Observatory, Johannesburg

in Wikipedia, die vrye ensiklopedie
Jump to navigation Jump to search
Observatory
Ligging van Observatory op 'n kaart (Gauteng)
Observatory
Observatory
 Observatory se ligging in Gauteng
Koördinate: 26°10′59″S 28°4′55″O / 26.18306°S 28.08194°O / -26.18306; 28.08194Koördinate: 26°10′59″S 28°4′55″O / 26.18306°S 28.08194°O / -26.18306; 28.08194
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Oppervlak[1]
 - Voorstad 0,66 km²  (0,3 vk m)
Bevolking (2011)[1]
 - Voorstad 490
 - Digtheid 742/km² (1 921,8/myl2)
Rasverdeling (2011)[1]
 • Blank 60.6%
 • Indiër/Asiër 4.3%
 • Kleurling 1.8%
 • Swart 32.9%
 • Ander 0.4%
Taal (2011)[1]
 • Engels 71.0%
 • Zoeloe 6.9%
 • Afrikaans 3.9%
 • Tswana 3.1%
 • Ander 15.1%
Skakelkode(s) 011
Ds. H.J. Snijders het die NG kerk Johannesburg-Sterrewag se hoeksteen op 26 November 1972 gelê. Minder as 10 jaar later, in 1978 toe die gemeente 14 jaar oud was, is dit by Johannesburg-Noord ingelyf.

Observatory is 'n voorstad van Johannesburg, Suid-Afrika. Dit is in Johannesburg se F-streek geleë.

Geskiedenis[wysig | wysig bron]

Observatory is ’n groot tuinvoorstad, sowat 6 km oosnoordoos van die Johannesburgse stadsaal. Die Transvaalse Sterrewag is in 1903 gebou op die rif wat Berea, Yeoville en Bertrams van Bezuidenhoutsvallei skei en wat destyds ’n helder en rookvrye atmosfeer gehad het. ’n Pad moes na die eensame observatorium gebou word en weerskante daarvan het ’n voorstad begin vorm aanneem. Dit is nou, saam met Observatory Uitbreiding, geleë in ’n breë vallei tussen Observatory-koppie in die suide, Bellevue-Oos in die weste, Orange Grove in die noorde, en Cyrildene en Dewetshof in die ooste. Die Observatory-gholfbaan is in die middel van die voorstad, en die noordelike gaping in die rif staan bekend as Sylviapas, wat lei na Linksfield.

Godsdiens en onderwys[wysig | wysig bron]

Observatory was 1964 tot 1978 die tuiste van die NG gemeente Johannesburg-Sterrewag. In laasgenoemde jaar is dit saam met die NG gemeente Noordoosrand by Johannesburg-Noord ingelyf. In dié voorstad het die NG Kerk die Maria Kloppers-kinderhawe tot stand gebring. Dis ook die tuiste van die Hoër Meisieskool Athlone, wat reeds sedert kort ná 1994 hoofsaaklik swart leerders het. Die gelyknamige seunskool is suid van Observatory in Bezuidenhoutsvallei geleë. Ook die Laer Meisiekool Observatory het geen meer leerders uit die geledere van Observatory se wit inwoners nie. Dié skool maak daarop aanspraak dat hy een van net twee openbare primêre skole vir meisies is, maar die Laer Meisieskool La Rochelle in die Paarl, die Laer Meisieskole Rustenburg en Oakhurst in Rondebosch, die Laer Meisieskool Wynberg en die Christelik en Nasionale Primêre Meisieskool Oranje in Bloemfontein is almal laerskole net vir meisies.

Demografie[wysig | wysig bron]

Volgens die sensus van 2011 het Observatory toe 4 076 inwoners gehad, van wie 1 786 swart was, 1 415 wit, 482 Asies of Indiërs en 209 bruin. In 2001 was die totale inwonertal 3 940, toe 1 915 wit was, 1 564 swart, 283 Asies of Indiërs en 177 bruin. Altesaam 184 het hulself as ander geklassifiseer. Net 191 het hul huistaal in 2011 as Afrikaans aangedui, dieselfde getal as in 2001.[2] Met ’n grootte van net oor die 3 km² is dit een van Johannesburg se grootste voorstede.

Bron[wysig | wysig bron]

Verwysings[wysig | wysig bron]

  1. 1,0 1,1 1,2 1,3 Subplek Observatory”. Sensus 2011.
  2. (en) Die sensussyfers van 2001 soos aangebied deur Adrian Frith. URL besoek op 8 November 2017.


Flag of Johannesburg.svg Hierdie artikel omtrent 'n plek in Johannesburg is slegs ’n saadjie. Jy kan Wikipedia help deur dit uit te brei.