Filipe Nyusi
| Filipe Nyusi | |
_(cropped).jpg) Filipe Nyusi in 2023 | |
4de President van Mosambiek
| |
| Ampstermyn 15 Januarie 2015 – 15 Januarie 2025 | |
| Eerste minister | Alberto Vaquina Carlos Agostinho do Rosário Adriano Maleiane |
|---|---|
| Voorafgegaan deur | Armando Guebuza |
| Opgevolg deur | Daniel Chapo |
Voorsitter van die Suider-Afrikaanse Ontwikkelingsgemeenskap
| |
| Ampstermyn 17 Augustus 2020 – 17 Augustus 2021 | |
| Voorafgegaan deur | John Magufuli |
| Opgevolg deur | Lazarus Chakwera |
Minister van Nasionale Verdediging
| |
| Ampstermyn 27 Maart 2008 – 14 Maart 2014 | |
| Voorafgegaan deur | Tobias Joaquim Dai |
| Opgevolg deur | Agostinho Mondlane |
Persoonlike besonderhede
| |
| Gebore | Filipe Jacinto Nyusi 19 Februarie 1959 Mueda, Portugees-Mosambiek (nou Mosambiek) |
| Politieke party | FRELIMO |
| Eggenoot/-note | Isaura Nyusi |
| Kind(ers) | 4 |
| Alma mater | Antonín Zápotocký Militêre Akademie |
Filipe Jacinto Nyusi (Portugees: [fiˈlipɨ ʒɐˈsĩtu ˈɲusi], gebore 9 Februarie 1959), ook gespel Nyussi, is 'n Mosambiekse politikus wat van 2015 tot 2025 as die vierde president van Mosambiek gedien het. Hy was voorheen van 2008 tot 2014 Minister van Verdediging. Nyusi is die leier van Frelimo, die regerende party van Mosambiek sedert onafhanklikheid in 1975.
Biografie
[wysig | wysig bron]Nyusi is in 1959 in Namau in die Mueda-distrik van die Cabo Delgado-provinsie gebore. Albei sy ouers was veterane van die bevrydingsbeweging Frelimo. Aan die begin van die Mosambiekse Vryheidsoorlog is hy oor die Ruvuma-rivier na die naburige Tanzanië geneem, waar hy by die Frelimo-skool in Tunduru opgevoed is. Hy het sy sekondêre opleiding by die Frelimo-skool in Mariri in Cabo Delgado en by Samora Machel Sekondêre Skool in Beira ontvang.[1]
Op die ouderdom van 14 in 1973 het hy by Frelimo aangesluit. Hy het daarna politieke en militêre opleiding in Nachingwea in Tanzanië ontvang.[2] In 1990 het hy sy graad in meganiese ingenieurswese aan die Antonín Zápotocký Militêre Akademie (VAAZ) in Brno, Tsjeggo-Slowakye, nou Tsjeggië se Universiteit van Verdediging, voltooi.[3]
Voor sy aanstelling in die kabinet deur president Armando Guebuza het Nyusi vir die staatsbeheerde Mosambiekse Hawe- en Spoorwegowerheid (CFM) gewerk. Hy het in 1995 die uitvoerende direkteur van CFM-Norte, die noordelike afdeling van die maatskappy, geword.[4][5] Nyusi het in 2007 by die maatskappy se bestuur aangesluit.[6]
Van 1993 tot 2002 het Nyusi as die president van Clube Ferroviário de Nampula,[7] 'n top-afdeling sokkerklub gebaseer in Nampula gedien. Hy is ook 'n dosent by die Nampula-kampus van die Universidade Pedagógica, 'n genoot van die Africa Leadership Initiative, en 'n lid van die Nasionale Komitee van Vegters van die Nasionale Bevrydingstryd (Portugees: Comité Nacional dos Combatentes da Luta de Libertação Nacional).[8] Hy het verdere opleiding in bestuur in Indië, Suid-Afrika, Eswatini en die Verenigde State ontvang.[9]
Politieke loopbaan
[wysig | wysig bron]Op 27 Maart 2008 het Nyusi as Minister van Verdediging by Tobias Joaquim Dai oorgeneem.[10]
Tydens die party se 10de kongres in September 2012 is Nyusi tot die Sentrale Komitee van FRELIMO verkies.[11]
President van Mosambiek
[wysig | wysig bron]Nyusi is in Oktober 2014 tot president van Mosambiek verkies. Hy is in Oktober 2019 herverkies.[12]
Op 25 September 2022 is Nyusi onbestrede as leier van Frelimo herverkies.[13]
Verwysings
[wysig | wysig bron]- ↑ (en) "Filipe Nyussi elected Frelimo presidential candidate". Mozambique News Agency. 10 Maart 2014. Geargiveer vanaf die oorspronklike op 10 Augustus 2014. Besoek op 16 Oktober 2014.
- ↑ (en) "Backgrounder: Mozambique's three presidential candidates". Xinhuanet. 15 Oktober 2014. Geargiveer vanaf die oorspronklike op 3 Maart 2016. Besoek op 16 Oktober 2014.
- ↑ (en) "Filipe Nyusi". Geargiveer vanaf die oorspronklike op 12 Oktober 2019. Besoek op 12 Oktober 2019.
- ↑ (en) "Mozambique; Train Crash Caused By Negligence". Allafrica. 5 Oktober 2002.
- ↑ (en) "Mozambique". Africa South of the Sahara (33). (2003). Europa Publications. 741–68. ISBN 978-1-85743-183-4. URL besoek op 18 April 2008.
- ↑ (en) "Mozambique: Guebuza Sacks Defence Minister". Allafrica. 26 Maart 2008. Geargiveer vanaf die oorspronklike op 2 Oktober 2012. Besoek op 18 April 2008.
- ↑ (en) "List of Fellows". Africa Leadership Initiative. TechnoServe. Geargiveer vanaf die oorspronklike op 2 April 2008. Besoek op 20 April 2008.
- ↑ (pt) "Filipe Nyussi toma hoje posse como Ministro da Defesa". Imensis. 26 Maart 2008. Geargiveer vanaf die oorspronklike op 22 Julie 2011. Besoek op 20 April 2008.
- ↑ (en) "Filipe Nyussi". The Indian Ocean Newsletter. 29 Maart 2008.
- ↑ (en) "Mozambique: New Ministers Sworn in". Allafrica. 27 Maart 2008. Geargiveer vanaf die oorspronklike op 2 Oktober 2012. Besoek op 18 April 2008.
- ↑ (en) "Filipe Nyussi elected Frelimo candidate" Geargiveer 8 Maart 2014 op Wayback Machine, Mozambique Information Agency, 2 Maart 2014.
- ↑ (en) Mozambique: Nyusi re-elected in landslide win. DW (27 November 2019). URL besoek op 19 Desember 2023.
- ↑ (en) Mozambique’s Nyusi Re-elected as Leader of Ruling Party. Bloomberg (25 September 2022). URL besoek op 18 Desember 2023.
Eksterne skakels
[wysig | wysig bron]
Wikimedia Commons het meer media in die kategorie Filipe Nyusi.
| Hierdie artikel is in sy geheel of gedeeltelik vanuit die Engelse Wikipedia vertaal. |
