Village Deep

in Wikipedia, die vrye ensiklopedie
Jump to navigation Jump to search
Village Deep
Ligging van Village Deep op 'n kaart (Gauteng)
Village Deep
Village Deep
 Village Deep se ligging in Gauteng
Koördinate: 26°13′25″S 28°02′45″O / 26.22361°S 28.04583°O / -26.22361; 28.04583Koördinate: 26°13′25″S 28°02′45″O / 26.22361°S 28.04583°O / -26.22361; 28.04583
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Hoofplek Johannesburg
Stigting 14 Februarie 1934
Oppervlak
 - Voorstad 0,25 km²  (0,1 vk m)

Village Deep is ’n voorstad van Johannesburg, sowat 1,5 km suid van die stadsaal.

Village Deep is ’n nywerheidsvoorstad en beslaan sowat 0,25 km². Dit het ’n langwerpige vorm wat 1 km van noord na suid strek en minder as 300 m van oos na wes. Wes daarvan is die Genesis Landfill Facility, suid die spoorlyn en dan Stafford, oos Eloffstraat met suidoos Robinson Deep en noordoos Selby, en noord New Centre.

Village Deep is uitgelê op die plase Turffontein en Booysen Estate en op 14 Februarie 1934 tot dorpsgebied verklaar. Die naam, wat eers The Village was, is ontleen aan die Village Deep Levels-goudmyn.

Tot minstens die middel van die 20ste eeu moes dit ’n voorstad met gemengde grondgebruik gewees het, want volgens die munisipale kieserslys van 1934 het hier toe 25 Afrikaanssprekende en 216 Engelssprekende kiesers gewoon. In 1949 het die getalle afgeneem tot 15 en 113 en in 1961 tot net vyf en 10.

Bronne[wysig | wysig bron]

  • (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers
  • (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.