Sachalin

Sachalin-eiland

Die ligging van Sachalin-eiland in Rusland

Sachalin (Russies: Сахалин; Japannees: 樺太, Karafoeto) is ’n groot eiland in die noordelike Stille Oseaan. Dit is Rusland se grootste eiland en deel van die federale deelgebied Sachalin-oblast.

Die eiland, wat omtrent ’n vyfde van Japan se grootte is, is in die Russiese Verre-Ooste geleë, aan die ooskus van Rusland en net noord van Japan. Dit het ’n oppervlakte van 72  492 km² en het 580 000 bewoners. Die grootste stad is die hoofstad van die oblast, Joezjno-Sachalinsk.

Rusland en Japan het albei in die loop van die 19de en 20ste eeu aanspraak op die eiland gemaak en dit was die rede vir bitter struwelinge tussen die twee lande. Japan het die suidelike deel van die eiland van 1905 tot 1945 beheer.

Verdere leesstof

• ’n Reis na Sachalin (1895), deur Anton Tsjechof

Eksterne skakels

• The Sakhalin Times Engelse weekblad
• Sachalin-streeksmuseum
• Foto's van Sachalin by Panoramio.com

• Wikimedia Commons het meer media verwant aan: Sachalin

• Hierdie artikel is vertaal uit die Engelse Wikipedia