Wemmer

in Wikipedia, die vrye ensiklopedie
Jump to navigation Jump to search
Wemmer
Ligging van Wemmer op 'n kaart (Gauteng)
Wemmer
Wemmer
 Wemmer se ligging in Gauteng
Koördinate: 26°12′55″S 28°02′45″O / 26.21528°S 28.04583°O / -26.21528; 28.04583Koördinate: 26°12′55″S 28°02′45″O / 26.21528°S 28.04583°O / -26.21528; 28.04583
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Hoofplek Johannesburg
Stigting 1919
Oppervlak
 - Voorstad 0,26 km²  (0,1 vk m)

Wemmer is ’n voorstad van Johannesburg, sowat 800 m suidsuidoos van die stadsaal.

Die grense van die Wemmer-goudmyn soos aangedui op dié straatkaart van 1897, stem in 'n mate ooreen met dié van die voorstad, wat in 1919 uitgelê is.

Die voorstad beslaan sowat 0,26 km² noord en suid van die M2 (Francois Oberholzer-snelweg). In die weste en suidweste grens dit aan Selby, in die noorde aan Marshalltown en Salisbury Claims, in die ooste aan Village Main en in die suidooste aan New Centre.

Wemmer is in 1919 uitgelê op die perseel van die nou uitgeputte Wemmer-goudmyn, wat ontstaan het op die plaas Turffontein. Die naam is van die myn s’n afgelei; dus roep dit die naam van Sam Wemmer (1846–1933) in herinnering, wat die destyds fabelagtige bedrag van R40 000 per jaar uit die myn verdien het, maar in volsale armoede gesterf het. Wemmerpan is ook na hom genoem.

Wemmer was vroeër jare 'n residensiële (of ten minste gemengde) voorstad, want in 1934 het hier 13 Afrikaanssprekende en 137 Engelssprekende munisipale kiesers gewoon. In 1949 was dit sewe en 71, maar teen 1961 het die nywerhede blykbaar oorgeneem, want toe was hier net een Afrikaanse en vyf Engelse kiesers.

Bronne[wysig | wysig bron]

  • (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers
  • (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.