Victoria, Johannesburg

in Wikipedia, die vrye ensiklopedie
Jump to navigation Jump to search
Victoria
Ligging van Victoria op 'n kaart (Gauteng)
Victoria
Victoria
 Victoria se ligging in Gauteng
Koördinate: 26°9′50″S 28°4′30″O / 26.16389°S 28.07500°O / -26.16389; 28.07500Koördinate: 26°9′50″S 28°4′30″O / 26.16389°S 28.07500°O / -26.16389; 28.07500
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Oppervlak[1]
 - Voorstad 0,18 km²  (0,1 vk m)
Bevolking (2011)[1]
 - Voorstad 1 288
 - Digtheid 7 156/km² (18 534/myl2)
Rasverdeling (2011)[1]
 • Blank 12,8%
 • Indiër/Asiër 9,8%
 • Kleurling 3,5%
 • Swart 73,9%
Taal (2011)[1]
 • Engels 29,3%
 • Noord-Sotho 25,0%
 • Zoeloe 9,2%
 • Tswana 7,5%
 • Ander 28,9%
Poskode (strate) 2192
Skakelkode(s) 011
Op dié straatkaart van Johannesburg van 1929 word Victoria in die middel aangedui as vier groterige straatblokke.

Victoria is ’n klein voorstad van Johannesburg, 5,6 km noordoos van die stadsaal.

Die voorstad, wat net sowat 0,13 km2 beslaan, word in die suidweste begrens deur die Houghton-gholfbaan, in die noordweste deur Norwood, in die noordooste deur die Norwood-polisiekantoor en Paterson Park, in die suidooste deur Orange Grove en in die suide deur Fellside. Dis uitgelê op die plaas Kliprivier No. 139, sowat 800 m noord van die plaas Doornfontein se grens.

Die afgelope twee sensusse se syfers skets nie ’n akkurate beeld van Victoria se bevolkingsamestelling nie aangesien die grense vir sensusdoeleindes in albei gevalle groter getrek is as wat die voorstad in werklikheid is. Boonop verskil die grense van die sensus van 2001 van dié van die sensus van 2011.

Geskiedenis[wysig | wysig bron]

Victoria is in Desember 1902 aangelê op grond wat behoort het aan B.P. Viljoen. Dis blykbaar genoem ter ere van koningin Victoria van Groot-Brittanje, wat die jaar vantevore oorlede is. In die suide van Johannesburg was tot 1912 ook 'n voorstad met dié naam aangrensend tot die plaas Ormonde. Victoria was in die ou dae 'n oorwegend Engelse voorstad. In 1934 was van die munisipale kiesers net twee Afrikaans en 48 Engels, in 1949 drie en 108 en in 1961 12 en 100.

Bronne[wysig | wysig bron]

  • (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers.
  • (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.

Verwysings[wysig | wysig bron]

  1. 1,0 1,1 1,2 1,3 Subplek Victoria”. Sensus 2011.