Bassonia

in Wikipedia, die vrye ensiklopedie
Jump to navigation Jump to search
Bassonia
Ligging van Bassonia op 'n kaart (Gauteng)
Bassonia
Bassonia
 Bassonia se ligging in Gauteng
Koördinate: 26°16′40″S 28°03′50″O / 26.27778°S 28.06389°O / -26.27778; 28.06389Koördinate: 26°16′40″S 28°03′50″O / 26.27778°S 28.06389°O / -26.27778; 28.06389
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Hoofplek Johannesburg
Oppervlak[1]
 - Voorstad 2,60 km²  (1 vk m)
Bevolking (2011)[1]
 - Voorstad 4 633
 - Digtheid 1 782/km² (4 615,4/myl2)
Rasverdeling (2011)[1]
 • Blank 54,1%
 • Indiër/Asiër 15,4%
 • Kleurling 3,4%
 • Swart 24,5%
 • Ander 2,6%
Taal (2011)[1]
 • Engels 66,1%
 • Afrikaans 11,3%
 • Zoeloe 5,1%
 • Suid-Sotho 4,1%
 • Ander 13,4%
Poskode (strate) 2190
Poskode (posbusse) 2061

Bassonia is ’n voorstad in die suide van Johannesburg, sowat 8 km suidsuidwes van die stadsaal geleë.

Ligging[wysig | wysig bron]

Die voorstad beslaan sowat 2,3 km² heuwelagtige gebied op wat eens die plaas Klipriviersberg was. Die verste punte noord en suid is sowat 3 km uitmekaar, maar oos en wes net sowat 1,5 km in die noorde, terwyl die uitleg met ’n punt na onder loop in die vorm van ’n onderstebo driehoek. In die weste grens Bassonia aan die ewe heuwelagtige Glenvista, in die noordweste aan Gleneagles, in die noorde aan die N12 en noord daarvan Eastcliff, waar die Glen-winkelsentrum geleë is, in die noordooste aan Oakdene en in die ooste aan Bassonia Rock en die Meyersdal-natuurreservaat.

Demografie[wysig | wysig bron]

Bassonia, Glenvista en Mulbarton (suid van laasgenoemde) is drie van die mees gegoede voorstede in die suide van Johannesburg.[2] In skrille kontras met die noorde van Johannesburg se streek F waar die middestad (88,6% swart inwoners volgens die sensus van 2011) en die ou deel van die Suide (Turffontein [82,4%], Kenilworth [78,5%] en Rosettenville [77,2%]) se demografie amper uitsluitlik swart geword het, is Johannesburg se voorstede suid van die N12 en oos van Kliprivierrylaan nog oorwegend wit, soos die volgende syfers van die 2011-sensus toon: Bassonia [54,1%], Bassonia Rock [42,2%], Glenvista [60,3%] en Mulbarton [52,1%]. Ook Oakdene net noord van Bassonia se inwoners was in 2011 nog 52% wit, vergeleke met Townsview net noord daarvan wat 51,7% swart was. In die verre suide is Liefde en Vrede se inwoners egter weer 69,5% swart. Die suidooste se bevolking is ook merkwaardig jonk: Meer as ’n derde van die inwoners is onder 25 jaar.[3]

Afrikaanse gemeenskap[wysig | wysig bron]

In die hele suidooste van Johannesburg, suid van die N12 en oos van Kliprivierweg, wat meer as 16 km² beslaan en groot voorstede soos Glenvista (10 177 inwoners in 2011 van wie 1 375 Afrikaans was), Mulbarton (6 645 van wie 809 Afrikaans), Bassonia (4 633 inwoners van wie 521 Afrikaans) en Liefde en Vrede (4 086 inwoners van wie 222 Afrikaans), is hier nie ’n enkele gemeente van die Afrikaanse Susterkerke of ’n Afrikaanse of selfs net parallelmediumskool nie. Die naaste Gereformeerde gemeente aan Bassonia is noord van die N12 in Oakdene, die Gereformeerde kerk Johannesburg-Suid, maar die suidooste van Johannesburg val binne die gemeentegrense van die Gereformeerde kerk Brackenhof in Alberton omdat die voormalige Gereformeerde kerk Eikenhof by dié gemeente ingelyf is en dit destyds binne sy grense was. Wat die Nederduitsch Hervormde Kerk betref, val die suidooste onder gemeente Turffontein, wat in 2019 reeds 90 jaar oud is. Die NG gemeente Townsview se gemeentegrense sluit blykbaar die suidoostelike voorstede in.

Verwysings[wysig | wysig bron]

  1. 1,0 1,1 1,2 1,3 Subplek Bassonia”. Sensus 2011.
  2. (en) Pathfinda: Bassonia. URL besoek op 17 Februarie 2018.
  3. (en) Johannesburg se amptelike webtuiste. URL besoek op 17 Februarie 2018.