Elladoone

in Wikipedia, die vrye ensiklopedie
Jump to navigation Jump to search
Elladoone
Ligging van Elladoone op 'n kaart (Gauteng)
Elladoone
Elladoone
 Elladoone se ligging in Gauteng
Koördinate: 26°14′21″S 28°05′24″O / 26.23917°S 28.09000°O / -26.23917; 28.09000Koördinate: 26°14′21″S 28°05′24″O / 26.23917°S 28.09000°O / -26.23917; 28.09000
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Hoofplek Johannesburg
Stigting 1955
Oppervlak
 - Voorstad 0,42 km²  (0,2 vk m)
Bevolking (2001)[1]
 - Voorstad 1 623
 - Digtheid 3 864/km² (10 007,7/myl2)
Rasverdeling (2001)[1]
 • Blank 65,9%
 • Indiër/Asiër 0,7%
 • Kleurling 4,7%
 • Swart 28,6%
 • Ander 0,7%
Taal (2001)[1]
 • Afrikaans 40,1%
 • Engels 34,7%
 • Zoeloe 11,2%
 • Ander 14,0%
Poskode (strate) 2197

Elladoone is ’n suidelike voorstad van Johannesburg, sowat 6 km oossuidoos van die stadsaal.

Geskiedenis[wysig | wysig bron]

Elladoone is een van die laaste voorstede wat aangelê is op die plaas Klipriviersberg. Dis suid van City Deep, wes van Unigray (waarby dit ingereken word vir sensusdoeleindes), noord van Queenshaven en oos van Moffat View. In die noorde grens dit aan die N17-nasionale pad. Die voorstad is een van Johannesburg se kleinste; dit bestaan uit net twee straatblokke wat gevorm word deur Nealeweg in die noorde, Salmonweg in die suide, Outspanweg in die weste en Picardyweg in die ooste met Reginastraat wat in die middel van noord na suid loop.

Ellladoone is in 1955 aangelê, die jaar voor Unigray, en genoem na Ella Hohne, vrou van die ontwikkelaar, Arny Alfons Hohne.

Demografie[wysig | wysig bron]

Omdat Elladoone so klein is, is sy en Unigray se inwoners in 2001 se sensus saam met Queenshaven getel toe die totale inwonertal 1 623 was, van wie 1 070 (65,9%) wit was en 464 (28,6%) swart. Afrikaans (40,1%) was die grootste huistaal en Engels (34,7%) die naasgrootste. In 2011 se sensus is Elladoone en Unigray van Queenshaven geskei, toe die inwonertal 1 319 was, van wie 759 (57,5%) swart, 381 (28,9%) wit en 143 (10,8%) bruin. Met Queenshaven se getalle bygereken het die swart inwoners tussen 2001 en 2011 meer as verdubbel van 464 tot 923, die wit inwoners afgeneem van 1 070 tot 691 en die bruin inwoners amper tweevoudig toegeneem van 80 tot 143.[1]

Bronne[wysig | wysig bron]

  • (en) Raper, Peter Edmund. 2004. '’new Dictionary of South African Place Names. Johannesburg & Cape Town: Jonathan Ball Publishers.
  • (en) Potgieter, D.J. (ed.) 1972. Standard Encyclopaedia of Southern Africa. Cape Town: Nasionale Opvoedkundige Uitgewery (Nasou).
  • (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.

Verwysings[wysig | wysig bron]

  1. 1,0 1,1 1,2 1,3 (en) Sensussyfers van 2001, soos weergegee deur Adrian Frith. URL besoek op 28 Januarie 2018.