Bezuidenhoutsvallei

in Wikipedia, die vrye ensiklopedie
Jump to navigation Jump to search
Bezuidenhoutsvallei
Uitsig op Bezuidenhoutsvallei vanaf Langermannskop
Uitsig op Bezuidenhoutsvallei vanaf Langermannskop
Bezuidenhoutsvallei is in Gauteng
Bezuidenhoutsvallei
Bezuidenhoutsvallei
 Bezuidenhoutsvallei se ligging in Gauteng
Koördinate: 26°11′18.3″S 28°4′48.6″O / 26.188417°S 28.080167°O / -26.188417; 28.080167Koördinate: 26°11′18.3″S 28°4′48.6″O / 26.188417°S 28.080167°O / -26.188417; 28.080167
LandVlag van Suid-Afrika Suid-Afrika
ProvinsieGauteng
MunisipaliteitStad Johannesburg
Oppervlak
 • Totaal1,77 km2 (0 68 vk, m,)
Bevolking
 (2011)[1]
 • Totaal9 252
 • Digtheid5 227/km2 (13 540/vk, m,)
Rasverdeling (2011)
 • Blank11.2%
 • Indiër/Asiër12.4%
 • Kleurling10.0%
 • Swart64.1%
 • Ander2.3%
Taal (2011)
 • Engels 45.6%
 • Zoeloe 16.5%
 • Afrikaans 5.9%
 • Ndebele 3.5%
 • Ander 28.5%
Poskode (strate)
2094[2]
Skakelkode011
Die ou NG kerk Bezuidenhoutsvallei huisves nou (2017) die Kensington Community Fellowship. Die NG gemeente is reeds in 1980 by die NG gemeente Jeppestown ingelys weens die wegtrek van Afrikaanssprekendes.

Bezuidenhoutsvallei is 'n voorstad van Johannesburg, Suid-Afrika. Dit staan in Engels bekend as Bezuidenhout Valley of kortom Bez Valley. Dit word in die noorde begrens deur Observatory en in die suide deur Kensington. In die weste grens dit aan Judith's Paarl en in die ooste aan Dewetshof.

Op 20 September 1861 het Frederik Jacobus Bezuidenhout die grond (die plaas Doornfontein) waarop die voorstad vandag geleë is, van die weduwee van die oorspronklike eienaar, B.P. Viljoen, gekoop en sy naam aan die gebied verleen. Dit lê tussen 'n lang heuwel wat bekend is as Observatory in die noorde en die Kensingtonrif in die suide. Voor die Tweede Vryheidsoorlog (1899–1902) was die vrugbare vallei 'n beesplaas. In die middel daarvan het die water van Johannesburg-Sentraal ooswaarts deur 'n moeras gevloei, wat in alle seisoene oortrek van die gras was. Maar 10 jaar later was daar duisende huisdakke waarvan die water afgeloop het. Die donga het by 10de Straat begin en binne twee jaar vergroot tot by Eerste Straat.

Tydens die oorlog, toe die vallei onbewoon was, het die Britse troepe dit as 'n skietbaan gebruik met die gewere wat van Kensington af op teikens op Observatoryheuwel geskiet het. Aan die voet van die heuwel, naby Gillooly's Farm, het die geskiedkundige Bezuidenhout-opstal gestaan met 'n laning okkerneutbome, die enigste van hul soort in Johannesburg. Destyds was die heuwels oortrek van die wildepruimbome. Daarvan het niks oorgebly nie.

Bronne[wysig | wysig bron]

Verwysings[wysig | wysig bron]

  1. 1,0 1,1 1,2 1,3 "Subplek Bezuidenhoutsvallei". Sensus 2011.
  2. "Bezuidenhoutvallei, Jeppestown, Gauteng - Postcode - 2094". South Africa Postal Code Directory. Geargiveer vanaf die oorspronklike op 29 November 2017. Besoek op 19 Junie 2017.


Flag of Johannesburg, South Africa.svg Hierdie artikel omtrent 'n plek in Johannesburg is slegs ’n saadjie. Jy kan Wikipedia help deur dit uit te brei.