Kensington, Johannesburg

in Wikipedia, die vrye ensiklopedie
Kensington
Uitsig oor Kensington
Kensington is in Gauteng
Kensington
Kensington
 Kensington se ligging in Gauteng
Koördinate: 26°11′36″S 28°6′22″O / 26.19333°S 28.10611°O / -26.19333; 28.10611Koördinate: 26°11′36″S 28°6′22″O / 26.19333°S 28.10611°O / -26.19333; 28.10611
LandVlag van Suid-Afrika Suid-Afrika
ProvinsieGauteng
MunisipaliteitStad Johannesburg
HoofplekJohannesburg
Oppervlak
 • Totaal5,21 km2 (2,01 vk. myl)
Bevolking
 (2011)[1]
 • Totaal19 197
 • Digtheid3 685/km2 (9 540/vk. myl)
Rasverdeling (2011)
 • Wit mense37,0%
 • Indiërs/Asiërs17,2%
 • Bruin mense6,4%
 • Swart mense45,9%
 • Ander1,3%
Taal (2011)
 • Engels 59,6%
 • Afrikaans 6,7%
 • Zoeloe 11,0%
 • Xhosa 2,5%
 • Ander 20,2%
Poskode (strate)
2094
Poskode (posbusse)
2101
Skakelkode011

Kensington is een van die oudste voorstede van Johannesburg en volgens sy oppervlak ook een van sy grootstes. Dit word in die weste begrens deur Jeppestown, Troyeville en Belgravia, in die noorde deur Bezuidenhoutsvallei en Judith's Paarl, in die noordooste deur Dewetshof, in die ooste deur Bedfordview en in die ooste en suide deur Reynolds View en Malvern.

Duisende bome, wat langs paaie geplant is toe die voorstad se padnetwerk op voormalige grond van die plaas Doornfontein in 1902 uitgelê is, en die voorstad se ligging op 'n aantal koppies dra by tot die rustige en dorpsagtige karakter. Dit word beskryf as 'n meer tydlose en besadigde deel van Johannesburg.[2]

Kensington het vanaf 1897 op die hoogtepunt van die Britse Ryk se magsuitbreiding ontstaan, en dit was ietwat oordrewe Britse nasionalisme (jingoisme) wat kort ná die oorwinning in die Anglo-Boereoorlog sy stempel op Kensington se toponimie afgedruk het. Nie net die voorstad se naam - afgelei van die welgestelde voorstad Kensington in die huidige Londense Royal Borough of Kensington and Chelsea - weerspieël die anglofiele houding van sy stigter, Max Langermann, 'n Joodse immigrant uit Duitsland en boorling van Floss in Beiere nie, maar daar is ook nie minder as 83 strate wat na Britse oorlogskepe vernoem is nie - naas straatname soos Langermann Drive wat aan die stigter herinner.[3]

Die voorstad is die tuiste van die Hoër Seun- en Meisieskool Jeppe,[4][5] die Sekondêre Skool Kensington (tot 1992 die Afrikaansmedium Hoërskool Kensington), asook laerskole soos Leicester Road, Kensington (eens die Afrikaansmedium Laerskool Kensington), Sir Edmund Hillary (albei op die grens met Bezuidenhoutsvallei), Kensington Ridge en Eastgate. Die Hoërskool Malvern is geleë op die grens tussen Kensington en Malvern. Die privaat skool Glen Oaks vir kinders met leerprobleme is geleë in Robertslaan.[6] Al dié skole se onderrigmedium is Engels.

Fotogalery[wysig | wysig bron]

Kensington, Johannesburg
Derbyweg in Kensington.
Derbyweg in Kensington.
Derbyweg in Kensington.  
Scottish Horse-gedenkteken in Kensington.
Scottish Horse-gedenkteken in Kensington.
Scottish Horse-gedenkteken in Kensington.  
Die uitsig vanaf die Scottish Horse-gedenkteken op Kensington (voorgrond) en Bezuidenhoutsvallei (middelgrond).
Die uitsig vanaf die Scottish Horse-gedenkteken op Kensington (voorgrond) en Bezuidenhoutsvallei (middelgrond).
Die uitsig vanaf die Scottish Horse-gedenkteken op Kensington (voorgrond) en Bezuidenhoutsvallei (middelgrond).  
Water- en radiotoring op Langermannskop, asook die bouval van die ou Langermann-hotel.
Water- en radiotoring op Langermannskop, asook die bouval van die ou Langermann-hotel.
Water- en radiotoring op Langermannskop, asook die bouval van die ou Langermann-hotel.  
Op hierdie straatkaart van Johannesburg van 1929 was Kenington die stad se mees oostelike voorstad.
Op hierdie straatkaart van Johannesburg van 1929 was Kenington die stad se mees oostelike voorstad.
Op hierdie straatkaart van Johannesburg van 1929 was Kenington die stad se mees oostelike voorstad.  
Die Kensington-sanatorium. Die argitek John Francis Beardwood het dié gebou ontwerp vir die inrigting wat die Sisters of the Holy Family in 1905 gestig het. Dit staan nog, hoewel dit met die jare vergroot is.[7]
Die Kensington-sanatorium. Die argitek John Francis Beardwood het dié gebou ontwerp vir die inrigting wat die Sisters of the Holy Family in 1905 gestig het. Dit staan nog, hoewel dit met die jare vergroot is.[7]
Die Kensington-sanatorium. Die argitek John Francis Beardwood het dié gebou ontwerp vir die inrigting wat die Sisters of the Holy Family in 1905 gestig het. Dit staan nog, hoewel dit met die jare vergroot is.[7]  

Verwysings[wysig | wysig bron]

  1. 1,0 1,1 1,2 1,3 "Subplek Kensington". Sensus 2011.
  2. (en) SA-Venues se beskrywing van Kensington. URL besoek op 4 November 2017.
  3. "City of Johannesburg, 2 November 2011: Joburg's village in the city. Besoek op 19 Junie 2017". Geargiveer vanaf die oorspronklike op 1 Junie 2017. Besoek op 19 Junie 2017.
  4. (en) Die Hoër Seunskool Jeppe se webtuiste. URL besoek op 4 November 2017.
  5. (en) Die Hoër Meisieskool Jeppe se webtuiste. URL besoek op 4 November 2017.
  6. (en) Die skool se webtuiste. URL besoek op 4 November 2017.
  7. (en) Johannesburg 1912. URL besoek op 5 November 2017.

Sien ook[wysig | wysig bron]