Rouxville, Johannesburg

in Wikipedia, die vrye ensiklopedie
Jump to navigation Jump to search
Rouxville
Ligging van Rouxville op 'n kaart (Gauteng)
Rouxville
Rouxville
 Rouxville se ligging in Gauteng
Koördinate: 26°09′0″S 28°05′20″O / 26.15000°S 28.08889°O / -26.15000; 28.08889Koördinate: 26°09′0″S 28°05′20″O / 26.15000°S 28.08889°O / -26.15000; 28.08889
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Hoofplek Johannesburg
Oppervlak[1]
 - Voorstad 0,23 km²  (0,1 vk m)
Bevolking (2011)[1]
 - Voorstad 1 366
 - Digtheid 5 939/km² (15 381,9/myl2)
Rasverdeling (2011)[1]
 • Blank 39,6%
 • Indiër/Asiër 1,8%
 • Kleurling 2,3%
 • Swart 55,3%
 • Ander 0,9%
Taal (2011)[1]
 • Engels 47,4%
 • Zoeloe 18,5%
 • Noord-Sotho 6,0%
 • Suid-Ndebele 5,6%
 • Ander 22,5%

Rouxville is ’n voorstad van Johannesburg, sowat 8 km noordoos van die stadsaal.

Rouxville (in die middel verdonker) in 1929, voor Raedene Estate (oos daarvan), Talboton en Percelia Estate (albei noordoos daarvan) gebou sou word. In die oopte wes van Rouxville is later die voorstede (van suid na noord) Forbesdale, Cheltondale, Bagleyston en Hawkins Estate gebou.

Rouxville, wat sowat 0,22 km² beslaan en uitgelê is in die vorm van ’n onderstebo driehoek, word in die noorde begrens deur Highlands-Noord, in die noordooste deur Raedene Estate, in die suidooste deur Sydenham, in die suidweste deur Bagleyston en in die noordweste deur Hawkins Estate. Rouxville is omstreeks 1896 op ’n gedeelte van die plaas Klipfontein aangelê en genoem na Jacobus Petrus Roux (1865–1929), wat die grond in 1895 by F.D.J. Viljoen gekoop het.

Synde in die oorwegend Engelssprekende noordooste van die Goudstad, was die meeste van die voorstad se inwoners al die jare Engels. In 1934 was net twee munisipale kiesers Afrikaanssprekend, vergeleke met 64 Engels. In 1949 was steeds net twee Afrikaanssprekend, maar toe was 205 Engelssprekend. In 1961 was 42 Afrikaans, maar toe het die Engelssprekendes toegeneem tot 324. Volgens die sensussyfers van 2011 het die voorstad toe 1 366 inwoners gehad, van wie 55,3% swart was en 39,6% wit. Engels met 647 moedertaalsprekers (47,4%) was die grootste huistaal. In daardie jaar het net 18 inwoners Afrikaans as hul huistaal aangedui, 10de op die rangleer.

Bronne[wysig | wysig bron]

  • (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers
  • (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.

Verwysings[wysig | wysig bron]

  1. 1,0 1,1 1,2 1,3 "Subplek Rouxville". Sensus 2011.