Unigray

in Wikipedia, die vrye ensiklopedie
Jump to navigation Jump to search
Unigray
Ligging van Unigray op 'n kaart (Gauteng)
Unigray
Unigray
 Unigray se ligging in Gauteng
Koördinate: 26°14′30″S 28°05′20″O / 26.24167°S 28.08889°O / -26.24167; 28.08889Koördinate: 26°14′30″S 28°05′20″O / 26.24167°S 28.08889°O / -26.24167; 28.08889
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Hoofplek Johannesburg
Stigting 1956
Oppervlak[1]
 - Voorstad 0,32 km²  (0,1 vk m)
Bevolking (2011)[1]
 - Voorstad 1 319
 - Digtheid 4 122/km² (10 675,9/myl2)
Rasverdeling (2011)[1]
 • Blank 28,9%
 • Indiër/Asiër 2,6%
 • Kleurling 10,8%
 • Swart 57,5%
 • Ander 0,2%
Taal (2011)[1]
 • Afrikaans 32,4%
 • Zoeloe 18,8%
 • Engels 14,3%
 • Ander 34,6%

Unigray is ’n suidelike voorstad van Johannesburg, sowat 6 km suidoos van die stadsaal.

Geskiedenis[wysig | wysig bron]

Unigray is noord van Queenshaven, oos van Elladoone en wes van Electron geleë. Dit is aangelê op westelike grens van die plaas Klipriviersberg met die plaas Elandsfontein, wat albei in ’n stadium aan die veldkornet Jan Meyer behoort het. Unigray is op skrikkeldag 1956 geproklameer as blykbaar die laaste voorstad op die plaas, waarop Regents Park in 1904 die eerste woonbuurt was. Die naam is afgelei van Union Greyhound Racing Association (Uniale Windhonderesiesvereniging), maar hoekom "grey" verander is na "gray" is nie bekend nie.

Demografie[wysig | wysig bron]

Toe dit nog 'n blanke groepsgebied was, was Unigray oorwegend Afrikaans, want volgens die munisipale kieserslys van 1961 was 278 van die geregistreerde kiesers Afrikaanssprekend en net 19 Engelssprekend.[2] Vir sensusdoeleindes is Unigray en Elladoone in 2001 saam met Queenshaven gereken toe die inwonertal 1 623 was, van wie 1 070 (65,9%) wit was en 464 (28,6%) swart. Afrikaans (40,1%) was die grootste huistaal en Engels (34,7%) die naasgrootste. In 2011 se sensus is Unigray en Elladoone van Queenshaven geskei, toe die inwoners 1 319 getel het, van wie 759 (57,5%) swart, 381 (28,9%) wit en 143 (10,8%) bruin. Met Queenshaven se getalle bygereken het die swart inwoners tussen 2001 en 2011 meer as verdubbel van 464 tot 923, die wit inwoners afgeneem van 1 070 tot 691 en die bruin inwoners amper tweevoudig toegeneem van 80 tot 143.[3]

Bronne[wysig | wysig bron]

  • (en) Raper, Peter Edmund. 2004. '’new Dictionary of South African Place Names. Johannesburg & Cape Town: Jonathan Ball Publishers.
  • (en) Potgieter, D.J. (ed.) 1972. Standard Encyclopaedia of Southern Africa. Cape Town: Nasionale Opvoedkundige Uitgewery (Nasou).
  • (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.

Verwysings[wysig | wysig bron]

  1. 1,0 1,1 1,2 1,3 "Subplek Unigray". Sensus 2011. 
  2. (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.
  3. (en) Sensussyfers van 2011, soos weergegee deur Adrian Frith. URL besoek op 28 Januarie 2018.