Salisbury Claims

in Wikipedia, die vrye ensiklopedie
Jump to navigation Jump to search
Salisbury Claims
Ligging van Salisbury Claims op 'n kaart (Gauteng)
Salisbury Claims
Salisbury Claims
 Salisbury Claims se ligging in Gauteng
Koördinate: 26°12′36″S 28°02′42″O / 26.21000°S 28.04500°O / -26.21000; 28.04500Koördinate: 26°12′36″S 28°02′42″O / 26.21000°S 28.04500°O / -26.21000; 28.04500
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Hoofplek Johannesburg
Stigting 26 Oktober 1921
Poskode (strate) 2001
Dié straatkaart van Johannesburg is in 1897 geteken, sowat 22 jaar voor Salisbury Claims aangelê is, maar die grense van die Salisbury soos hier aangedui, het ook dié van die voorstad geword.

Salisbury Claims is ’n klein nywerheidsvoorstad van Johannesburg, sowat 800 m suidoos van die stadsaal.

Die voorstad beslaan net sowat 0,09 km² en strek oor nagenoeg 830 m van oos na wes en 800 m van noord na suid. Salisburystraat loop deur die middel van die voorstad. In die weste vorm Eloffstraat die skeidslyn met Wemmer, wat ook in die suide aan Salisbury Claims grens. In die ooste skei Von Willieghstraat die voorstad van Marshalltown, wat ook noord van Salisbury Claims loop.

Die voorstad, wat op 26 Oktober 1921 geproklameer is, is aangelê op die Salisbury-kleims, met wie se destydse grense die voorstad s’n ooreenstem. Die kleims was blykbaar op die plaas Turffontein geleë. Die naam is afgelei van die Salisbury-goudmynmaatskappy.

Blykbaar was dit nog altyd ’n nywerheidsgebied, want vir die jare 1934, 1949 en 1961 is net een keer munisipale kiesers hier getel, te wete twee Engelssprekendes in 1934.

Bronne[wysig | wysig bron]

  • (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers
  • (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.