Benrose

Benrose
Voorstad
Benrose  Benrose se ligging in Gauteng
Koördinate: 26°12′39″S 28°4′54″O
Land	Suid-Afrika
Provinsie	Gauteng
Munisipaliteit	Stad Johannesburg
Oppervlak
• Totaal	1,27 km2 (0,49 vk. myl)
Bevolking  (2001)
• Totaal	4 323
• Digtheid	3 404/km2 (8 820/vk. myl)
Poskode (strate)	2094
Poskode (posbusse)	2011

Benrose is 'n voorstad van Johannesburg in Suid-Afrika.

Benrose en sy uitbreidings is voorstede sowat 6 km oos van Johannesburg se stadsaal, suid van die spoorlyn na Germiston en van die woonbuurt Belgravia, ’n onderafdeling van Jeppestown. Dis hoofsaaklik nywerheidsgebiede en pakhuisvoorstede, genoem na R. Horowitz, wat die gebiede aangelê het op die plaas Doornfontein No. 92, ter nagedagtenis aan sy moeder, Rose, wat tydens die Tweede Wêreldoorlog in ’n Duitse konsentrasiekamp omgekom het. Die naam Benrose teken “seun van Rose”.

Die dorpsgebiede is op 4 Junie 1952 geproklameer. Horowitz het bekendgestaan as die “mynhoopkoning” omdat sy maatskappy grond wat ontsier is deur mynhope gekoop, die grond laat gelykmaak en dan nywerheidsgebiede daarop aangelê het.

Volgens die sensus van 2011 was die inwonertal net 23, van wie 15 wit, vyf swart en drie Asies of Indiërs was. Vir sensusdoeleindes is die voorstad 0,74 km² groot. In die vorige sensus was die gebied amper twee keer so groot en het dit ook die plakkerskamp George Goch ingesluit. Toe was die bevolking 4 323, van wie 99,72% swart was, nege wit en drie bruin.

Bronne

• (en) Potgieter, D.J. (ed.) 1972. Standard Encyclopaedia of Southern Africa, volume 6. Cape Town: Nasionale Opvoedkundige Uitgewery (Nasou).

Verwysings

Hierdie artikel omtrent 'n plek in Johannesburg is slegs ’n saadjie. Jy kan Wikipedia help deur dit uit te brei.