasionale Vergadering van Suid-Afrika dien. Hy was 'n afgevaardigde van die Nasionale Raad van Provinsies tussen Mei 2009 en Mei 2019. Faber is 'n lid van die Demokratiese Alliansie (DA).
Loopbaan
[wysig | wysig bron]Faber het by die Demokratiese Alliansie aangesluit en was vir sewe jaar lank 'n raadslid van die Sol Plaatje Plaaslike Munisipaliteit. Die munsipaliteit is in en rondom Kimberley, die Noord-Kaapse hoofstad, gesentreer.[1]
Van 2004 tot 2009 het Faber vir die maatskappy Protech gewerk. In Mei 2009 is hy as 'n afgevaardigde van die Nasionale Raad van Provinsies aangewys. Sy kiesafdeling was die Noord-Kaap. Hy is in 2014 tot 'n tweede termyn herkies.
Faber is in Mei 2019 tot die laerhuis, die Nasionale Vergadering, verkies nadat hy tweede op die DA se nasionale lys geplaas is. Hy is as 'n sweep in die wetgewer verkies. Vanaf Junie 2019 dien hy as 'n plaasvervangende lid van die portefeuljekomitee vir sport, kuns en kultuur.[1]
Persoonlike lewe
[wysig | wysig bron]Faber is woonagtig te Warrenton in die Noord-Kaap.[1]
Verwysings
[wysig | wysig bron]- ↑ 1,0 1,1 1,2 "Mr Willem Frederik Faber". Parliament of South Africa. Geargiveer vanaf die oorspronklike op 11 April 2020. Besoek op 30 Mei 2020.
Eksterne skakels
[wysig | wysig bron] |
Wikimedia Commons bevat media in verband met Willem Faber. |
Hierdie artikel is in sy geheel of gedeeltelik uit die Engelse Wikipedia vertaal.- Mnr Willem Frederik Faber - Volksvergadering
