Melville

in Wikipedia, die vrye ensiklopedie
Spring na: navigasie, soek
Melville
Melville, Johannesburg, South Africa.jpg
Ligging van Melville op 'n kaart (Gauteng)
Melville
Melville
 Melville se ligging in Gauteng
Koördinate: 26°10′33″S 28°0′32″O / 26.17583°S 28.00889°O / -26.17583; 28.00889Koördinate: 26°10′33″S 28°0′32″O / 26.17583°S 28.00889°O / -26.17583; 28.00889
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Hoofplek Johannesburg
Oppervlak[1]
 - Voorstad 1,72 km²  (0,7 vk m)
Bevolking (2011)[1]
 - Voorstad 3 355
 - Digtheid 1 951/km² (5 053,1/myl2)
Rasverdeling (2011)[1]
 • Blank 55,6%
 • Indiër/Asiër 5,2%
 • Kleurling 3,2%
 • Swart 33,4%
 • Ander 2,7%
Taal (2011)[1]
 • Engels 50,5%
 • Afrikaans 22,7%
 • Zoeloe 6,5%
 • Tswana 4,5%
 • Ander 15,8%
Poskode (strate) 4449
Poskode (posbusse) 4450
Die NG gemeente Melville (Melville-kruiskerk) se gebou op die hoek van Vierde Laan en Vierde Straat.
Die ou Gereformeerde kerk Johannesburg-Noord, nou 'n Sewendedagadventistekerk.

Melville is 'n boheemse voorstad sowat 5 km wes van Johannesburg se middestad waar sommige van die Goudstad se gewildste kuierplekke geleë is. Melville se kroeë en restaurante lok veral studente van die Universiteit van Johannesburg se nabygeleë Auckland Parkkampus asook studente van die Universiteit van die Witwatersrand in naburige Braamfontein.

In teenstelling met die meeste ander noordelike voorstede is Melville saam met Parkhurst en Greenville een van min plekke waar koffiehuise, restaurante en winkels langs strate geleë en nie tot winkelsentrums beperk is nie. Sy besondere atmosfeer en sy ligging naby die historiese voorstad Sophiatown maak van Melville ook 'n toeristeplekpleister. Die Melvillekoppies, golwende heuwels temidde van 'n grasveld in die gelyknamige natuurreservaat, is nie net 'n belangrike opgrawingsplek nie, maar bied ook 'n uitsig oor Johannesburg.

Geskiedenis[wysig | wysig bron]

Die voorstad is op 5 Oktober 1896 geproklameer en vernoem na die landopmeter Edward Harker Vincent Melvill. In die openbare verkoopskennisgewing is Melville beskryf as 'n "skilderagtige en gesonde plek in die nabyheid van Johannesburg, met 'n uitstekende uitsig oor die beboste landskap in die noorde, met die blou bergreekse van Pretoria wat soos lyne van staal teen die gesigseinder uitstrek".

Langs Melville se strate het koffiehuise, restaurante en winkels ontstaan. Die meerderheid eetplekke is langs 7de Straat geleë, alhoewel enkele nuwe restaurante en nagklubs langs Hoofstraat gevestig is. Met meer as dertig gashuise in die nabye omgewing is Melville 'n gewilde verblyfplek vir toeriste. Die gewilde Afrikaanse sepie 7de Laan het tot 2015 bygedra tot Melville se landswye bekendheid met openingstonele van sepia-getinte winkels langs 7de Straat.[2]

In 2015 het 'n ongewone nuwe winkelsentrum sy deure in Melville geopen. 27Boxes bestaan, soos sy naam reeds aandui, uit sowat tagtig skeepshouers wat in meer as 100 winkels omskep is. Die inspirasie vir die sentrum, wat deur die konstruksie-onderneming Citiq onderneem is, het soortgelyke projekte in Engeland en Frankryk gelewer.[3]

Sien ook[wysig | wysig bron]

Verwysings[wysig | wysig bron]