Coronationville

in Wikipedia, die vrye ensiklopedie
Jump to navigation Jump to search
Coronationville
Ligging van Coronationville op 'n kaart (Gauteng)
Coronationville
Coronationville
 Coronationville se ligging in Gauteng
Koördinate: 26°11′10″S 27°59′20″O / 26.18611°S 27.98889°O / -26.18611; 27.98889Koördinate: 26°11′10″S 27°59′20″O / 26.18611°S 27.98889°O / -26.18611; 27.98889
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Hoofplek Johannesburg
Stigting 24 Julie 1954 (of 1953)
Oppervlak[1]
 - Voorstad 0,85 km²  (0,3 vk m)
Bevolking (2011)[1]
 - Voorstad 4 848
 - Digtheid 5 704/km² (14 773,3/myl2)
Rasverdeling (2011)[1]
 • Blank 0,7%
 • Indiër/Asiër 0,6%
 • Kleurling 38,1%
 • Swart 60,1%
 • Ander 0,5%
Taal (2011)[1]
 • Engels 36,6%
 • Tswana 30,4%
 • Suid-Sotho 6,4%
 • Afrikaans 6,2%
 • Ander 20,4%

Coronationville is ’n voorstad van Johannesburg, sowat 6 km wes van die stadsaal.

Die voorstad grens in die noordweste en noorde aan Newclare, in die noorde aan Westbury, in die weste aan Crosby en in die suide aan Langlaagte, Industria en Industria West. Coronationville is uitgelê op die plase Middelfontein en Langlaagte, en op 24 Julie 1954 (of 1953) is die stigting daarvan in die Staatskoerant gepubliseer. Daarom word soms gemeen die naam is afgelei van koningin Elizabeth II se kroning op 2 Junie 1953, maar die naam was reeds teen 1939 in gebruik; dus het dit bes moontlik betrekking op die kroning van haar vader, koning George VI in Mei 1937.

Ingevolge die Groepsgebiedewet was Coronationville ’n bruin woongebied; trouens, met die sensus van 2001 het 87% (2 265) van die inwoners hul ras as "bruin" aangedui en 11,8% (306) as swart. Vir die doeleindes van die 2011-sensus is die grense van Coronationville vergroot sodat dit ook die plakkerskamp in Ashantistraat ingesluit het. Dit het meegebring dat die swart bevolking toe 60,1% (2 915) van die totaal uitgemaak het en die bruin bevolking net 38,1% (1 846).

Bronne[wysig | wysig bron]

Verwysings[wysig | wysig bron]

  1. 1,0 1,1 1,2 1,3 "Subplek Coronationville". Sensus 2011.