Waverley, Johannesburg

in Wikipedia, die vrye ensiklopedie
Jump to navigation Jump to search
Waverley
Ligging van Waverley op 'n kaart (Gauteng)
Waverley
Waverley
 Waverley se ligging in Gauteng
Koördinate: 26°08′10″S 28°04′40″O / 26.13611°S 28.07778°O / -26.13611; 28.07778Koördinate: 26°08′10″S 28°04′40″O / 26.13611°S 28.07778°O / -26.13611; 28.07778
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Hoofplek Johannesburg
Stigting 9 April 1903
Oppervlak[1]
 - Voorstad 1,37 km²  (0,5 vk m)
Bevolking (2011)[1]
 - Voorstad 2 419
 - Digtheid 1 766/km² (4 573,9/myl2)
Rasverdeling (2011)[1]
 • Blank 65,5%
 • Indiër/Asiër 1,7%
 • Kleurling 0,7%
 • Swart 31,2%
 • Ander 0,9%
Taal (2011)[1]
 • Engels 74,4%
 • Afrikaans 5,6%
 • Zoeloe 5,5%
 • Tswana 3,7%
 • Ander 11,3%
Poskode (strate) 0186
Poskode (posbusse) 0135

Waverley is ’n voorstad van Johannesburg, sowat 8 km noordoos van die stadsaal.

Die voorstad beslaan sowat 1,4 km² en strek oor ’n afstand van amper 2 km van die noordwestelike tot die suidoostelike uithoek. In die noordooste grens dit aan Savoy Estate, in die suidooste, suide en suidweste aan Highlands-Noord, in die noordweste aan Melrose Arch en Birnam.

Geskiedenis[wysig | wysig bron]

Johannesburg se noordoostelike voorstede in 1929.

Waverley is op 9 April 1903 op die plaas Syferfontein uitgelê. Die naam is volgens oorlewering afgelei van die titel van die eerste roman deur sir Walter Scott, Waverley. Nog voorstede in die omgewing met ’n Skotse naam sluit Melrose, Melrose, Dunkeld, Highlands-Noord, Craighall en Blairgowrie in.

Onderwys[wysig | wysig bron]

In die suidwestelike hoek van die voorstad is twee meisieskole, waarvan die St. Mary-skool, wat in 1888 gestig en uit Belgravia hierheen verhuis het, omstreeks 1934, 'n privaat skool is.[2][3] Dié skool se skoolgeld vir dagskoliere in die hoogste drie grade het in 2018 R129 780 per jaar beloop.[4]

Reg langsaan St. Mary is die Hoër Meisieskool Waverley. Al is Waverley ’n gegoede voorstad kom dié skool se leerders hoofsaaklik uit middelklasgemeenskappe en dié wat gebuk gaan onder armoede en werkloosheid. Die skool is in 1953 gestig. Die skool het tot omstreeks 1990 ’n wit gemeenskap bedien wat oorheers is deur die Joodse kultuur, met ’n mengsel van meisies uit Engelse, Italiaanse, Libanese en Portugese huise. Namate ander hoërskole in die omgewing gestig is, het Waverley se getalle afgeneem tot ’n laagtepunt van 385 in 1991. Die getalle het begin toeneem nadat die skool aan alle rasse oopgestel is, maar die karakter daarvan het ook verander sodat die leerders nou so te sê almal swart is.[5] Dieselfde het gebeur met die Hoër Seunskool Highlands North, wat in 1939 gestig is, die eerste 12 jaar lank koëd was en waaruit Waverley in 1951 ontstaan het.[6] Nes die naam van die voorstad, is die name van Waverley se ses huise afgelei van die titels van sir Walter Scott se werke: Rob Roy, Peverill, Kenilworth, Lochinvar, Marmian en Ivanhoe.

Bronne[wysig | wysig bron]

  • (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers
  • (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.

Verwysings[wysig | wysig bron]