Klipriviersberg

in Wikipedia, die vrye ensiklopedie
Jump to navigation Jump to search
Klipriviersberg
Ligging van Klipriviersberg op 'n kaart (Gauteng)
Klipriviersberg
Klipriviersberg
 Klipriviersberg se ligging in Gauteng
Koördinate: 26°14′28″S 28°4′37″O / 26.24111°S 28.07694°O / -26.24111; 28.07694Koördinate: 26°14′28″S 28°4′37″O / 26.24111°S 28.07694°O / -26.24111; 28.07694
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Oppervlak[1]
 - Voorstad 0,15 km²  (0,1 vk m)
Bevolking (2001)[1]
 - Voorstad 442
 - Digtheid 2 947/km² (7 632,7/myl2)

Hierdie artikel handel oor die voorstad; vir die plaas waarop dit aangelê is, sien Klipriviersberg

Klipriviersberg is 'n voorstad van Johannesburg, Suid-Afrika. Dit is in Johannesburg se F-streek geleë, 6 km suid van die stadsaal.

Geskiedenis[wysig | wysig bron]

Die voorstad is op 29 Junie 1943 geproklameer en ontleen sy naam aan die gelyknamige plaas waarop die suidooste van Johannesburg gebou is, Klipriviersberg. Dit was die eiendom van veldkornet Jan Meyer, lid van die eerste Volksraad van die Zuid-Afrikaansche Republiek, na wie Meyerton genoem is. Nog voorstede wat op die plaas Klipriviersberg aangelê is, is Suidheuwels (1942 gestig as Welfare Park), The Hill (1919), Rewlatch (1943), Roseacre (1947), Moffat View (1946), Linmeyer (1947), Elladoone (1955), Unigray (1956) en Regents Park (1904). In die ooste het Klipriviersberg aan die plaas Elandsfontein gegrens. Blykbaar loop Linroy- en Landorstraat met dié grens langs. In die suide het dit aan Palmietfontein gegrens, in die ooste aan Rietvlei 133 en Turffontein 135 en in die noorde aan Doornfontein 140.

Voor die ontdekking van goud in 1886 was Kliprivier een van die twee wyke van die ZAR waarop Johannesburg daarna aangelê sou word. Die ander was Witwatersrand. Weens onderverdeling van die plase en die groot families wat daarop gewoon het, is die Rand toe reeds betreklik dig bewoon vir 'n plattelandse omgewing. In Julie 1875 was daar byvoorbeeld 281 burgers in die wyk Witwatersrand (distrik Pretoria) en minstens 200 in die wyk Kliprivier (distrik Heidelberg); dus sowat 500 burgers en hul afhanklikes in 'n tyd toe gesinne dikwels uit twee ouers en agt of meer kinders bestaan het.

Bronne[wysig | wysig bron]

  • (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers.
  • Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.

Verwysings[wysig | wysig bron]

  1. 1,0 1,1 "Subplek Klipriviersberg". Sensus 2001. 

Sien ook[wysig | wysig bron]