Talboton
Talboton | |
|---|---|
  Talboton Talboton se ligging in Gauteng | |
| Koördinate: 26°08′40″S 28°05′40″O / 26.14444°S 28.09444°O | |
| Land |  Suid-Afrika |
| Provinsie | Gauteng |
| Munisipaliteit | Stad Johannesburg |
| Hoofplek | Johannesburg |
| Stigting | 22 November 1944 |
| Oppervlak | |
| • Totaal | 0,08 km2 (0,03 vk. myl) |
| Bevolking (2011)[1] | |
| • Totaal | 440 |
| • Digtheid | 5 500/km2 (14 000/vk. myl) |
| Rasverdeling (2011) | |
| • Wit mense | 60,7% |
| • Indiërs/Asiërs | 2,7% |
| • Bruin mense | 2,7% |
| • Swart mense | 33,6% |
| • Ander | 0,2% |
| Taal (2011) | |
| • Engels | 72,9% |
| • Zoeloe | 8,1% |
| • Tswana | 4,4% |
| • Xhosa | 4,1% |
| • Ander | 10,6% |
Talboton is ’n voorstad van Johannesburg, sowat 7 km noordoos van die stadsaal.
Die voorstad is net 0,08 km² groot en beslaan drie hele straatblokke en ’n ry huise aan Boundaryweg. In die noorde word dit begrens deur Percelia Estate, in die ooste deur Fairmount, in die suide deur Raedene Estate (’n selfs kleiner voorstad) en in die weste deur Rouxville en Highlands-Noord. Talboton is op die plaas Klipfontein No. 139 uitgelê en op 22 November 1944 geproklameer. Die eienaar van die dorpsgebied, John Talbot Rowe, het dit na homself genoem. In 1949 het die voorstad twee Afrikaanse munisipale kiesers gehad en 74 Engelse. Teen 1961 het die Afrikaanse kiesers tot 13 toegeneem en die Engelse tot 99. Vir die sensus van 2011 is ’n groot gedeelte van die aanliggende Fairmount saam met Talboton getel. Toe was amper twee derdes van die inwoners van dié wyk wit en een derde swart. Tweede derdes (327) se huistaal was Engels en net drie Afrikaans.
Bronne
[wysig | wysig bron]- (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers
- (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.
Verwysings
[wysig | wysig bron]- ↑ 1,0 1,1 1,2 1,3 "Subplek Talboton". Sensus 2011.