Gebruikerbespreking:Naudefj

Onaktiewe periode

Ek is lank reeds nie meer hier betrokke nie. Verwyder asb. die blad.

Wil jou eerder nooi om weer betrokke te raak, want jou bydraes van die verlede word waardeer. Dis algemeen om 'n vakansie te neem van wikipedia. Jy sit net 'n sjabloon op wat aantoon dat jy vir 'n tyd onaktief sal wees, en wanneer jy weer die energie en tyd het skakel jy weer in. JMK (kontak) 11:19, 24 Oktober 2010 (UTC)

Ek waardeer die uitnodiging. Ongelukkig is die webruimte nie groot genoeg vir my en een van julle sogenaamde "administrateurs" nie. Sterkte vorentoe.

Solank jy net weet daar is niks wat jou keer om terug te keer nie. Wikipedia kan 'n lekker stokperdjie wees en dis jammer as dit vir iemand versuur is. — Adriaan (Bespreking • Bydraes) 22:17, 1 November 2010 (UTC)

Rugbywêreldbeker 2011

Baie geluk! Hierdie artikel is as voorbladartikel aangewys Rugbywêreldbeker 2011, ’n artikel waarby jy ’n groot bydrae gelewer het, is deur ’n gebruiker as ’n spogartikel geïdentifiseer en deur die gemeenskap tot voorbladartikel verkies. Dankie vir jou bydrae. Sien gerus Wikipedia:Voorbladartikel vir ons versameling spogartikels, of nomineer self ’n artikel vir voorbladstatus by Wikipedia:Kandidaatartikels vir voorblad.

Baie dankie vir die goeie artikel en groete, -- JCIV (Besprekings | Bydraes) 19:34, 2 Oktober 2011 (UTC)

Dankie, maar dis nou nie nodig om my so hier te ontbloot nie. Beteken anonimiteit dan nou niks hier nie? Groete. Ekke

Sorry, ek het dit nie geweet nie, maar dit was voor my aktiefe tyd hier. Hierdie verwysing maak ek vir elke gebruiker met nuwe voorbladartikel. Groete, -- JCIV (Besprekings | Bydraes) 19:51, 2 Oktober 2011 (UTC)

Wederom welkom

Naudefj, "welkom tuis" by jou ou gebruikersnaam! dankie ook vir al jou werk en hulp, jy maak my dag (en naweek)! Aliwal2012 (kontak) 17:34, 12 Januarie 2013 (UTC)

Dankie Aliwal2012. Hoekom het ek 'n gevoel ek gaan dit nog berou. Elke geval, ons kyk maar hoe dit gaan. Groete. Frank (kontak) 18:30, 12 Januarie 2013 (UTC)

Yay! Welkom terug Naudefj, ons het jou gemis :) Groete :) Bezuidenhout (kontak) 17:39, 13 Januarie 2013 (UTC)

Dankie Ben! Bly om te sien jy is nog hier betrokke. Groete. Frank (kontak) 17:54, 13 Januarie 2013 (UTC)

Lys van voëls

Anoniem, hou met praat; ons kort 'n Lys van Wetenskaplik name vir voëls. Hierdie voëlboek spring mos in my hand in....Oesjaar (kontak) 18:43, 12 Januarie 2013 (UTC)

Uitgevoer. Sien Lys van Suider-Afrikaanse voëls volgens wetenskaplike name. Ek het sommer al die voëls op die wiki gelys. Sommige kom nie in Suider-Afrika voor nie en ons sal hulle handmatig uit die lys moet verwyder. Ek hoop dis ten minste 'n goeie begin. Groete. Frank (kontak) 22:10, 12 Januarie 2013 (UTC)

Wat 'n verrassing en plesier! WOW! Geluk en dankie. Nou is Wiki voorwaar ryker! Is dit moontlik om die volgende met jou BOT by al die voëls te plaas:

== Sien ook ==

• Alfabetiese lys van Suid-Afrikaanse voëls
• Lys van Suider-Afrikaanse voëls volgens wetenskaplike name

Dan is die voëls amper op die visse se standaard. Groete. Oesjaar

Uitgevoer. Frank (kontak) 16:06, 13 Januarie 2013 (UTC)

So gesien! Dankie, hierdie naweek het ons Wiki inderdaad gegroei! Oesjaar

Ek nomineer 2 artikels vir saamsmelt

Suid-Afrikaanse Militêre Gesondheidsdiens en Suid-Afrikaanse Geneeskundige Diens is dieselfde entiteit, net in verskillende tydvakke (polities)!

Sal ek RAM vra om dit saam te smelt "merge"?

Dankie, Aliwal2012 (kontak) 11:29, 14 Januarie 2013 (UTC)

As ek jy is kopieer ek sommer die inligting oor. Die artikel wat verloor word dan 'n aanstuur. Laat weet as ek jou daarmee moet help. Frank (kontak) 11:50, 14 Januarie 2013 (UTC)

Uitgevoer Reggekry, "check" net my insette asb! Dankie, Aliwal2012 (kontak) 13:10, 14 Januarie 2013 (UTC)

ITIS

Anoniem, kyk asb na my opmerking oor ITIS. Die vismense hier in Durban (SAIAB) het my aanbeveel om hulle te gebruik. Is dit in orde so? Oesjaar

Weet nie waar jou opmerking is nie, maar ek sal bietjie gaan oplees oor ITIS. Groete. Frank (kontak) 06:36, 15 Januarie 2013 (UTC)

Vis, dom ek! Oesjaar

Twee mere in Namibië

Anoniem, waar kry ons inligting oor die Guinas- en Otjikotomere in Namibië? Oesjaar

Goeie vraag! Sal bietjie rondsoek.

en:Lake Guinas en en:Otjikoto Lake. Groete. Frank (kontak) 18:27, 15 Januarie 2013 (UTC)

Dankie!

DocDee (kontak) 20:21, 16 Januarie 2013 (UTC)

Elopomorpha

Anoniem, iets wat jy goed doen - 'n kort, kragtige opsomming uit die Ingelse Wiki oor bogenoemde asb? Oesjaar

Uitgevoer. Frank (kontak) 20:05, 18 Januarie 2013 (UTC)

Dankie!

Getypoele vs gety poele!

Anoniem, ek het die ou foutjie gemaak deur soms getypoele as twee woorde te skryf, kan jou Bot dit regmaak? Oesjaar

Uitgevoer. Frank (kontak) 20:22, 20 Januarie 2013 (UTC)

Dankie!

Dankie

Dankie, Rui Gabriel Correia (kontak) 16:01, 25 Januarie 2013 (UTC)

Groot plesier! Los nou die Engelse wiki en kom help ons bietjie om die Afrikaanse wiki uit te brei. Ons het die hulp meer nodig as hulle. Groete. Frank (kontak) 16:06, 25 Januarie 2013 (UTC)

Huxley en die Bot...

Anoniem, ek is klaar met die beenvisse se taxobokse. Die volgende groot werkie, eerstens 'n kort artikeltjie oor Huxley -dit bestaan in Engels - die persoon wat Osteichthyes beskryf het en dan moet jou bot sy naam in elke beenvis se Taxo boks in skakelformaat plaas - die is reeds daar maar nie in skakelformaat nie. Kan jy help? Oesjaar

Thomas Henry Huxley geskep. Proeflees asb. Groete. Frank (kontak) 19:53, 26 Januarie 2013 (UTC)

Het klaar, dankie! Oesjaar

Bot besig om te loop. Sal maar sien hoe dit uitdraai. Groete. Frank (kontak) 20:19, 26 Januarie 2013 (UTC)

Goed gegaan, dankie! Dit lyk nie ooglopend na baie nie maar in die groter prentjie help ontsettend baie met credibility! Oesjaar

Gaaf, laat maar weet waarheen ek die rekening kan stuur :-)

Royal Navy en RAF

Anoniem, bogenoemde woorde kom verskeie kere voor in artikels in 'n paar variasies. Ons benodig twee inleidende artikels oor die Britse Vloot en Britse Lugmag met aansture vanaf Britse Koninklike Vloot en Britse Koninklike Lugmag. Ons soek 'n volunteer... Kan jy help? Oesjaar (kontak) 20:48, 2 Februarie 2013 (UTC)

Sal kyk wat ek kan doen. Groete. Frank (kontak) 08:23, 3 Februarie 2013 (UTC)

Uitgevoer. Dis seker genoeg vir eers. Proeflees asb en brei verder uit. Groete. Frank (kontak) 09:10, 3 Februarie 2013 (UTC)

Paul Skelton

Anoniem, wanneer jy tyd het moet jy weer jou bot laat loop. Al die vis artikels onder kat:beenvisse wat die volgende bevat: A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1 se Paul Skelton moet na 'n skakel verander word. 'Samblief! Oesjaar (kontak) 20:35, 12 Februarie 2013 (UTC)

Sal later. Die bed roep nou die hardste. Groete. Frank (kontak) 20:42, 12 Februarie 2013 (UTC)

Uitgevoer

Dankie, jy is skerper as 'n Minora lemmetjie! Oesjaar (kontak) 08:11, 13 Februarie 2013 (UTC)

EMr KnG

Ik heb EMr KnG voorlopig geblokkeerd en onze gebruiker Curious gevraagd ernaar te kijken. Die spreekt Turks. En bedankt voor je poetswerk of Tsjeljabinsk. Jcwf (kontak) 15:45, 19 Februarie 2013 (UTC)

Dankie vir die moeite. Bly ek kon help. Groete. Frank (kontak) 19:08, 19 Februarie 2013 (UTC)

Gadidae & Gadus

Anoniem, kan jy asb help met takso's en bronne? Uiteindelik het ek nou die kabeljou en aanverwante spesies en dinge onder beheer! Oesjaar

Uitgevoer. Groete. Frank (kontak) 18:07, 4 Maart 2013 (UTC)

Dankie!

Wikipediabespreking:Administrateur#Naudefj

Beste Naudefj, aanvaar jy die verkiesingsuitslag? :) Groete. -- JCIV (Besprekings | Bydraes) 17:15, 10 Maart 2013 (UTC)

Ja, ek aanvaar dit, dankie! Moet sê ek het dit nie verwag nie, maar ek help graag waar ek kan. Groete. Frank (kontak) 17:52, 10 Maart 2013 (UTC)

Uitgevoer Baie geluk, jy is nou 'n administrateur! :) Sterkte. -- JCIV (Besprekings | Bydraes) 18:03, 10 Maart 2013 (UTC)

Ja, jy kan help met kategorie:Gaan taal na en kategorie:Bladsye wat vertaal moet word. Groete. -- JCIV (Besprekings | Bydraes) 21:12, 10 Maart 2013 (UTC)

Onlangse masjienvertaalde artikels

English: As you have noticed, I am translating these article from English, with the use of a machine translator. I will certainly do my best to improve upon them. Thanks! Afrikaans: Soos jy opgemerk het, ek die vertaling van hierdie artikel uit Engels, met die gebruik van 'n masjien vertaler.Ek sal beslis my bes doen om te verbeter op hulle.Dankie! QatarStarsLeague (kontak) 14:03, 13 Maart 2013 (UTC)

Kan jy sien jy my veranderinge aan Vrystaat dwerg muis? Is hulle op standaard? QatarStarsLeague (kontak) 14:11, 13 Maart 2013 (UTC)

Dis beter, maar nog glad nie reg nie. Net vir interessantheid, wat gebruik jy om die artikels te vertaal? Hoekom skep jy die artikels as jy nie Afrikaans magtig is nie? Groete. Frank (kontak) 14:38, 13 Maart 2013 (UTC)

Ek opreg wens om by te dra aan 'n vreemde taal Wikipedia, dit is die rede waarom. Ook, ek gebruik Google Translate. Kan jy raai 'n beter vertaler? QatarStarsLeague (kontak) 17:37, 13 Maart 2013 (UTC)

Ek het 'n nuwe artikel, SK Bastia. Is om die gehalte voldoende? QatarStarsLeague (kontak) 03:55, 15 Maart 2013 (UTC)

Nee, die gehalte is ongelukkig nie op standaard nie. Groete. Frank (kontak) 05:48, 15 Maart 2013 (UTC)

I have written a new article. It is about the coat of arms of New Zealand. I have placed it onto my talk page. Could you proofread it before I publish it? Thanks! Goodbye! Ek het 'n nuwe artikel geskryf. Dit is oor die coat of arms van Nieu-Seeland. Ek het dit op my besprekingsblad geplaas. Kan jy proeflees voordat ek dit publiseer? Dankie! Totsiens! QatarStarsLeague (kontak) 04:58, 15 Maart 2013 (UTC)

Pierre van Pletzen

Hi Frank,

Wil net noem dat jou nuutste wysiging van Oom Oubaas se geboortedatum en -plek, en dié op www.tvsa.co.za nie ooreenstem nie.

Kan jy opvolg asb? Groete tuis Aliwal2012 (kontak) 18:43, 14 Maart 2013 (UTC)

Ja, ek het die teenstrydigheid opgemerk.

* Volgens tvsa.co.za: 20 Nov 1951 te Stilfontein.

* Meeste ander bronne: 1 Mei 1952 te Klerksdorp[1][2][3]

Groete. Frank (kontak) 19:01, 14 Maart 2013 (UTC)

Sjabloon:Inligtingskas Rivier‎

Dag Frank,

Kan jy dalk help, ek het parameters vir "sytak_links" en "sytak_regs" bygevoeg in Sjabloon:Inligtingskas Rivier maar het iets opgekoffie wat nou 'n paar "}}" hier en daar uitroep!

Dankie Aliwal2012 (kontak) 18:11, 27 Maart 2013 (UTC)‎

Dag ek het dit reeds reggemaak. Waar sien jy dit nog? Groete. Frank (kontak) 18:14, 27 Maart 2013 (UTC)

Dankie, ons "briewe het in die pos gekruis" Ek sien mens kan nogal 'n kraaines maak daarmee!! Aliwal2012 (kontak) 18:34, 27 Maart 2013 (UTC)

Speelgoed...

Frank, wat het van die speelgoed geraak as 'n mens artikels wil skep en redigeer? Bv. spasie tussen getal en eenhede. Oesjaar

Ek het dit uitgehaal. Dit neem onnodig baie spasie op en mens moet elke keer afblaai om die "Stoor bladsy"-knop te kry. Ek beplan om later 'n beknopte weergawe daarvan te implementeer. Hoop dis in orde so? Groete. Frank (kontak) 14:05, 29 Maart 2013 (UTC)

Sal kan oorleef maar van die dingfe is nodig!

Bydrae deur Gebruiker:Bum2millionaire (Ester)

Ek dink ons moet nuwe Gebruiker:Bum2millionaire (Ester) tot halt roep voor sy die wiki oorneem!

Ek stem, Bum2millionaire se bydraes is nie heeltemal op standaard nie. Maar kom ons gee dit 'n rukkie om te sien of dit verbeter alvorens ons iets daaraan doen. Groete. Frank (kontak) 18:43, 27 Maart 2013 (UTC)

As admin voel ek genoop om hierdie artikel van Ester uit te vee, omrede 'n volgende persoon ('n nuwe gebruiker) nou haar lot met haar man se sieketoestand bekla op die geselshoekie. As dit so voortgaan, gaan die af:wiki een v.d. dae soos die Huisgenoot lyk (jy weet wat ek bedoel) "Die mees gesaghebende mediese tydskryf" !! Gee asb raad, Aliwal2012 (kontak) 10:54, 30 Maart 2013 (UTC)

Verwyder. Oesjaar

Gaan gerus voort. Ek het probeer om daai kommentaar in die geselshoekie te lees, maar met al die hoofletters het ek teen die derde lyn 'n kopseer gehad. Groete. Frank (kontak) 11:28, 30 Maart 2013 (UTC)

Uitgevoer. Dankie vir julle konsensus! Groete, Aliwal2012 (kontak) 11:34, 30 Maart 2013 (UTC)

Skuif asb Wikidata

More Frank, ek sien ons twee is al weer bedrywig op ons stokperdjie vandag!

Kan jy my asb help om die 'interwiki skakels' te skuif van Rooiels (dubbelsinnigheidsbladsy) na Rooiels, Wes-Kaap/

Woon jy nog in/naby Elarduspark? Geniet jou dag, Gert Aliwal2012 (kontak) 08:00, 1 April 2013 (UTC)

Uitgevoer. Hoe klink dit ons ken mekaar? Groete. Frank (kontak) 08:20, 1 April 2013 (UTC)

Ek het Wingatepark Apteek besit 1988-1997 voor dit gesluit het. My dogters is op Waterkloof. Sien jy is betrokke by Elarduspark Tennisklub! Aliwal2012 (kontak) 08:30, 1 April 2013 (UTC)

Baas Frank, sit asb weer daai "Wiki-markup" terug onderaan bladsye, ek kan nie voels en hoerskool spel nie!

Gebruik die wysigingsbalk bokant die invoerboks - kliek op "Spesiale karakters" -> "ë". Groete. Frank (kontak) 13:53, 1 April 2013 (UTC) Dankie, 'n brainwave!

Wiki markup

Hi Frank! Ek, Oesjaar en Morne benodig ASB die "speelgoed" onderaan bladsye! (nie NET die simbole nie...die "commands" tussen krulhakies, ens. OOK). Jy het hierbo gesê jy werk ondertussen aan 'n beknopte weergawe?

Plaas terug asb, dis baie frustrerend op die oomblik.

Dankie, Gert Aliwal2012 (kontak) 09:12, 6 April 2013 (UTC)

OK, dis terug. Gaan na Voorkeure -> Geriewe, en aktiveer "KarakterInvoeg". Groete. Frank (kontak) 05:54, 8 April 2013 (UTC)

Hawaii

Vertoon die artikel reg op jou rekenaar? Oesjaar

Nee, sal bietjie kyk. Groete. Frank (kontak) 07:20, 8 April 2013 (UTC)

Beter?

Perfek, dankie!

Nee, sien asb. die Hoër huis/Hoer huis. By Vermont is dit reg. Groete, -- JCIV (Besprekings | Bydraes) 09:45, 8 April 2013 (UTC)

Nie seker ek verstaan nie. Wat presies is fout? Groete. Frank (kontak) 10:36, 8 April 2013 (UTC)

Nou is dit weer reg. Daar was 'n fout in die inligtingskas. Groete. -- JCIV (Besprekings | Bydraes) 10:45, 8 April 2013 (UTC)

Vriende, byt net vas, ek is besig om die VSA-deelstaate op te skerp, sal ook sjabloon "fix" Aliwal2012 (kontak) 11:01, 8 April 2013 (UTC)

Uitgevoer na baie werk! Aliwal2012 (bespreek) 06:06, 10 April 2013 (UTC)

Stukke beter. Dankie! Frank (bespreek) 06:25, 10 April 2013 (UTC)

Mariette Bosch

Thank you for starting the article in Afrikaans WhisperToMe (bespreek) 07:32, 10 April 2013 (UTC)

Dis 'n groot plesier. Frank (bespreek) 08:38, 10 April 2013 (UTC)

F.F. Odendaal

Naand Frank, is die Prof se naam Odendaal of Odendal? Aliwal2012 (bespreek) 20:36, 10 April 2013 (UTC)

Baie goeie vraag. Sal opvolg. Groete. Frank (bespreek) 05:34, 11 April 2013 (UTC)

Hoop alles is nou reg. Frank (bespreek) 06:30, 11 April 2013 (UTC)

Vandalism

hi, in this page 9 vandalisms in 2 days--Wim b (kontak) 20:10, 19 April 2013 (UTC)

Uitgevoer. JCIV het reeds die bladsy beskerm. Groete. Frank (kontak) 08:00, 20 April 2013 (UTC)

Thank you for help in Benedicta Boccoli

Hi, Naudefj, I would like to thank you for your help in this page I've made of these wonderful Italian actress.

I would like to ask you, if possible, your help for little correctione in future. Can you help me?

Thanks for a reply in my Italian page. See you soon

Rex Momo (kontak) 07:53, 6 Mei 2013 (UTC)

Sjabloon:Inligtingskas Dam

Hi Frank!

Kan jy asb help? Bg. sjabloon het 'n gremlin in, as jy dam se "openingsdatum" invoer, lees dit ook by "Hoogte (oorloop)"

Terwyl jy daar is, verwyder asb onnodige parameters: Slopingsdatum, Tidal range, Annual average daily traffic, National Bridge Inventory. (nie in S.A. van toepassing nie)

Dankie en groete Aliwal2012 (kontak) 12:01, 16 Mei 2013 (UTC)

Ek het die herhaling van "openingsdatum" reggemaak. Die sjabloon het egter 'n bietjie werk nodig. Groete. Frank (kontak) 16:45, 16 Mei 2013 (UTC)

A little help for Benedicta Boccoli

Hi Naudefj, how are you? As you already corrected this page I made, please, I take 3 minutes of your time to read it again, because another User wrotten that in 2 weeks may be cancelled the page!

Thank a lot for your help

Rex Momo (kontak) 22:11, 26 Mei 2013 (UTC)

Voëls

Frank, dankie vir jou hulp met die Voëls. Net om jou op dieselfde frekwensie te kry - ek het eenvoudig begin om SASOL van vooraf deur te werk en sal dus eendag al die Voëls op Wiki kry! Ek het opgemerk op die Lys van Voëls (gegroepeer) dat die Versamel name telkemale rooi is - dus geen artikel. Kan jy asb help en seker maak dat al die Versamel name na iets wys - Genus/Spesie ens. Jy het reeds waardevolle werk hier verrig! Ook is daar versamelname wat reeds blou is maar nie Voëls is nie bv Koester, Rooivalk, Duiker ens. Kan jy help asb terwyl ek voortgaan om die Spesies te skep? Oesjaar (kontak) 15:57, 31 Mei 2013 (UTC)

Ek sal probeer invul waar ek kan. My kennis strek egter vêr te kort en ek weet nie regtig waar om die Afrikaanse terme te kry nie. Byvoorbeeld, wat is 'n jakkalsvoël? Van jou artikels lei ek af dis die genus Buteo, maar waar soek mens die tipe inligting op? Groete. Frank (kontak) 16:13, 31 Mei 2013 (UTC)

Frank, weet presies wat jy bedoel! Neem my uit die SASOL boek ek is verlore myself! Met die Visse kon Fishbase my help en ek was baie positief oor die visse - het by die see groot geraak. Ek het Fishbase ook ontdek toe ek gefrustreerd was oor die gebrek aan Afr vis name. Ek doen die Voëls slegs uit frustasie: omrede hulle nie daar is nie. Ons sal maar moet Digterlike vryheid gebruik so hier en daar.... Oesjaar (kontak) 16:26, 31 Mei 2013 (UTC)

Ons moet ook die Wiki gemeensakp gebruik.... Oesjaar (kontak) 16:30, 31 Mei 2013 (UTC)

Stil dag!

Frank, vandag gaan maar stil wees van my kant af, my boek by die huis laat lê! Wat gaan ons doen met die groepnaam Valk? Oesjaar (kontak) 06:02, 3 Junie 2013 (UTC)

Al die Valke is nou gelaai! Volgende Fisante, patryse, kwartels en kwarteltjies! Oesjaar (kontak) 07:48, 4 Junie 2013 (UTC)

Goeie werk. Jy is bietjies te vinnig vir my, maar ek sal probeer byhou :-) Groete. Frank (kontak) 16:29, 4 Junie 2013 (UTC)

Langnaweek!

Frank, ek gaan die naweek nie te veel op Wiki doenig wees nie. Moet my sleutelbord skoon maak van voëlmis, vere en eiers... Oesjaar (kontak) 06:58, 14 Junie 2013 (UTC)

Haha, 'n welverdiende ruskans, nietemin. Groete. Frank (kontak) 07:27, 14 Junie 2013 (UTC)

Bly om van julle te hoor. Ek gaan die naweek kamp met my woonwa by Maselspoort buite Bloem. Dis vir KSA Suiderkruis-saamtrek, tot my spyt vir die koue weer klaar bespreek!

Geniet julle langnaweek, rus lekker! Aliwal2012 (kontak) 09:51, 14 Junie 2013 (UTC)

Ja, geniet dit! Onthou jou kamera, net ingeval jy iets teëkom wat ons hier kan dokumenteer. Groete. Frank (kontak) 18:29, 14 Junie 2013 (UTC)

Sjabloonbespreking:Koördinate

FYI --Nemo bis (kontak) 09:44, 14 Junie 2013 (UTC)

Slag van Tannenberg

According to different sources, some 200 or 400 brothers of the Order were killed

http://en.wikipedia.org/wiki/Battle_of_Grunwald 87.111.177.25 23:48, 15 Junie 2013 (UTC)

Opinie

Frank, lees asb by my besprekings blad die argument oor gedood. Ek soek jou mening asb. Oesjaar (kontak) 19:08, 25 Junie 2013 (UTC)

Oesjaar, ek is maar 'n vrot taalkundige, en sekerlik nie die beste persoon om te vra nie. Persoonlik sal ek nie sommer die woord "gedood" gebruik nie, hoewel ek ook nie dink dis noodwendig verkeerd nie. Ek dink dis maar 'n tipe stylfiguur wat net so gelaat kan word. Groete. Frank (kontak) 19:34, 25 Junie 2013 (UTC)

Verwarring bestaan moontlik oor die woordeskat van hoëfunksie-Afrikaans wat sy oorsprong in Nederlands het. Die gebruik van gedood is vir my 'n natuurlike keuse omdat Nederlands en Duits hul invloed laat geld wanneer ek iets in Afrikaans skryf. Dus kies ek gewoon dié Afrikaanse term of taalvorm wat met die ander twee tale ooreenstem. Dit is duidelik dat Afrikaans as skryf-, wetenskaps- en ampstaal op 'n vroeë stadium deur mense genormeer is wat Nederlands magtig was en besef het dat gesproke Afrikaans uitgebou moes word. Uitdrukkings soos heer des huises is beslis nie uit enige gesproke variëteit van Afrikaans oorgeneem nie, maar ontleen uit Nederlands om Afrikaans se uitdrukkingskrag te versterk. Ons woordeskat is dus uit twee taalvlakke afkomstig - die gesproke vorm van Kaaps-Hollands en die Nederlandse woordeskat.

Dieselfde het met Engels en Frans gebeur. Vroeë sprekers van Frans het byvoorbeeld woorde soos œil (oog) en yeux (oë) gebruik - maar daar was blykbaar geen byvoeglike naamwoord in hul spreektaal nie. Hulle moes dit weer uit die ou Latynse taal ontleen - so kry jy die "moderne" Franse woorde œil/yeux naas die ou oculaire (van Latyns oculus "oog"; "wat die oog betref", "oog-" in samestellings wat in Frans met twee woorde gevorm moet word, soos in témoin oculaire - "ooggetuie") - twee taalvlakke naas mekaar! --Voyageur (kontak) 20:30, 25 Junie 2013 (UTC)

Spesie name...

Frank, eerstens dankie vir jou volgehoue ondersteuning, ons het die voëls nou baie verbeter! Neem kennis - daar is talle van die meeue wat se genus gedeelte van die binomiale naam verander het. Oesjaar (kontak) 10:18, 29 Junie 2013 (UTC)

Ja, lyk of die manne met die dik brille sukkel om die goed geklassifiseer te kry. Groete. Frank (kontak) 20:18, 30 Junie 2013 (UTC)

Belangrike diere van (Suid-)Afrika

Beste Frank, soos by die Verkleurmannetjie was ek weer op pad ná (Suid-)Afrika se belangrikste diere. Ons vermis artikels oor die Jakkals, die Goujakkals (Canis aureus) en die Nylkrokodil (Crocodylus niloticus). Het jy ná al die voëls tyd? :) Beste groete. -- JCIV (Besprekings | Bydraes) 12:40, 29 Junie 2013 (UTC)

Die maklikste sal wees om vir Oesjaar 'n boek te stuur. Maar dan sal ons moet bontstaan... Groete. Frank (kontak) 20:21, 30 Junie 2013 (UTC)

Ek is bevrees dat daar reeds 'n ander boek oor bome wag... Met verwysing na JCIV se versoek oor Jakkals - daar is reeds vier spesies wat beskryf word, daar skort 'n dubbelsinngheids blad vir Jakkals. Groete! Oesjaar (kontak) 05:56, 1 Julie 2013 (UTC)

Sal 'n genus-artikel onder Jakkals nie beter wees nie? Jakkals het meer "skakels hierheen" dan Jakkalse... Groete. -- JCIV (Besprekings | Bydraes) 14:10, 2 Julie 2013 (UTC)

Jy vra my! Baie van die biologie-artikels het meervoudige titels, insluitende Moderne voëls, Steltloperagtiges, Goudsnippe, Fraiingpote, Wulpe, Loeries, Meeue, Sterretjies, Sandpatryse en vele ander.

Vergelyk ook nl:Jakhals met nl:Jakhalzen.

As daar enige riglyne hieromtrent is, laat maar weet, dan val ons daarby in.

Groete. Frank (kontak) 18:21, 2 Julie 2013 (UTC)

Soos gewoonlik is jy reg. :) Ek is geïnspireer van die Duitse Wikipedia, waar genusse onder enkelvoudige titels staan. ;) Jakkalse sal die regte titel wees. Groete. -- JCIV (Besprekings | Bydraes) 16:02, 21 Julie 2013 (UTC)

Die voëls...

Ons is nou halfpad met Sasol..... Sjoe! Oesjaar (kontak) 20:14, 30 Junie 2013 (UTC)

Mensig, hoe dik is daai boek dan? Frank (kontak) 20:16, 30 Junie 2013 (UTC)

446 bladsye! Die volgende op die agenda is duiwe gevolg papagaaie en dan deur kwêvoëls! Ek gaan die komende week rustiger wees, werkdinge. Oesjaar (kontak) 20:20, 30 Junie 2013 (UTC)

Uil/Uile

Frank, kan jy asb verseker dat uil/uile aanstuur na iets, ek is nie seker wat nie! Oesjaar (kontak) 20:09, 8 Julie 2013 (UTC)

Sal so maak - sodra ons so 'n artikel oor die uil, uile of Strigiformes het. Groete. Frank (kontak) 20:13, 8 Julie 2013 (UTC)

Houtkapper

Sien asb Bespreking:Houtkapper! Groete! Oesjaar (kontak) 08:33, 18 Julie 2013 (UTC)

Die artikel moet oorgedoen word. Die houtkappers-kategorie is ook 'n gemors. Ek sal op my slakkepas by alles probeer uitkom. Groete. Frank (kontak) 09:26, 18 Julie 2013 (UTC)

Ek kyk uit vir 'n boek oor die taksomie van voëls, hy es nie!. Sterkte! Oesjaar

Aktiewe gebruikers

Frank, sien my opmerking in Geselshoekie asb! Oesjaar (kontak) 17:21, 19 Julie 2013 (UTC)

Reggemaak op translatewiki.net. Dit neem 'n paar dae voordat die boodskappe hier opgelaai word. Groete. 17:27, 19 Julie 2013 (UTC)

Brigitta Boccoli

Hi Naudefj, how are you?

I made this page, and as I saw that you helped me in Benedicta Boccoli, I ask please 2 minutes to watch also this page.

Thanks a lot for your help!

Rei Momo (kontak) 22:28, 27 Julie 2013 (UTC)

Uitgevoer. Groete. Frank (kontak) 06:35, 28 Julie 2013 (UTC)

Thank you very much!!! Rei Momo (kontak) 16:00, 28 Julie 2013 (UTC)

Benedicta Boccoli

Hi, me dear Wikifriend Frank, how are you?

Please, don't kill me ... :-). As you was so good in correct in right Afrikaans the article of Brigitta, I would like that you can take off the label that is at the beguinning of this page. I put in Google translator, and I think says it's written in no good Afrikaans.

How can we do? Thank a lot for your precious help!

Alex (kontak) 20:21, 29 Julie 2013 (UTC)

Tikfout in skrikkeljare

Hallo

Dankie vir die mooi inleidings vir die jaarbladsye. Ek sien daar is 'n tikfout in (ek raai) al die skrikkeljare s'n: "...Dis was die..." i.p.v. "...Dit was die..."

As dit maklik is om hierdies almal reg te maak, sal dit 'n groot klomp handewerk vermy. Groete, Alias (kontak) 10:53, 21 Augustus 2013 (UTC)

Dit lyk my ek het te vinnig gekyk - ek het dit nou by ander jare ook gesien. --Alias (kontak) 11:01, 21 Augustus 2013 (UTC)

Dis nou reg. Groete. Frank (kontak)

Abdelmajid Lakhal

Dear friend Naudefj, I would like to thank you very much for the help in this page I've made.

I ask, please, 2 minutes of your precious time to correct a little also Benedicta Boccoli, beacuse the box at hte beguinning I think it says that it would have an Afrikaans form better.

Thank you and have a nice week end!

Rei Momo (kontak) 08:08, 31 Augustus 2013 (UTC)

Afrikaans relation of Japanese School of Johannesburg

Hi! I responded here: Wikipedia:Geselshoekie#Article_request:_Japanese_School_of_Johannesburg

I generally put on the request list anything related to South Africa. The en:Japanese School of Johannesburg is physically located in Joburg, and many in that city speak Afrikaans, so I believe there would be interest from an Afrikaans speaking population.

Thank you WhisperToMe (kontak) 19:25, 1 September 2013 (UTC)

Koester

Frank, ons is tans op bl 384 van 446 van SASOL-voëls. Soos jy kan sien is ons besig met koesters waarvan die meeste van genus Anthus deel is en dit is net 'n kwessie van tyd alvorens ons die genusse gaan voltooi. Ons benodig 'n dubbelsinnigheidsblad vir koester want daar is reeds 'n vis koester . Kan jy help asb? Oesjaar (kontak) 05:43, 13 September 2013 (UTC)

Ek is nou besig om lekker aan te jaag. Sal later regmaak. Frank (kontak) 06:32, 13 September 2013 (UTC)

Uitgevoer. Frank (kontak) 06:50, 13 September 2013 (UTC)

Dankie, dit is altyd 'n plesier om saam met jou te werk! Oesjaar (kontak) 07:02, 13 September 2013 (UTC)

Swarthelmlaksman

Kan jy help asb! Oesjaar (kontak) 19:55, 19 September 2013 (UTC)

Uitgevoer. Frank (kontak) 16:48, 19 Oktober 2013 (UTC)

Gaan groot of gaan huis toe!

Eish Frank, jy gee voorwaar nuwe betekenis aan die gesegde! Altyd goed om jou in aksie te sien! Oesjaar (kontak) 07:54, 10 Oktober 2013 (UTC)

Dankie Oesjaar! Doen maar wat ek kan. Groete. Frank (kontak) 16:47, 19 Oktober 2013 (UTC)

Diarree

Dagsê Frank! Dankie vir jou diarree-artikel, dit is puik! (Ek was verbaas toe ek nie meer rooi skakels by loperamied sien nie)

Hoe gaan dit in Elarduspark? Die e-tol by julle is 'n vloekskoot nè? Aliwal2012 (kontak) 13:36, 19 Oktober 2013 (UTC)

Dankie Gert! Ek het geen mediese agtergrond nie, maar dag toe ons het seker almal bietjie ondervinding van die lastige onderwerp. Net bly jy is hier om dit te proeflees en seker te maak die feite is reg. Groete. Frank (kontak) 16:43, 19 Oktober 2013 (UTC)

Bome: Sien ook

Frank, dankie vir jou hulp met die Bome lys vandag! Jy het 2 dae se werk in 'n japtrap gedoen! Kan jy en jou bot nou help: elke artikel onder Kategorie:Bome van Afrika se Sien ook moet verander word van

== Sien ook ==
* Alfabetiese lys van Suid-Afrikaanse bome

na

== Sien ook ==
* Alfabetiese lys van Suid-Afrikaanse bome
* Lys van Suider-Afrikaanse bome volgens wetenskaplike name

Groete. Oesjaar (kontak) 13:25, 11 November 2013 (UTC)

Sal later hierna kyk. Groete. Frank (kontak) 13:46, 11 November 2013 (UTC)

Uitgevoer. Groete. Frank (kontak) 16:57, 11 November 2013 (UTC)

Dankie Frank! 196.210.250.157 18:50, 11 November 2013 (UTC)

Naudefj

Skaam jou.

Oor wat? Groete. Frank (kontak) 13:42, 11 November 2013 (UTC)

Wie maak jou die kenner op neologisme?

Ek is vreeslik jammer ek het jou artikel oor rooserkoek geskrap. Dit het geen nuttige inligting bevat nie, en ek was byna seker dit was 'n spelfout en nie 'n neologisme nie. As jy "roosterkoek" bedoel het, voel vry om dit te herskep. Groete. Frank (kontak) 13:55, 11 November 2013 (UTC)

Dis ongelukkig nie 'n spel fout nie, dis eintlik hoe dit gebruik word. Groete, Matthysen.

Praat ons nou van hierdie soort? Frank (kontak) 14:01, 11 November 2013 (UTC)

Ons praat nog altyd van die selfde soort, die Roosterkoek. As ons praat van Rooserkoek, is dit seker duidelik twee verskillende woorde? Die een het 'n "t" en die ander geen. So doen jouself 'n guns, as jy wil verstaan wat beteken "ROOSERKOEK" gaan besoek gerus die vrye ensiklopedie nl. Wikipedia en soek "ROOSERKOEK" dit is seker duidelik die hele konsep van vrye informasie? Groete

Daar bestaan ongelukkig nie 'n woord soos "ROOSERKOEK" in Afrikaans nie. Miskien wil jy dit eerder op die Nederlandse wiki gaan skep? Groete. Frank (kontak) 14:16, 11 November 2013 (UTC)

Doringolm

Frank sien Bespreking:Doringolm Groete! Oesjaar (kontak) 20:07, 12 November 2013 (UTC)

Dankie! Oesjaar (kontak) 06:21, 14 November 2013 (UTC)

Breëriviergeelhout

Kan jy help asb? Oesjaar (kontak) 06:21, 14 November 2013 (UTC)

Uitgevoer. Frank (kontak) 06:30, 14 November 2013 (UTC)

Krieketspeler Sjabloon - hulp benodig!

Hi Frank!

Sjabloon:Inligtingskas Krieketspeler wys nie die spelernommer (cap) korrek nie, maar ek verdwaal in die sintaks op die sjabloon. Ek is bang ek maak 'n bols-up, kan jy uithelp? Dis êrens waar 'n x/y plekhouer gewys word. Wil ook eenvoudiger maak deur "vroulike" parameters te verwyder...dit lyk soos Germistonstasie!

Dankie & groete Aliwal2012 (kontak) 11:59, 8 Desember 2013 (UTC)

Watter parameter wys nie? Die sjabloon het nie 'n "spelernommer"-parameters nie. Groete. Frank (kontak) 12:12, 8 Desember 2013 (UTC)

Skuus, was gou op ete! Sjabloon vertoon (op die skil) "Toetsdebuut (no X/Y)" en "EDI debuut (no X/Y)". Wanneer ek sjabloon wysig, lees ek so in die middel af:

[ongeveer lyn 186:]

{{#if:{{{vroulik|}}}|{{#if:{{{toetsdebuutteen<includeonly>|</includeonly>}}}| ! Toetsdebuut {{#if:{{{toetsno<includeonly>|</includeonly>}}}| <small>(no <includeonly>[[Lys van {{{land}}} vrouetoetskrieketspelers|{{{toetsno}}}]]</includeonly><noinclude>X</noinclude>{{#if:{{{toetsno2<includeonly>|</includeonly>}}} |/<includeonly>[[Lys van {{{land2}}} vrouetoetskrieketspelers|{{{toetsno2}}}]]</includeonly><noinclude>Y</noinclude>}})</small>}} {{!}} colspan=4 {{!}} <span class="role">{{{toetsdebuutdatum}}} {{{toetsdebuutjaar}}} {{#if:{{{land2<includeonly>|</includeonly>}}}|<br>{{{toetsdebuutvir}}} }}v [[{{{toetsdebuutteen}}} krieketspan|{{{toetsdebuutteen}}}]]</span> }} {{!}}- |{{#if:{{{toetsdebuutteen<includeonly>|</includeonly>}}}| ! Toetsdebuut {{#if:{{{toetsno<includeonly>|</includeonly>}}}| <small>(no <includeonly>[[Lys van {{{land}}} toetskrieketspelers|{{{toetsno}}}]]</includeonly><noinclude>X</noinclude>{{#if:{{{toetsno2<includeonly>|</includeonly>}}} |/<includeonly>[[Lys van {{{land2}}} toetskrieketspelers|{{{toestno2}}}]]</includeonly><noinclude>Y</noinclude>}})</small>}} {{!}} colspan=4 {{!}} <span class="role">{{{toetsdebuutdatum}}} {{{toetsdebuutjaar}}} {{#if:{{{land2<includeonly>|</includeonly>}}}|<br>{{{toetsdebuutvir}}} }}v [[{{{toetsdebuutteen}}} krieketspan|{{{toetsdebuutteen}}}]]</span> }} {{!}}- }} ens....

Dis dié X en Y parameter wat "cap no" (ook op en:wiki) aandui. Dis net onse Afr een wat nie werk nie!

Parameters se name is toetsnommer, edinommer en T20Inommer

Aliwal2012 (kontak) 14:23, 8 Desember 2013 (UTC)

Probeer parameter "toetsno" pleks van "toetsnommer". Groete. Frank (kontak) 14:56, 8 Desember 2013 (UTC)

Hey, maar jy's "bright"! Ek het myself blindgestaar teen al daai scramble-eiers hierbo!! Aliwal2012 (kontak)

Ensiklopedie van Suidelike Afrika

Enige kans dat jy daai Bot van jou kan kickstart sodat bogenoemde ge-skakel kan word word waar dit langs Eric Rosenthal se naam verskyn? Groete! Oesjaar (kontak) 06:03, 23 Desember 2013 (UTC)

Dankie! Ek sien Merwede van der Merwe is Vrydag in Frankryk oorlede. Artikel? Groete! Oesjaar (kontak) 06:32, 24 Desember 2013 (UTC)

Frank, ek sien nou 'n klomp wat die uwe as * Ensiklopedie van Suidelike Afrika. Eric Rosenthal. 1967 geskryf het, het die Bot gemis. Kan jy help? Oesjaar (kontak) 06:48, 24 Desember 2013 (UTC)

Nou het jy hom seergemaak! Oesjaar (kontak) 14:54, 24 Desember 2013 (UTC)

Inderdaad, taak suksesvol uitgevoer. Frank (kontak) 16:21, 24 Desember 2013 (UTC)

Toorgoed...

Frank, kan jy help jou toorgoed by twee genusse: Dichrostachys en Faidherbia. Deon

Hierdie genera het elk slegs een spesie wat daaraan behoort. Kan ons hulle met die spesie-artikels versmelt en aansture maak? Groete. Frank (kontak) 17:10, 30 Desember 2013 (UTC)

Daar kom nog baaie!

Lyk my jy is reg oor Dichrostachys, maar "Faidherbia albida ... the only member of the genus Faidherbia." Frank (kontak)

Uitgevoer. Hoop dis in orde so. Groete. Frank (kontak) 17:54, 30 Desember 2013 (UTC)

Nuwe statistiek vir Nov 2013 is beskikbaar

Frank, nuwe stats is beskikbaar. Wanneer ontmoet ons eendag vir koffie? Oesjaar (kontak) 08:21, 3 Januarie 2014 (UTC)

Skakel vir nuwe stats asb? Groete. Frank (kontak) 08:36, 4 Januarie 2014 (UTC)

http://stats.wikimedia.org/EN/TablesWikipediaAF.htm Oesjaar (kontak) 10:41, 4 Januarie 2014 (UTC)

Wil jy dalk na Wikimania toe gaan?

Het jy al aansoek gedoen vir finansiële ondersteuning om Wikimania 2013 in London by te woon? Sien https://wikimania2014.wikimedia.org/wiki/Scholarships --Slashme (kontak) 09:45, 12 Januarie 2014 (UTC)

Dankie David, maar die blote gedagte krap my maag om. Terloops, vir iemand wat so mooi Afrikaans skryf is jy darem alte min hier te siene. Kom loer bietjie meer gereeld in! Groete. Frank (kontak) 15:02, 12 Januarie 2014 (UTC)

Emeriteer by AP Morgenthal

Hallo! Die korrekte Afrikaans vir wanneer 'n dominee uittree, vind ek vandag uit, is "sy emeritaat aanvaar". Emeriteer kom nie in HAT voor nie en in Pharos se tweetalige woordeboek staan emeriteer is "ongewoon". Dis hoekom ek dit verander het, maar aangesien dit 'n direkte aanhalings is, kan ons dit seker maar "geëmeriteer" los. Morne (kontak) 21:00, 20 Januarie 2014 (UTC)

Solank julle nie ge-irriteer raak met mekaar nie! Groete! Oesjaar (kontak) 05:28, 21 Januarie 2014 (UTC)

Ek is nie 'n taalbul soos Morne nie en sal gemaklik oor beide "geëmeriteer" of "emeritaat aanvaar" lees, presies weet wat hy bedoel, maar nie 'n oomblik wonder of een dalk beter as die ander is nie. Maar dis nie die probleem nie, na die wysiging was daar 'n sinsboufout en ek was te lui (of te dom) om dit reg te stel. Groete. Frank (kontak) 07:24, 25 Januarie 2014 (UTC)

WA Hofmeyrprys

Frank, ek het opgelet dat by die meeste ontvangers van bogenoemde prys dit nie daar genoem word nie terwyl dit by die Eugene Marais en Ingrid Jonker pryse se ontvangers gemeld word. Iets vir jou om op te volg. Ek gaan maar skaars wees op Wiki tot Maandag. Groete! Oesjaar (kontak) 08:24, 23 Januarie 2014 (UTC)

Ek het bietjie rondgesoek, maar kry nie die data nie. Groete. Frank (kontak) 12:39, 23 Januarie 2014 (UTC)

Zacharias Zeraua

Goeie dag Naudefj. Die woord "von" is hier 'n Duitse deel van 'n naam. Daar sal altyd klein letters word: Lothar von Trotha. Kort notasie: von Trotha. Groete van Arche-foto (kontak) 11:59, 23 Januarie 2014 (UTC)

In Afrikaans skryf ons Lothar von Trotha, maar sonder die naam is dit Von Trotha. Groete. Frank (kontak) 12:03, 23 Januarie 2014 (UTC)

Charles F. Stofberg

Ek het dringend hulp nodig met my artikel oor Charles F. Stofberg asseblief. Op die blad wat ek geskep het is 'n "Skoonmaak" boodskap. Ek het nie 'n idee wat dit is wat ek moet "Skoonmaak" nie! Petronel (kontak) 09:59, 24 Januarie 2014 (UTC)

Jou artikel het nie 'n inleiding nie (kyk na die ander 30000+ artikels hier, elkeen het 'n openingsparagraaf of twee).

Moet asseblief ook nie weer "br"-etikette of dubbele oop lyntjies in jou artikels plaas nie.

Lysies soos eksterne skakels begin met 'n sterretjie (*) in kolom 1.

Kyk asb as mense jou artikels wysig na wat hulle doen en leer daaruit.

Groete.

Frank (kontak) 07:09, 25 Januarie 2014 (UTC)

Baie, baie dankie. Sal die raad volg. Petronel (kontak) 17:11, 25 Januarie 2014 (UTC)

Swart op wit

Frank, help hier asb! Oesjaar (kontak) 05:43, 28 Januarie 2014 (UTC)

Stande van bome

Hi Frank, bome of plante kom in stande voor wanneer hulle dig opmekaar ontkiem het. (Dis korrek so, moet nie "strande" wees by Mingerhout nie!) Dankie, Aliwal2012 (kontak) 14:29, 1 Februarie 2014 (UTC)

Dankie Gert! In my taal: lappe bome! Van die os op die jas - ken jy die volgende: Die melk is rens en Die byl is stoets. Groete! Oesjaar (kontak) 14:42, 1 Februarie 2014 (UTC)

Dêm, nog nooit gehoor van dit nie! Gert

Dankie Gert! Frank (kontak) 16:13, 1 Februarie 2014 (UTC)

Byvoorbeeld...

Naand Frank, dis nie taalkundig korrek om 'n sin met byvoorbeeld te begin nie, net soos Ook en En ook nie! Aliwal2012 (kontak) 19:33, 4 Februarie 2014 (UTC)

Tobi Jooste

Thanks for your additions on the article I just created. Since I do not know Afrikaans at all, and depended mostly on a translating website, will you please take a brief look at the grammar and presentation of the article Tobi Jooste plus adding other relevant categories to it. For your help, I also dedicate the song "Kom Bietjie Hier" http://www.youtube.com/watch?v=2jkJbuQHN6w of Kurt Darren which I just love so much and was listening to ten times when I was editing this article. Werldwayd (kontak) 09:45, 5 Februarie 2014 (UTC)

Many thanks for the edits on the article. It just feels great now the way it reads, instead of awkward as per my version... Here are three more songs in Afrikaans to thank you. These are songs I just adore: Snotkop with "Dis 'n Land" http://www.youtube.com/watch?v=SKRml4_uBlQ and Kurt Darren featuring Snotkop in "Stoomtrein" http://www.youtube.com/watch?v=oHSmtem4PKI which incidentally can be a great country song in USA: http://www.youtube.com/watch?v=oHSmtem4PKI just like "Kom Bietjie Hier" can be an international pop hit. And a precious oldie : the cover boy band Hi-5 with "Versoeking" http://www.youtube.com/watch?v=LVO7lQI6Gsk ... "Versoeking" is so precious and unforgettable as it is a great cover of an Persian/Iranian Swedish international star called Arash in a song featuring Rebecca Zadig. Here is the original called "Temptation" http://www.youtube.com/watch?v=qcw5BpYIqp4 from Arash Werldwayd (kontak) 10:16, 5 Februarie 2014 (UTC)

Lina Spies

Kan jy help met infoboks asb? Groete! Oesjaar (kontak) 17:26, 16 Februarie 2014 (UTC)

Uitgevoer. Groete. Frank (kontak) 17:41, 16 Februarie 2014 (UTC)

Gesien en dankie! Ek sien in die Engelse artikel sê hulle sy het die Ingrid Jonkerprys gewen maar dit wys self nie so in die Engelse Ingrid Jonkerprys-artikel nie! Die lewe van 'n Wikie admin is maklik... Oesjaar (kontak) 17:46, 16 Februarie 2014 (UTC)

Ja, dis altyd pret as bronne nie oor eenvoudige feite ooreenkom nie. Elke geval, ek dit na 1972 gewysigs na gelang van http://versindaba.co.za/tag/ingrid-jonker-prys/. Groete. Frank (kontak)

Frank, na 'n Google sessie los ek 'n boodskap op Litnet se webblad ivm die Ingrid Jonkerprys wenners wat hulle toe aanstuur! Groete! Oesjaar (kontak) 20:16, 16 Februarie 2014 (UTC)

Vraag

Kan ek vra jou 'n vraag? --Weltenlängstezusammengesetzteswort (kontak) 19:35, 16 Februarie 2014 (UTC)

Vra is vry en weier daarby. Groete. Frank (kontak) 19:41, 16 Februarie 2014 (UTC)

email adres

Frank, kan jy asb vir my 'n e-mail adres stuur. Marlise Joubert wil 'n artikel plaas oor Wiki as dankie sê vir ons moeite. Ek wil graag hê dat jy proeflees asb. Groete! Oesjaar (kontak) 08:56, 24

Sal jou vir jou stuur. Groete. Frank (kontak) 14:56, 24 Februarie 2014 (UTC)

Nee, ek kan nie. Skakel asb "Laat e-pos van ander toe" aan in Spesiaal:Voorkeure of stuur my 'n e-pos. Groete. Frank (kontak) 14:59, 24 Februarie 2014 (UTC)

My e-pos is nou op datum. Ek dink Beeld sal met 'n administrateur of twee wil praat - jy beskikbaar? Ek is seker jy kan anoniem bly as jy wil! Groete! Oesjaar (kontak) 15:51, 27 Februarie 2014 (UTC)

Hulle is meer as welkom om my te kontak. Groete. Frank (kontak) 19:58, 27 Februarie 2014 (UTC)

Crossloop

Frank, die verduideliking vanaf my kontak in Nederland: crossloop is cross running. hardlopen in het veld, running Groete! Oesjaar (kontak) 12:30, 6 Maart 2014 (UTC)

Dit help baie. Dankie Oesjaar!

Eureka-diamant

Help asb met foto! Oesjaar (kontak) 19:37, 12 Maart 2014 (UTC)

Uitgevoer

Dankie! 41.160.63.243 07:02, 13 Maart 2014 (UTC)

Omicron en Xi

Jy moet die artikel ook skuif en nie net die besprekings nie! Groete! Oesjaar (kontak) 06:53, 21 Maart 2014 (UTC)

Sal so maak, dankie Oesjaar! Groete. Frank (kontak) 06:57, 21 Maart 2014 (UTC)

Lughawe Sjaboon - hulp benodig!

Hi Frank, is jy hier?

Kan ek jou 'n vraag vra asb? Ek het Sjabloon:Infobox airline gestig, maar sit vas met die sintaks daarbinne! (Sien my probeerslag by Ethiopian Airlines)

Ek weet jy verpes Engels, maar kan jy my storie beredder asb?

Dankie, Aliwal2012 (kontak) 14:12, 1 April 2014 (UTC)

Sal môre hierna kyk. Groete. Frank (kontak) 19:22, 1 April 2014 (UTC)

Dankie, G

Uitgevoer. Groete. Frank (kontak) 11:26, 2 April 2014 (UTC)

Nogmaals dankie, dis baie beter! Aliwal2012 (kontak) 12:01, 2 April 2014 (UTC)

Reitz of Jubilee-diamant

Frank, kan jy help met 'n vertaling uit die Engelse Wiki? Groete! 196.215.44.3 18:30, 7 April 2014 (UTC)

Ek weet nie wie gevra het nie, maar dit nou gedoen. Stuur biltong of iets... Groete. Frank (kontak) 05:56, 8 April 2014 (UTC)

Dankie, dit was ek oesjaar! Ontmoet my vir koffie dan gooi ek die biltong ook in! Oesjaar (kontak) 06:03, 8 April 2014 (UTC)

Dit moet Jubilee-diamant wees! Oesjaar (kontak) 06:06, 8 April 2014 (UTC)

Sien julle eers weer Vyrdag, besoek aan my projek in die boendoes, alweer! Oesjaar (kontak) 06:10, 8 April 2014 (UTC)

Brrrrr

Net vir interessantheid, hoekom verander jy <br> met <br />? Is daar 'n verskil? Van 'n HTML-ongeletterde Winston (kontak) 08:10, 10 April 2014 (UTC)

<br> was eers aanvaarbaar, toe skakel Wikipedia na XHTML oor, en moes alles gevolglik na <br /> omgeskakel word. Daarna is HTML5 ingevoer wat beide <br> en <br /> toelaat. Op die oomblik weet ek self nie of dit nog die moeite werd is om dit te verander nie. Groete. Frank (kontak) 09:27, 10 April 2014 (UTC)

Dankie. Winston (kontak) 09:53, 10 April 2014 (UTC)

Standaard-HTML en XHTML wat saam met RSS gebruik word, vereis in elk geval die finale /, alhoewel 'n mens dit by die meeste webblaaiers (en dus ook op ons artikel-bladsye) mag weglaat. Aangesien ons nie weet aan watter vereistes ons by toekomstige standaarde moet voldoen nie, is dit miskien wél die moeite werd om die finale / in te voeg. --Voyageur (kontak) 16:23, 10 April 2014 (UTC)

Infobox vir Swazi

Ek het hierdie inligtingskassie vir die Swazi Wikipedia gemaak: Simple box. Maar ek kry nie die inligting aan die linkerkant om links te flush nie. Jy kan nie dalk help nie? Dankie! Winston (kontak) 15:10, 4 Mei 2014 (UTC)

Nie 100% seker ek verstaan nie. Kyk asb of dit beter lyk. Groete. Frank (kontak) 15:29, 4 Mei 2014 (UTC)

Nee, die hofies "Born", "Died" ens. is gesentreer. Maar ek is nie seker of dit dalk iets met hulle binnewerke te doen het nie. Ek het "text-align:left;" probeer, maar dit werk nie. Winston (kontak) 15:34, 4 Mei 2014 (UTC)

Dis presies wat ek gedoen het. Het nou die bladsy ge-"purge". Kyk asb weer. Groete. Frank (kontak) 15:35, 4 Mei 2014 (UTC)

Honderd persent. Dankie vir jou moeite. Winston (kontak) 16:00, 4 Mei 2014 (UTC)

Kan jy help?

https://af.wikipedia.org/wiki/Spesiaal:Skakels_hierheen/%3F Kliek bv op Wes-Indies en sien die probleem in die inligtingskas. JCIV kan nie help nie! Het jy dalk 'n towerstaf? Groete! Oesjaar (kontak) 06:07, 6 Mei 2014 (UTC)

Beter? Frank (kontak) 07:18, 6 Mei 2014 (UTC)

Ja! dankie! Oesjaar (kontak) 07:20, 6 Mei 2014 (UTC)

Jammer en Dankie

Baie Dankie Frank vir jou wysings op die artikels wat ek geskep het. Bladsye soos Apoptose is baie hard om te maak en "I appreciate it". :) Groete :) Bezuidenhout (kontak) 08:52, 7 Mei 2014 (UTC)

Dankie

Dankie vir die groen glimlaggies! Suidpunt (kontak) 18:46, 15 Mei 2014 (UTC)

Jou kommentaar by die foto oor "Hoop Straat" het my dag gemaak.

Hier naby ons is 'n skool met die naam "Midstream Hoerskool". Mens kan maar net wonder wat hulle die arme kinders daar leer.

Groete. Frank (kontak) 19:29, 15 Mei 2014 (UTC)

Umeå

Baie dankie vir die hulp by die nuwe bladsye oor Umeå! DirkVE (kontak) 10:23, 25 Mei 2014 (UTC)

Spelerposisies

Frank, die artikels is nodig maar die inhoud daarvan is totaal subjektief sonder bronne. Hoe gaan ons dit hanteer? Oesjaar (kontak) 07:36, 3 Junie 2014 (UTC)

Ons gaan dit herskryf en daaraan skaaf totdat dit perfek is. Sal kyk of ek môre tyd daaraan kan spandeer. Groete. Frank (kontak) 09:27, 3 Junie 2014 (UTC)

Dis voorwaar 'n kleurvolle aand!

Of wat sê ek? Oesjaar (kontak) 18:52, 13 Junie 2014 (UTC)

Aliwal het daarmee begin! Groete. Frank (kontak) 19:29, 13 Junie 2014 (UTC)

Dankie, die speel met die warm kleure het darem die koue bietjie verdryf hier by ons! Aliwal2012 (kontak) 12:58, 16 Junie 2014 (UTC)

Rugbyspelersjabloon

Hallo Frank!

Kan ons nie eerder die sjabloon regmaak nie (terug na super14)? Of kan jy programmaties (met jou bot) al 60 die spelers opdateer?

Dankie Aliwal2012 (kontak) 19:01, 21 Junie 2014 (UTC)

Dit is seker makliker om net die sjabloon reg te maak. Weet nie hoekom dit in die eerste plek verander is nie, so ek hoop nie dit breek weer iets anders nie. Groete. Frank (kontak) 19:05, 21 Junie 2014 (UTC)

Stem, dit was mnr. Puvircho wat daar ge-eksperimenteer het (volgens sy eie wysigingsopsomming).

Die 'Bokke het darem by die agterdeur ingekom vanmiddag! Lekker aand! Aliwal

Your bot on English Wikipedia

A proposal to de-authorize a group of idle interwiki bots on the English Wikipedia is currently in process. A bot account of yours has been included in the list. If you are no longer using this bot, no action is neccessary by you. Should you wish to revive your bot in the near future, please remove your bot from the list here: en:Wikipedia:Bot_owners'_noticeboard#Bot_that_are_inactive_for_the_last_2-4_years_and_may_lose_bot_flag. Thank you for your contributions. For the en: Bot Approvals Group, en:user:Xaosflux 12:22, 28 Junie 2014 (UTC)

Benguela Stroom

Frank, kan jy dalk met vertaling van bogenoemde vanaf http://www.fishbase.us/trophiceco/EcosysRef.php?ve_code=150&sp= Vertaling is nie my sterkpunt nie! Groete! Oesjaar (kontak) 09:53, 5 Julie 2014 (UTC)

Dit benodig hoërgraad in vertaalkunde, ek hou my eerder by eenvoudige tekste wat ek kan verstaan. Groete. Frank (kontak) 10:01, 5 Julie 2014 (UTC)

My st3 wiskunde help ook nie! Groete! Oesjaar (kontak) 17:41, 5 Julie 2014 (UTC)

Geluk met jou gebruikerblad

Geluk Frank, jou gebruikerblad lyk nou baie beter, nie meer soos 'n weeskind nie! Ek is nou bietjie moeg gewerk aan al daai kleure, dit raak nou te veel! Dis weer baie koud hier in Aliwal-Noord (sien ons temperatuur saans op TV), ek bly maar in die bed/voor die TV met my laptop en Wikipedia, eish!! Groete, Gert - Aliwal2012 (kontak) 13:44, 5 Julie 2014 (UTC)

Dankie Gert! Ek neem aan die kouefront sal ons vannag of môre tref [4]. Elke geval, bly warm en gee daai laptop gas. Groete. Frank (kontak) 15:01, 5 Julie 2014 (UTC)

Jy ook ;) het daai weerartikel gelees, nogmaals eish! G

Vogtigheid

Hi Frank, kyk asb. na Sjabloonbespreking:Tabel_weergemiddeldes. Ek wil graag jou opinie hoor oor vogtigheid. Groete Ossewa (kontak) 08:31, 6 Julie 2014 (UTC)

Daar geantwoord. Groete. Frank (kontak) 08:38, 6 Julie 2014 (UTC)

Benaming: Amerikaanse Mariene Korps

Dag Frank! Ek het op die naam Amerikaanse Mariene Korps besluit eerder as Amerikaanse Seesoldate (wat ek lank terug in 'n koerant gelees het), n.a.v. jou verandering van daai Genl. se artikel. Kan jou onthou wie hy was? Groete, Aliwal2012 (kontak) 14:11, 9 Julie 2014 (UTC)

Hallo Gert! Omdat jy nie van "V.S.A. Mariene Korps" gehou het nie, het ek maar "Amerikaanse marinierskorps" vir my artikel oor Oliver North gebruik. Groete. Frank (kontak) 15:33, 9 Julie 2014 (UTC)

Translation notification: Wikidata:News

Hello Naudefj,

You are receiving this notification because you signed up as a translator to Afrikaans on Wikidata. The page Wikidata:News is available for translation. You can translate it here:

• translate to Afrikaans

The priority of this page is medium.

Your help is greatly appreciated. Translators like you help Wikidata to function as a truly multilingual community.

Thank you!

Wikidata translation coordinators‎, 07:03, 27 Julie 2014 (UTC)

Verwyder van inligting uit "Woord" artikel

Goeienaand Frank. Ek is 'n student in Afrikaanse taalkunde aan die NWU op Potchefstroom. Ons is besig met 'n projek waarmee ons die taalkundeartikels op die Afrikaanse Wikipedia opdateer. Die twee lyste wat verwyder is, is lyste van verskillende woordsoorte en van woordverhoudings. Die gevoel is dat hierdie twee onderwerpe as aparte artikels afsonderlik bespreek moet word en nie onder die artikel oor die "woord" nie. Ek het gepoog om slegs 'n definisie van die term woord onder die opskrif te plaas. Daar sal 'n afsonderlike "woordsoort" blad met sy eie artikels geskep word. Ek sal in die "woord" artikel 'n verwysing aanbring na woordsoorte en woordverhoudings. Dankie

Dankie vir die verduideliking. Ek kan sien julle manne is Afrikaans goed magtig en dit wonderlik om julle hier betrokke te sien, maar daar is 'n aantal probleme met die artikel nadat julle met hom klaar is. Lees groot asseblief Wikipedia:Wenke vir die skryf van ’n goeie artikel en Wikipedia:Styl voor julle verder gaan. As daar enige onduidelikheid is, vra gerus, dit neem gewoonlik 'n rukkie om aan die werkswyse hier gewoond te raak. Groete. Frank (kontak) 19:27, 6 Augustus 2014 (UTC)

Eva Braun

Goeie dag Naudefj, kan jy ASB laat weet hoekom jy my uitbreiding onklaar gemaak het onder Eva Braun, was die inligting dan verkeerd? Ek verneem graag van jou. Beste groete, Rokko308 (kontak) 09:59, 7 Augustus 2014 (UTC)

Jammer daaroor, maar as gevolg van die twee redes het ek onraad vermoed:

1) Stellings soos "'n vrou met 'n beperkte intelligensie" benodig 'n verwysing.

2) "om so simbolies saam Berlyn om te kom", ek vermoed die woord "in" is uitgelaat.

Sal waardeer as jy jou wysiging weer kan aanbring. Nogmaals jammer.

Groete. Frank (kontak) 11:22, 7 Augustus 2014 (UTC)

Kisduiweltjie

Ek sien jy het "(Engels="Jack-in-the-box")" uitgehaal by kisduiweltjie. Die voordeel daarvan om die woord "jack-in-the-box" in die artikel te hê is dat google dit gaan optel en mense moontlik daarnatoe kan verwys. Ek verstaan dat dieselfde artikels van verskillende tale ook gekoppel is, maar tog. Ek dog ek sê maar net. Ek val egter by julle in. Daniellouw (kontak) 19:21, 7 Augustus 2014 (UTC)

Daar is seker argumente vir en daarteen. Persoonlik sou en nie te veel Engels in ons artikels wil sien nie. Afrikaans is 'n selfstandige taal wat nie heeltyd ten opsigte van Engels gedefinieer hoef te word nie. Ek dra juis in die aande hier by om bietjie van die Engelse wêreld te ontsnap. Groete. Frank (kontak) 19:32, 7 Augustus 2014 (UTC)

Ek hoor jou.

Inligtingskas Wapen

Hallo Frank! Kan jy help met 'n nuwe sjabloon vir {{Inligtingskas Wapen}} ('n vertaling van en:Template:Infobox weapon)?

Ek sien 'n ander een begin met vliegtuig-en, ek wil nie dit verkeerd opstel nie. Moenie sukkel met parameters nie, ek kan dit self verder vertaal, soek net die geraamte!

Dankie, die besige Aliwal2012 (kontak) 11:33, 8 Augustus 2014 (UTC)

Sal probeer, dan kyk ons maar hoe dit uitdraai. Groete. Frank (kontak) 20:11, 9 Augustus 2014 (UTC)

Geskep, sal môre afrond. Groete. Frank (kontak) 20:47, 9 Augustus 2014 (UTC)

Dankie Frank, lekker slaap! Aliwal2012 (kontak) 20:55, 9 Augustus 2014 (UTC)

SAL Vlug 228

Thank you for starting the article SAL Vlug 228! WhisperToMe (kontak) 04:19, 21 Augustus 2014 (UTC)

Die 'n reuse plesier. Groete. Frank (kontak) 18:17, 22 Augustus 2014 (UTC)

Suid-Afrikaanse Spoorweë en Hawens

Frank, terwyl ek gaan voort stoom, kan jy help met artikel oor bogenoemde Maatskappy? Groete! Oesjaar (kontak) 16:48, 22 Augustus 2014 (UTC)

Genugtig Oesjaar, ek het nie 'n idee waar om te begin nie.

Ek sou dink die Suid-Afrikaanse Spoorweë en Hawens is Transnet, 'n reeds bestaande artikel.

Groete. Frank (kontak) 18:17, 22 Augustus 2014 (UTC)

Nee Transnet het eers in 1981 iewers tot stand gekom. Oesjaar (kontak) 18:18, 22 Augustus 2014 (UTC)

v.C.

Dankie vir die aansture, ek sou tot volgende jaar hier gesit en aansture maak het. Winston (kontak) 17:59, 27 Augustus 2014 (UTC)

Ek weet nie eintlik waar om te stop nie. Het van agteraf van die 32ste eeu v.C. tot by die 7de eeu v.C. deurgewerk. Groete. Frank (kontak) 18:59, 27 Augustus 2014 (UTC)

Wat gaan met 801 v.C.? Oesjaar (kontak) 19:14, 27 Augustus 2014 (UTC)

Nie seker ek verstaan nie. 801 v.C. stuur aan na 9de eeu v.C., soos dit hoort. Groete. Frank (kontak) 19:17, 27 Augustus 2014 (UTC)

In 9de eeu v.C. bly dit rooi. Oesjaar (kontak) 19:26, 27 Augustus 2014 (UTC)

Dis seker in jou bladleser gekas. Probeer herlaai. Groete. Frank (kontak) 19:29, 27 Augustus 2014 (UTC)

Outeniekwa Spoorwegpas vs Montagupas

Frank, wat die ou spoorweg mense die Montagupas noem het ons omskryf as die Outeniekwa Spoorwegpas. Groete! Oesjaar (kontak) 06:03, 4 September 2014 (UTC)

Genugtig Oesjaar, staan jy nou en tegnies raak op my? Sal later kyk wat hier aangaan. Groete. Frank (kontak) 06:11, 4 September 2014 (UTC)

Ek hoop dis nou reg. Kan jy asb bevestig. Groete. Frank (kontak) 06:35, 4 September 2014 (UTC)

Laai lêers op, foto wizard?

Hello! Sorry for writing in English. As you're an administrator here, please check the message I left on MediaWiki talk:Licenses and the village pump. Thanks, Nemo 19:22, 18 September 2014 (UTC)

Referendum oor die onafhanklikheid van Skotland

Goeienaand Frank, Ek wil net graag weet wat is jou bron vir die bewering "Skotte in die buiteland is uitgesluit, daarteenoor kon nie-etniese Skotte wat in Skotland woonagtig is wel stem."? Ek het juis gehoor daar was amper 'n miljoen Skotte wat vanuit die buiteland gestem het. Self ken ek ook 'n Skot wat dit gedoen het. Ek stem wel saam dat nie-Skotte wat daar bly ook kon stem. Hoor graag van jou, --Michaelphillipr (kontak) 18:14, 21 September 2014 (UTC)

Die bron is in die artikel vermeld. Groete. Frank (kontak) 18:16, 21 September 2014 (UTC)

Baie dankie vir die moeite. Lyk my die Skot wat ek ken bly nog amptlik daar. En blykbaar is dit juis amper 'n miljoen mense wat nié vanuit die buitenland kan stem nie. Goeienag! --Michaelphillipr (kontak) 20:21, 21 September 2014 (UTC)

Knysna-olifant

Hallo! Ek sien ons werk nou altwee aan die Knysna-olifant. Ek sien jy sê dis 'n ander olifant as die Afrika olifant. Wat is jou bron hiervoor? Daar staan nie so iets op die Engelse Wikipedia. Verder sê jy sy wetenskaplike naam is Loxodonta cyclotis, wat jy sal sien die naam is vir heeltemal 'n ander olifantsoort (in Wes-Afrika) as jy op die Engelse wiki kyk. Laat my weet wat dink jy. Groete --Michaelphillipr (kontak) 16:19, 27 September 2014 (UTC)

Nee, ek werk nie daaraan nie, ek probeer jou maar net in die regte rigting stuur. Wat my betref het die Nederlandse wiki die regte inligting. Groete en sterkte. Frank (kontak) 16:21, 27 September 2014 (UTC)

Ek stem saam dit die gekoppelde Nederlandse wiki reg is. Die ding is dat dit oor heeltemal 'n ander olifant (Loxodonta cyclotis) gaan as die paar in Knysna. Onder Leefgebied sê hulle "Bosolifanten leven in groepen in het dichte laaglandregenwoud van West- en Centraal-Afrika.". So my punt is dat die Knysna-olifant foutieflik gekoppel is aan die Bosolifant in die ander tale, wat moontlik die verwarring veroorsaak het. --Michaelphillipr (kontak) 16:28, 27 September 2014 (UTC)

Die inligting wat jy uit Olifant gehaal het was reg:

• Loxodonta africana, is die savanne-olifant
• Loxodonta cyclotis, is die woudolifant of Knysna-olifant.

Sien ook: Die http://www.nieuws.be/nieuws/Afrika_heeft_twee_soorten_olifanten_zeggen_wetenschappers_f810ce76.aspx

Sterkte! Frank (kontak) 16:40, 27 September 2014 (UTC)

Die ding is dat jy (en die skrywer in jou skakel) aanneem dat die Knysna-olifant dieselfde olifant is as die olifant wat in die bosse van Kongo is. Dit is vir my moeilik om te aksepteer. Ek sal oor 'n rukkie bietjie verder soek.--Michaelphillipr (kontak) 16:46, 27 September 2014 (UTC)

Hierdie skakel ondersteun jou teorie. Nou weet ek self nie meer nie. Groete. Frank (kontak) 16:58, 27 September 2014 (UTC)

Die hele ding omtrent olifantspesies is onduidelik. Die IUCN erken selfs nog nie amptlik die Cyclotis subspesie nie (http://www.iucnredlist.org/details/12392/0). Maar as ons 'n besluit moet maak, dink ek iemand van die Knysna olifant park is betroubaarder bron 'n joernalis in België. Wat sê jy? --Michaelphillipr (kontak) 17:27, 27 September 2014 (UTC)

Jammer ek het so lank gevat, maar ek moes eers my slurp om die inligting kry. As jy saamstem, dink ek hou ons by die 3-spesie teorie, en dat die Knysna-olifant nie 'n afsonderlike spesies is nie. Groete. Frank (kontak) 16:35, 28 September 2014 (UTC)

So dan hou ons, by die Loxodonta Africana, Cyclotis en Indiese olifant? Klink reg vir my. Maar die groot vraag is tot watter spesie behoort die Knysna olifante? Stem jy saam dat hulle dan by die Loxodonta africana hoort? --Michaelphillipr (kontak) 19:41, 28 September 2014 (UTC)

100%. Groete. Frank (kontak) 19:46, 28 September 2014 (UTC)

Onderstepoort

Frank, ek wil iets skryf oor Onderstepoort. Weet jy wat die korrekte Afr naam deesdae is? Daar sal ook 'n dubbelsinnigheidsblad moet wees agv Onderstepoort voorstad. Groete! Oesjaar

Ja, dis broodnodig. Ek sien verskillende name op die web, onder andere: Onderstepoort-dierehospitaal, Onderstepoort-veeartsenykundige instituut, Onderstepoort-veterinêre hospitaal en selfs Onderstepoort Veterinêre Hospitaal. Ek sou sommer die eerste een gekies het. Groete. Frank (kontak) 05:51, 13 Oktober 2014 (UTC)

Abdelmajid Lakhal

Dearest Naudefj, how are you?

Please, I ask some minute of you time to read this page and to correct my mistakes. This great actor died on September, and I would like you put the new in his biography.

Thanks lot for your precious help.

Rei Momo (kontak) 13:15, 13 Oktober 2014 (UTC)

Duplikate?

Enige idee wat die ander veroorsaak? Oesjaar (kontak) 19:16, 1 November 2014 (UTC)

Meeste is sjabloonfoute. Dit lyk of die nuwe weergawe van MediaWiki nie so vergewensgesind is nie. Dit gaan 'n rukkie vat om alles reg te maak. Groete. Frank (kontak) 19:29, 1 November 2014 (UTC)

Dit is duidelik dat al ons Lys van dorpe in Suid-Afrika die sjabloon probleem het en jy kam maar weer die Bot daar gebruik! Oesjaar (kontak) 20:00, 1 November 2014 (UTC)

Dankie vir jou werk met hierdie dinge! Amper 3000 artikels wat gefix is! Groete! Oesjaar (kontak) 19:18, 2 November 2014 (UTC)

Dit was 'n hele naweek se werk. Daar is nog net 8 wat aandag nodig het. Groete. Frank (kontak) 19:22, 2 November 2014 (UTC)

Kragsentrales

Die gebruiklikste Afrikaans vir die Engelse "power station" is kragsentrale. Kragstasie is 'n wisselvorm, soos jy sien in dié voorbeeldsin uit die WAT: "Dit (is) meer ekonomies ... om elektrisiteit te ontwikkel in kragsentrales wat naby steenkoolmyne opgerig is ... in stede van steenkool na verafgeleë kragstasies te verspoor (Panorama, Apr. 1971, 2)." Morne (kontak) 11:13, 5 November 2014 (UTC)

Ek dag 'n kragstasie wek krag op en die -sentrale versprei dit. M.a.w. elke kragstasie het 'n sentrale, maar nie elke kragsentrale het 'n stasie nie. Sal bietjie oplees om agter die kap van die byl te kom. Groete. Frank (kontak) 17:00, 5 November 2014 (UTC)

Volgens my HAT:

• Kragsentrale: Sentrale vir die opwekking van elektriese energie; kragstasie.
• Kragstasie: Kragsentrale.

Foutjie by Sabiha Gökçen Lughawe!

Hallo Frank, kyk net hier, die kategorie moet lughawe wees, nie lugredery nie.

Groete, Aliwal2012 (kontak) 18:43, 22 November 2014 (UTC)

Geen probleem, ek maak dit gou reg. Groete. Frank (kontak) 18:45, 22 November 2014 (UTC)

Biltong....

Jou artikels oor die wildsbokke maak my so lus vir biltong.... Ai! Groete! Oesjaar (kontak) 07:10, 11 Desember 2014 (UTC)

Republiek Winburg - Potchefstroom

Frank, sien Nieuwe Republiek en die sjabloon onderaan oor die ou republieke. Opdateer met jou artikel asb. Groete! Oesjaar (kontak) 07:41, 17 Desember 2014 (UTC)

Sal so maak, meneer! Groete. Frank (kontak) 16:02, 17 Desember 2014 (UTC)

Waardeer! Groete! Oesjaar (kontak) 16:24, 17 Desember 2014 (UTC)

Fanie Olivier

Kyk onder Pryse. Groete! Oesjaar (kontak) 19:31, 22 Desember 2014 (UTC)

...en Antjie Krog!

Het hulle by Reina Prinsen Geerligs-prys bygewerk. Dankie. Frank (kontak) 19:36, 22 Desember 2014 (UTC)

Laaste vir 2014

Frank, hierdie was my laaste bydrae vir 2014. Dankie vir jou spanwerk en ondersteuning. Môre ry ons vroeg en ver! Beste wense vir 2015 en hopenlik gaan ons daai koppie koffie drink! Oesjaar (kontak) 14:14, 25 Desember 2014 (UTC)

Alles van die beste vir 2015! Reis voorspoedig en kom in een stuk terug. Hier is nog baie wat gedoen moet word. Groete. Frank (kontak) 14:18, 25 Desember 2014 (UTC)

Hello

Hello dear Naudefj! , Actif on SWMT and x-wiki patroller, i would like to help this wiki to fight vandalism and spam. Is it possible to get my edits automatically checked? and also uitgesonderdes van IP-adresblokkades? I have sysop on two wiki and various rights across other projects. Regards and wonderful holiday! --Grind24 (kontak) 18:13, 28 Desember 2014 (UTC)

Since you don't have a track record here, I suggest you start making your changes. If they prove to be useful, we can discuss additional privileges later. Best regards. Frank (kontak) 18:29, 28 Desember 2014 (UTC)

Ok thank for your answer :).--Grind24 (kontak) 18:38, 28 Desember 2014 (UTC)

Spamer User

hi afwiki admin, plz blocked user:Almogmoyal , this is a Global spamer and blocked in any wiki SUL , thanks --فلورانس (kontak) 15:26, 30 Desember 2014 (UTC)

Done, thanks for the heads-up. Best regards. Frank (kontak) 15:36, 30 Desember 2014 (UTC)

I have unblocked Shanmugamp7

You blocked the steward Shanmugamp7 going about crosswiki actions. I have unblocked them. We would request that you always talk to a steward prior to acting against them. Shanmugamp7 will try and pop past tomorrow(ish) to discuss what he has done to elicit that response. Billinghurst (kontak) 15:24, 31 Desember 2014 (UTC)

Jammer ou maat, ek wou eintlik vir Keszthelyi_levente blokkeer. Groete. Frank (kontak) 15:37, 31 Desember 2014 (UTC)

Hi Naudefj, I know the block was done by mistake but i was not able to respond since you hard blocked me. I also done these kind of mistakes but please take little more care while hard blocking users. And block of Keszthelyi_levente is expired, Please feel free to re block --Shanmugamp7 (kontak) 06:17, 1 Januarie 2015 (UTC)

Persoonlike rekenaar

Frank, kan jy dalk help met so kort ou saadjie oor bogenoemde? Dit is in jou verwysingsraamwerk; dan maak ons iets soos 14 skakels blou! Groete! Oesjaar (kontak) 08:07, 7 Januarie 2015 (UTC)

Sal die een werk? Groete. Frank (kontak) 10:33, 7 Januarie 2015 (UTC)

Altyd! Dankie! Oesjaar (kontak) 10:39, 7 Januarie 2015 (UTC)

Oor "Wat om te doen"

Hallo Frank. Moet dit nie "Verwaarloosde artikels" wees nie? Groete hansjoseph (kontak) 05:51, 10 Januarie 2015 (UTC)

Oops, sal dit gou regmaak. Dankie. Frank (kontak) 07:07, 10 Januarie 2015 (UTC)

Geselshoekie

Loer asb daar by Steenbok! Groete! Oesjaar (kontak) 06:24, 14 Januarie 2015 (UTC)

Daai bladsy behoort aan Gebruiker:Michaelphillipr. Miskien moet jy hom eers vra voordat jy dit skrap. Groete. Frank (kontak) 06:30, 14 Januarie 2015 (UTC)

Moederbord

Frank, weereens dankie vir al jou harde werk! Job se geduld? Wel, hy was duidelik nie betrokke by Wiki nie! Kan jy dalk help met moederbord ook asb? Groete!

Uitgevoer. Groete. Frank (kontak) 10:01, 18 Januarie 2015 (UTC)

xxx!! Oesjaar (kontak) 11:32, 19 Januarie 2015 (UTC)

Ek het jou bot nodig.

Op hierdie halfbewolke Maandagmiddag lees ek in Norme vir Afrikaans (2003:60):

Twee probleme word hier uitgesonder (voorsetsels), naamlik (i) die Engelse invloed op die gebruik van Afrikaanse voorsetsels... Engelse invloed word op minstens drie wyses in Afrikaans gereflekteer: aanpassing... Die (onbewuste) aanpassing van Afrikaanse idiomatiese uitdrukkings by die Engelse patroon kom dikwels voor, byvoorbeeld:

(a) ?in ander woorde in plaas van: met ander woorde (Eng. in other words).
(b) ?iets vervang met in plaas van: iets vervang deur (Eng. replace with).

Sal jy asseblief jou bot aan die werk sit, oftewel in die werk steek (magtig, dit raak moeilik - ek dink Intensiewe moet ek los en eerder 'n ander projek begin). Nou - nommer (b) wil ek heeltemal uitgewis kry - daar is so 175+ gevalle.

Opdrag: vervang met > vervang deur. Kan hy/jy dit doen? Suidpunt (kontak) 10:54, 19 Januarie 2015 (UTC)

Ek is seker ons kan. Sal later die knopdonkie aan die gang probeer kry. Groete. Frank (kontak) 11:32, 19 Januarie 2015 (UTC)

Jammer, maar ek wonder al meer of dit die regte ding is om te doen:

"Verset teen gevestigde Engelse invloed is nutteloos, selfs skadelik want dit laat taalgebruikers onseker voel. Voorbeelde is stasiemeester, magistraat en vervang met in plaas van vervang deur."[5]. Behalwe dit, wonder ek of daar uitsonderings is. Kan die vervanging in alle gevalle sonder enige nagevolge gemaak word? Groete. Frank (kontak) 18:54, 19 Januarie 2015 (UTC)

Baie dankie, nog iets: ek wil hierdie Wikimania-banier hier bokant ons koppe verafrikaans. Ek het dit reeds vertaal, dit moet nog net aanvaar of geredigeer word. Tot dusver klink dit so (Duits en Nederlands toegevoeg as voorbeeld):

Bewerbungen für Wikimania 2015-Stipendien und Programmbeiträge können nun eingereicht werden.

Beursaanvragen voor Wikimania 2015 zijn vanaf nu mogelijk. Stuur een voorstel voor een presentatie in!

Aansoek kan nou gedoen word om voorleggings en beurse vir die Wikimania Samekoms van 2015.

Mehr Informationen findest du auf der Hauptseite.

Zie de hoofdpagina voor meer informatie.

Wend u om meer inligting tot die hoofblad. (Ek belowe jou, dis 1997-Pharos-woordeboek-korrek...) Suidpunt (kontak) 12:09, 19 Januarie 2015 (UTC)

Ek sal van 'n vrye aanpassing van die Duitse een hou: Vind meer inligting op die hoofblad. Kort en bondig. Suidpunt (kontak) 12:21, 19 Januarie 2015 (UTC)

Suidpunt, jy kan self die boodskappe vertaal en invoer deur op '[Help ons met vertaling]' te klik. Die skakel kan regs onder aan die banier gevind word.

NS: "Wend u om meer inligting tot die hoofblad" klink vir my nogal mooi!

Groete. Frank (kontak) 16:01, 19 Januarie 2015 (UTC)

Weereens dankie, iemand het dit "aanvaar" - dit vertoon nou. Ek is baie tevrede. Suidpunt (kontak) 19:08, 19 Januarie 2015 (UTC)

Versoekie!

Hi Frank, hoe gaan dit daar bo by julle? Kan jy asb. Lys van Suid-Afrikanse ordes, dekorasies en medaljes skrap, dis reeds korrek geskuif deur André Kritzinger. Groetnis, Aliwal2012 (kontak) 06:15, 20 Januarie 2015 (UTC)

Lyk my Oesjaar het my met 0.1 van 'n millisekonde voorgespring. Groete. Frank (kontak) 06:22, 20 Januarie 2015 (UTC)

Dit was 0.001! Groete! Oesjaar (kontak) 06:23, 20 Januarie 2015 (UTC)

:en:Do not buy Russian goods!

Hello! Could you translate an article about boycott of Russian goods in Ukraine for the Afrikaans Wikipedia? Thanks for the help.--Trydence (kontak) 22:32, 25 Januarie 2015 (UTC)

I would prefer not to get involved. Sorry. Frank (kontak) 05:59, 26 Januarie 2015 (UTC)

Invitation to Medical Translation

Medical Translation Project

Invitation to the Medical Translation Project – a joint Wikimedia project started by the English language WikiProject Medicine! Thank you for being one of the top Medical editors! I want to use this opportunity to introduce you to our most ambitious project. We want to use Wikipedia to spread knowledge where it will be used. Studies have shown that Wikipedia is the most common resource of medical knowledge, and used by more people than any other source! We want high quality articles, available to everyone, regardless of language ability. It isn't right that you would need to know a major language to get hold of quality content! That is why in the recent Ebola crisis (which is still ongoing) we translated information into over 70 languages, many of them small African languages. This was important, as Wikipedia was also shown to be the biggest resource used in Africa for information on Ebola! We see tremendous potential, but also great risks as our information needs to be accurate and well-researched. We only translate articles that have been reviewed by medical doctors and experts, so that what we translate is correct. Many of our translators are professionals, but many are also volunteers, and we need more of you guys – both to translate, but also to import finished translations, and fix grammatical or other style issues that are introduced by the translation process. Our articles are not only translated into small languages, but also to larger ones, but as of 2015 this requires users to apply for an article to be translated, which can be done here (full articles, short articles) with an easy to manage google document. So regardless of your background head over to our main page for more information, or to our talk page and ask us questions. Feel free to respond in any language, we will do our best to find some way to communicate. No task is too small, and we need everyone to help out! I hope you will forgive me for sending this message in English – we also need translators for messages like this, and above all local language community managers, which act as a link between us and you. Also I can not reply on your talk page, so please go to our talk page! Thank you for helping medical information on Wikipedia grow! -- CFCF 🍌 (email) 15:37, 28 January 2015 (UTC) Google Translation of this message

Eenvormigheidswet

Dankie vir jou opknapping van hierdie artikel. Net gewonder hoekom daar spasies langs die opskrifte is? Ek het gedink dit mag 'n probleem meebring as mens skakel na 'n paragraaf, maar ek sien baie mense doen dit so. JMK (kontak) 17:25, 1 Februarie 2015 (UTC)

Dis een van die veranderinge wat outomaties deur Auto-Formatter aangebring word. Ek neem aan dis ter wille van eenvormigheid. Groete. Frank (kontak) 20:08, 1 Februarie 2015 (UTC)

Dumps

Frank, die inligting in die dumps, is dit nou ons normale statistieke soos aantal bladtrekke, nuwe artikels ens soos ek dit ken? Groete! Oesjaar (kontak) 06:22, 9 Februarie 2015 (UTC)

Dis 'n rugsteunkopie (backup) van ons wiki. Almal van ons behoort 'n kopie hiervan op ons rekenaars te hou. As Wikipedia vou, kan ons al ons artikels hieruit terugkry. Dit word ook vir 'n klomp ander dinge gebruik, soos om vir sintaksfoute te soek (natuurlik aflyn, sonder om die webtuiste se werkverrigting te beïnvloed). Groete. Frank (kontak) 06:35, 9 Februarie 2015 (UTC)

Ek sal opvolg. Hou solank die nuutste kopie, net vir incase... Groete! Oesjaar (kontak) 06:39, 9 Februarie 2015 (UTC)

Dankie Oesjaar! Groete. Frank (kontak) 06:41, 9 Februarie 2015 (UTC)

Wat sit in 'n katnaam?

Wow, Frank, Wow!

Ek bedank jou vir al jou mooi prente ens. maar hierdie luiperd wat ek hier het is spesifiek van toepassing op die een in die Kaap, waarvan net minder as 500 diere oor is (ek het dit juis by Melanotica ingedeel, sou die lot eendag besluit om weer die dier se naam te verander). Die Cape Leopard Trust (jy het seker van hulle gehoor - dink aan Leopards Leap Wyne) is slegs van toepassing hier aan die Kaap.

Anders moet ons dadelik die artikel se naam verander na "Afrikaluiperd" - wat beteken dat die ons KONTINENTAAL moet gaan - wat verdomp moeilik is. Andersins behou ons eenvoudig "Kaapse luiperd" en skryf net wat in die Kaap aangaan (ongeag wat die mense aan die taalbalk sien). Andersins verander ons dit na "Afrikaluiperd" (om tegnies korrek te wees), maar skryf 'n heilige artikel oor die een op die berghange van Worcester.

Ek het gister die volgende brief geskryf, maar het toe nie gedink dit is nodig nie, want ek het iewers onthou van AZ.wikipedia se p.p. melanotica:

Die brief:

Ek wil graag 'n artikel begin oor luiperds in die Wes-Kaap. Daar is meer as genoeg literatuur daarbuite.

Die groot probleem wat ek tans het is die naam self. Volgens die anderstalige Wikipedia-artikels, maar so ook die tydskrifartikels tot my beskikking, is al die luiperds op hierdie vasteland geneties verwant. Alle verwysings moet dus gestuur word na Afrikaluiperd (Panthera pardus pardus), wat weer sal beteken dat ek aandag moet skenk aan al die luiperds op die Afrikavasteland se leefwyse.

Daar is tog verskille: die Oos-Afrikaanse luiperd is byvoorbeeld groter, swaarder en sy pels helderkleuriger as ons eie vaaljapie hier. Natuurlik sal die eetgewoontes verskil. Daar is selfs sprake dat, volgens Martins (2006), die luiperd in die Wes-Kaap geneties afwyk van dié in die Oos-Kaap, Kwazulu-Natal, Limpopo en Mpumalanga.

Ons het dus twee keuses:

• Kaapse luiperd: Albert Günther het reeds in 1885 hierdie subspesie identifiseer as Panthera pardus melanotica. Ons weet ook van die Kaapse Luiperd Trust. In die Duitse taalakker word ook gepraat van die Kapleopard/Kap-Leopard. Natuurlik lewer Google ook 8 050 soekresultate.
• Afrikaluiperd in die Wes-Kaap (om nou meer tegnies korrek te wees).

(Einde van boodskap)

Ek dink ons moet 'n spoedberaad met die af.wiki-gemeenskap hou. (Maar weereens dankie vir jou moeite en bedanking!) Suidpunt (kontak) 20:28, 14 Februarie 2015 (UTC)

Jou eerste sin het my bietjie onkant betrap: "Die Kaapse luiperd (Panthera pardus pardus)...". Die prente en taksoboks pas by die vermelde wetenskaplike naam. Ek sal dit na Panthera pardus melanotica verander, dan kyk jy maar of dit beter lyk. Voel vry om te wysig of terug te rol. Groete. Frank (kontak) 08:23, 15 Februarie 2015 (UTC)

Dankie, die opskrif bo lyk prima! Dit gee ook die nodige ruimte indien jy spesifiek na die Transvaalluiperd wil verwys, of die een in Mpumalanga of die Oos-Kaap. Dit is slim. Suidpunt (kontak) 10:19, 15 Februarie 2015 (UTC)

Groot Mere

Frank, ek wil graag die data in die tabel onder die sketse van die Groot Mere in dieselfde orde kry as die sketse. Kan jy help? Groete! Oesjaar (kontak) 16:57, 1 Maart 2015 (UTC)

Dit toe reggekry, ek is maar versigting met die strepe en uitroeptekens en dinge! Groete! Oesjaar (kontak) 06:52, 4 Maart 2015 (UTC)

Jammer, ek wou nog hierna kyk, maar het skoon vergeet. Groete. Frank (kontak) 06:54, 4 Maart 2015 (UTC)

Plesier vir H.J.J.M. van der Merwe

Dis 'n plesier. Ek het by die industriële gebied in Hermanus (soos jy vanaf die Gateway Sentrum na die Mediclinic Hospitaal ry) by Snuffels (tweedehandse winkel) op hierdie rooi Gedenkbundel afgekom. My vingers was pikswart gegrawe in daardie winkel (in die chaotiese volgorde was ek drie ure besig om te sif, waarna ek besluiteloos voor 'n bibliotekie gestaan het wat ek alles wou koop! Oplaas moes ek vaarwel roep aan 'n klomp Hollandse boeke van uitmuntende gehalte.).

Dit was vir my jammer om sy vrou se handskrif op die eerste skoon bladsy te sien. Dit is met 'n swart pen op die 1ste Junie 1976 geskryf (nogal voor die Soweto-opstand, maar twee jaar na Van der Merwe se dood): Liewe Hans en Milly, Baie dankie vir 'n mooi vriendskap. Hartlike groete, van Winnie van der Merwe. Haar hoofletter M'e se laaste afwaartse streep maak 'n fleurige draai.

Wat my laat wonder: hoe op aarde spoel so 'n boek vanaf Pretoria uit in 'n stofbedekte winkel in Hermanus? Dit slaat my dronk. Suidpunt (kontak) 16:18, 18 Maart 2015 (UTC)

Dis al die Pretorianers wat in Hermanus gaan aftree het saam met hulle ou boeke! Aliwal2012 (kontak) 16:29, 21 Maart 2015 (UTC)

VisualEditor

Naand Frank, sien asb. die boodskap by die geselshoekie oor VisualEditor. Dit klink nogal belangrik vir my! Groete, Gert. Aliwal2012 (kontak) 16:29, 21 Maart 2015 (UTC)

Ja, dis is 'n belangrike stap om dit makliker te maak om Wikipedia te wysig (hoewel dit nie vir my is nie!)

Dit is egter nog net 22% vertaal. Sal waardeer as jy bietjie kan uithelp by https://translatewiki.net/w/i.php?title=Special:Translate&group=ext-visualeditor-0-all&language=af&filter=!translated&action=translate

Groete. Frank (kontak) 08:18, 22 Maart 2015 (UTC)

Vandalisme

Hallo, kan jy asseblief iets oor die vandalisme van 213.126.49.83 doen? Ek het nie die nodige gebruikersregte om die betrokke IP adres te blokkeer nie. Dankie! JCBrand (kontak) 12:56, 23 April 2015 (UTC)

Ek dink ons het hom nou op sy plek gesit! Doen gerus aansoek om administrateurskap, dan kan jy help om sulke vandalisme te bestry. Groete. Frank (kontak) 13:21, 23 April 2015 (UTC)

Baie dankie vir vasstelling dat bladsy!

Goeie môre! Ek net gewens te dank u vir vasstelling dat bladsy. My Afrikaans is so swak dat ek is geskaam van 't. Maar nou, gevolg van u, dat bladsy is al beter! Baie dankie, meneer. Tharthan (kontak) 16:09, 24 April 2015 (UTC)

Die bladsy het nog bietjie werk nodig, maar ek is seker ons sal dit met tyd uitsorteer. Vanwaar is u en hoe het u Afrikaans so goed geleer? Groete. Frank (kontak) 17:55, 24 April 2015 (UTC)

Ek is van Nieu-Engeland. Ek het geleer Afrikaans vir deel van my taalkundige studies van ander Germaanse tale. Tharthan (kontak)

"'t" is nie gebruik in Afrikaans nie?

Ek het gedink dat "'t" net 'n bietjie ongewoon of skaars op die ergste. Ek het nie geweet dat "'t" glad nie gebruik is nie. Is u seker dat "'t" glad nie hoegenaamd gebruik? As "'t" is glad nie gebruik word nie, dan sal ek nie gebruik nie "'t" (Ek sal "'t" nie gebruik nie in artikels, want "'t" is duidelik nie in algemene gebruik as niks anders nie). Tharthan (kontak) 18:12, 24 April 2015 (UTC)

Ek vermoed 't is 'n verkorting van "het" (hê). Soos jy dit gebruik klink dit eerder soos die Afrikaanse "die" of "dit". Heeltemal verstaanbaar, maar beslis nie Standaardafrikaans nie. Groete. Frank (kontak) 20:59, 24 April 2015 (UTC)

Translating the interface in your language, we need your help

Hello Naudefj, thanks for working on this wiki in your language. We updated the list of priority translations and I write you to let you know. The language used by this wiki (or by you in your preferences) needs about 100 translations or less in the priority list. You're almost done!

To add or change translations for all wikis, please use translatewiki.net, the MediaWiki localisation project.

Please register on translatewiki.net if you didn't yet and then help complete priority translations (make sure to select your language in the language selector). With a couple hours' work or less, you can make sure that nearly all visitors see the wiki interface fully translated. Nemo 14:07, 26 April 2015 (UTC)

Bespreking:Slag van Sandfontein

Frank, ek het 'n moerse lang link daar gelos wat lei na 'n detail kaart van die slag iewers op Google. My vraag, mag ons die kaart gebruik? Groete! Oesjaar (kontak) 06:03, 29 April 2015 (UTC)

Dit lyk tog so. Die kaart dateer uit 1914 wat beteken dat die kopiereg lankal verval het. Groete. Frank (kontak) 06:08, 29 April 2015 (UTC)

Beloning opgevra!

Dagsê Frank, ek voel bietjie skaam hieroor, maar kan ek reeds jou beloning van R200 opëis? My artikel is Mak maak, wat ek vandag sedert 10h00 vertaal het met behulp van en:Domestication en nl:Domesticatie.

Die artikel gaan nog groei vanaand, maar ek wil nie hê iemand moet my voorspring nie. Ek sien Winston werk aan kolonoskopie!

Groete, Aliwal2012 (kontak) 13:36, 9 Mei 2015 (UTC)

Toegeken! Baie dankie vir jou moeite. Ek sal jou per e-pos kontak vir verdere reëlings. Groete. Frank (kontak) 18:44, 9 Mei 2015 (UTC)

Sjoe, baie dankie! Ek ly bietjie aan "You snooze you loose"-sindroom, maar dis nou 'n verrassing! Aliwal2012 (kontak) 19:07, 9 Mei 2015 (UTC)

Sintaksfout by Maan

Môre Frank, ag help my bietjie, ek het vasgebrand op die maan. Daar was iets tussen <!-- --> wat ek oopgemaak het. Dankie Aliwal2012 (kontak) 06:49, 10 Mei 2015 (UTC)

Ek het al vantevore met die een gesukkel. Die beste is om dit vir eers terug te rol. Dan kan ons later daarna kyk. Groete. Frank (kontak) 06:53, 10 Mei 2015 (UTC)

Heilige Romeinse Ryk

Frank, help asb! Die sjabloon wys net die leiers tot by nommer 10 en daar is meer! Groete! Oesjaar (kontak) 13:35, 24 Mei 2015 (UTC)

Hi Frank en Oesjaar! Ek het by Sjabloon:Inligtingskas Voormalige land nog paramaters bygevoeg tot by "leader40", maar dit lyk nie of dit help nie. Die probleem is op die Engelse sjabloon (waarvan ons s'n aflei), wat tans beperk is tot 9 leiers. Ek het nou net 'n versoek vir wysiging aangevra op die Engelse blad! Groete, Aliwal2012 (kontak) 09:40, 25 Mei 2015 (UTC+2)

Miskien sal dit beter wees indien ons 'n nuwe sjabloon ontwerp soortgelyk aan dié van pouse? Groete! Oesjaar

Hi, ek het 'n antwoord gekry van Alakzi uit Europa - die sjabloon is net bedoel vir die eerste en laaste heersers, en as dit dan MOET, iemand tussenin wat belangrik genoeg geag word - dus: 'n maksimum van 9 en nie almal nie! (Ek stem ook saam!) Aliwal2012 (kontak) 13:56, 25 Mei 2015 (UTC)

Dit maak sin. Inligtingskasse is seker nie bedoel vir elle lange lyste nie. Ek neem aan die volledige lys kan in die artikel self geakkommodeer word. Groete. Frank (kontak) 15:59, 25 Mei 2015 (UTC)

Ek't drooggemaak, help asb.

Hallo Naudefj, Ek't drooggemaak met die verwelkoming. Kan jy asb. help en hierdie twee uitvee? Gebruiker:Ronell2706‎, Gebruiker:Hoephoep‎. Dankie! --Alias (kontak) 12:24, 3 Junie 2015 (UTC)

So gemaak :-) Groete. Frank (kontak) 13:38, 3 Junie 2015 (UTC)

Operasie Barbarossa

Hi Frank! Kyk net bietjie daar, die syfers in (Oesjaar se) teks en jou inligtingskassie stem nie ooreen nie. Lekker aand! Aliwal2012 (kontak) 19:32, 21 Junie 2015 (UTC)

Ek het so opgemerk, hoewel die getalle nie vreeslik uit is nie. Die inligtingskas het nog bietjie werk nodig. Groete. Frank (kontak) 19:39, 21 Junie 2015 (UTC)

Weinig van die bronne stem in elk geval ooreen! Groete! Oesjaar (kontak) 19:43, 21 Junie 2015 (UTC)

Bergse kraaier

Dag Frank, dankie vir die verbeterings in die artikel!

Ek is 'n nederlander en is Afrikaans nie werklik perfek magtig nie. Ek wil egter graag bydra aan die Afrikaanse wiki. Wie kan my help om my artikels bv. oor hoenderrasse te verbeter, voordat ek hulle publiseer?

Opzwartbeek (kontak) 13:25, 26 Junie 2015 (UTC)

Hallo Opzwartbeek, is die artikels in jou sandput? Plaas skakels na hulle hier en dan kan mense wat belangstel (insluitend myself) help met redigering. Groete JCBrand (kontak) 14:47, 26 Junie 2015 (UTC)

Grappies

Maar jy is vol grappies vanaand. Is jy in 'n goeie of 'n slegte bui? :) Winston (kontak) 19:45, 30 Junie 2015 (UTC)

Jammer daaroor, dit was gelukkig van korte duur. Groete. Frank (kontak) 06:59, 1 Julie 2015 (UTC)

Moontlik interessant?

Nederlandse taalbeweging. Jcwf (kontak) 13:17, 4 Julie 2015 (UTC)

Ek sal bietjie kyk. Dankie Jcwf! Groete. Frank (kontak) 08:10, 5 Julie 2015 (UTC)

Boeregeneraals

Frank, kan jy asb help? Ek het so bietjie getimmer aan ons Boeregeneraals en toe kom ek agter van hulle skort nog infobokse. Groete! Oesjaar (kontak) 17:08, 12 Julie 2015 (UTC)

Kan jy hulle asseblief hier lys? Groete. Frank (kontak) 18:23, 13 Julie 2015 (UTC)

• Piet de Wet
• Philip Botha
• Johannes Hermanus Michiel Kock
• Petrus Liebenberg
• Marthinus Prinsloo

Hier vanaf São Paulo om 21:30 - 2:30 julle tyd! Groete! Oesjaar (kontak) 00:36, 14 Julie 2015 (UTC)

Só jy kerjakker lekker rond terwyl ons moet werk :-) Geniet die konferensie. Groete. Frank (kontak) 06:26, 14 Julie 2015 (UTC)

Uitgevoer Hi Frank, ek het jou voorgespring met die Boeregeneraals! Kyk maar of daar nog verbetering is. Groete Aliwal2012 (kontak) 15:54, 14 Julie 2015 (UTC)

Dit lyk goed, dankie Aliwal2012! Groete. Frank (kontak) 09:08, 15 Julie 2015 (UTC)

Solid state drive.

Frank, wat is die korrekte Afr hiervoor? Dit moet ook op Rekenaarterme aangebring word. Groete uit Meksiko! Oesjaar (kontak) 14:02, 18 Julie 2015 (UTC)

'n Vastetoestand-skyf. Dit klink amper net so simpel soos Solid State Drive. Persoonlik dink ek dis voldoende om sommer net van 'n SSD te praat. Groete. Frank (kontak) 14:22, 18 Julie 2015 (UTC)

Dankie! Dalk beter: hardegeheue siende dat daar geen bewegende dele is nie?

Nog nie daai een gehoor nie, maar 10 uit 10 vir oorspronklikheid. Groete. Frank (kontak) 18:30, 18 Julie 2015 (UTC)

Meksiko

Na vier dae hier in Meksiko, dit is my opninie dat jy hier moes gewees het met jou tegniese agtergrond. Hoe voel jy daaroor om volgende jaar ons Wiki in Italië te verteenwoordig? Ek sal help met die motivering. Groete! Oesjaar (kontak) 14:30, 18 Julie 2015 (UTC)

Nie nou nie, maar dankie vir die aanbod. Ek het al reg oor die wêreld op lughawens oorgesit. Dit was groot pret toe ek jonger was, maar nie meer nie. Miskien eendag nadat ek afgetree het (of my werk verloor het, in die land weet mens nooit). Groete. Frank (kontak) 18:32, 18 Julie 2015 (UTC)

Platinum of Platina?

Dagsê

Ek is nie 'n gereelde bydraer nie, maar het 'n vraag - ek het grootgeword met die woord 'Platina' in my kop. My ma is 'n Afrikaanse juffrou en nogal puntenerig. Ek sien egter dat dit op die SABC altyd Platinum genoem word - en selfs hier op Wikipedia is die Afrikaanse artikel 'Platinum' soos op Engels. Is dit reg?

Groete

Pieter Hugo

Hallo Pieter, ek is nie 'n taalkundige nie, maar sover ek verstaan is platina die metaalerts, terwyl platinum die chemiese element is. Vergelyk die definisies in die HAT, Groete. Frank (kontak) 12:05, 22 Julie 2015 (UTC)

Albei is aanvaarbaar volgens die Woordeboek van die Afrikaanse Taal:

platina s.nw.

1 Metaalerts wat platinum en ander metale i.d. platinumgroep bevat: Die skuldvermindering was moontlik nadat R1,6 miljoen sover in die eksplorasie na platina gebruik was (Tegniek, 13 Mrt. 1987, 77). Ryk goudafsettings is in die laat veertigerjare onder die Vrystaatse grasveld ... ontdek ... Afsettings van platina is by Rustenburg in die noordweste blootgelê (Beeld, 28 Mei 1999, 12).

2 Platinum: Gedurende die eerste dekades van hierdie eeu is platina hoofsaaklik vir juweliersware en verspreidingsdoeleindes gebruik (Panorama, Febr. 1973, 1). Die omskepper se belangrikste komponent is 'n keramiek-heuningkoek waarvan die oppervlak met platina, palladium en rodium bedek is (Kat, Apr. 1990, 32). Mans wat meisies en vroue gelukkig wil hou, moet weet ... platina sal die oë laat skitter (Rapport, 17 Des. 2000, 7).

platinum s.nw. Sagte, hoogs smeebare, wit edelmetaal, Pt, wat t.d. platinumgroep behoort, veral saam met palladium i.d. aardkors voorkom, wat 'n hoë weerstand teen chemikalieë en hitte bied, en as katalisator gebruik word, veral in uitlaatstelsels, i.d. vervaardiging van juweliersware en in elektroniese toerusting; sin. platien, platina, witgoud: Sewentig persent van die wêreld se platinum kom uit Suid-Afrika (Panorama, Mei 1978, 43). Katalisators is spesiale klankdempers waarin byekorfkonstruksies van keramiek, wat met platinum oorgeblaas is, aangebring is (Transv., 6 Jun. 1991, 22). Hulle ontwerp en verkoop handgemaakte juweliersware om by kliënte se smaak en persoonlikheid te pas, hoofsaaklik van goud en diamante, hoewel die klem geleidelik na platinum verskuif (Kat, Jan. 1991, 21).

Die rede is eenvoudig: platinum bestaan nie in die Nederlandse volksmond nie (raadpleeg die Van Dale). Platina is in Nederlands direk uit Spaans oorgeneem ( http://etymologiebank.nl/trefwoord/platina ). Die Afrikaanssprekendes het dus net die Engelse weergawe oorgevat. Jou ma is dus 'n puris, en kry by my +20 krediete. Suidpunt (kontak) 12:27, 22 Julie 2015 (UTC)

Hallo

Hey, kan jy help verbeter hierdie artikels, dankie:--88.9.103.168 15:18, 9 Augustus 2015 (UTC)

• Guanche mummies
• Mummy van San Andrés
• Guanche mummie van Necochea
• Guanche mummy van Madrid