Russiese nasionale rugbyspan

in Wikipedia, die vrye ensiklopedie
Rusland
Kenteken van die Russiese nasionale rugbyspan.svg
Unie Союз регбистов России
Russiese Rugbyunie
Bynaam(e) Bere (Медведи)
Embleem Russiese beer
Stadion Sentrale Stadion, Sotsji
Kapasiteit 10 200
Afrigter(s) Vlag van Wallis Lyn Jones
Kaptein(s) Wasili Artemjef
Spankleure
Alt. kleure
Statistiek
Meeste toetse Joeri Koesjnaref (112)[1]
Meeste punte Joeri Koesjnaref (777)[2]
Meeste drieë Wasili Artemjef (29)[3]
Eerste internasionale wedstryd
Vlag van Rusland Rusland 27–23 Britse Barbarians
(Moskou, Rusland; 6 Junie 1992)
Grootste oorwinning
Vlag van Denemarke Denemarke 7–104 Rusland Vlag van Rusland
(Kopenhagen, Denemarke; 13 Mei 2000)
Grootste nederlaag
Vlag van Japan Japan 75–3 Rusland Vlag van Rusland
(Tokio, Japan; 6 November 2010)
Wêreldbeker
Verskynings 2/9 (Eerste in 2011)
Beste uitslag Laaste in poel in 2011 en 2019
Unie webwerf
www.rugby.ru

Die Russiese nasionale rugbyspan verteenwoordig Rusland in internasionale rugby en staan ook bekend as Медведи (Russies vir: "bere"). Rugby word in Rusland deur die Russiese Rugbyunie geadministreer. Die Russiese rugbyspan is tans (18 Desember 2019) 20ste op Wêreldrugby se wêreldranglys gelys.[4]

Rusland het vroeër internasionaal in rugby meegeding as die Sowjetunie, maar speel sedert 1992 as Rusland. Die destydse Sowjetunie is deur die Internasionale Rugbyvoetbalraad genooi om aan die eerste Rugbywêreldbekertoernooi in 1987 deel te neem, maar hulle het weens Suid-Afrika se lidmaatskap by die IRVR dié aanbod verwerp.[5] Rusland het tot dusver vir twee Rugbywêreldbekertoernooie kwalifiseer, in 2011, maar kon nie een van hul vier mededingers (Australië, Ierland, Italië en die Verenigde State) klop nie en het net die laaste plek in die poelfase bereik. Tydens die Rugbywêreldbeker 2019 het Rusland laaste in hul poel geëindig nadat hulle deur Japan, Samoa, Ierland en Skotland geklop is.

Rusland ding gereeld mee om die Europese Rugbykampioenskap, en meer onlangs ook die Wêreldrugbynasiesbeker. Die span het onlangs ’n verbetering getoon toe hulle vir die eerste keer in hul geskiedenis tweede geëindig het in die 2006–2008 Europese Nasiesbeker se Eerste Divisie. Veral wedstryde teen die politieke aartsvyand Georgië geniet groot belangstelling en word as ’n soort "Dawid teen Goliat" beskou, veral as gevolg van Georgië se sterk wenrekord teen hul noordelike buurland. Sedert 2021 ding Rusland en Roemenië om die Kiseleffbeker mee; dié beker is genoem na die hertog Pawel Kiseleff, 'n Rus wat die eerste grondwette van beide Wallachië en Moldawië (hedendaagse Roemenië en Moldowa) beïnvloed het.[6]

Geskiedenis[wysig | wysig bron]

Rusland speel teen Georgië tydens die Europese Nasiesbeker in 2007
Wladislaf Korsjoenof in aksie, 2009
Die openingswedstryd van die Rugbywêreldbeker 2019 teen die gasheer Japan in Chōfu

Die Rugbyunie van die Sowjetunie is in 1936 gestig, hoewel die nasionale span eers in 1974 sy eerste amptelike internasionale wedstryd gespeel het.

Die Sowjetunie het tyd geneem om homself te vestig, maar in die middel-1980’s kon hulle gereeld spanne soos Italië en Roemenië klop. Die span is genooi om aan die eerste rugbywêreldbekertoernooi in 1987 deel te neem, maar het dié aanbod uit politieke redes verwerp, veral weens die voortgesette IRR-lidmaatskap van Suid-Afrika onder apartheid.[7]

Na die Ontbinding van die Sowjetunie het Russiese spelers vir die voorlopige Gemenebes van Onafhanklike State se span gespeel, wat tussen 1991 en 1992 vier wedstryde gespeel het.

Die eerste wedstryd van die Russiese nasionale rugbyspan was op 6 Junie 1992, toe Russland die Britse Barbarians 27–23 kon klop. Russland se eerste wedstryd teen ’n volle IRR-lidland was vier maande later teen België tydens die 1992/4 FIRA-AER Europese trofee. Tydens dié toernooi kon Rusland sy eerste, en tot dusver enigste oorwinning oor Georgië aanteken. Rusland het tot die herskikking van die FIRA-AER-toernooie in 2000 gereeld deelgeneem.

Die Russiese nasionale rugbyspan neem sedertdien gereeld aan die FIRA-AER se Europese Rugbykampioenskap deel, die tweede vlak van Europese rugby na die Sesnasies-toernooi. Rusland het in 2001 Marokko in die vlak 1 vervang, ná hul wenreeks van nege wedstryde wat tot vandag toe nog bestaan. Die Russiese span kon die titel tot dusver nog nie inpalm nie, maar kon twee keer as naaswenner eindig, in 2009 en 2007–8. Hulle kon ook die tweede plek in die gekombineerde tabel van 2009–10 behaal, wat as kwalifisering vir die Rugbywêreldbeker 2011 gedien het.

Daarbenewens het Ruland in poging om gereelde rugbytoernooie aan die nou ontbinde Superpowersbeker, wat hulle een keer kon wen, die IRR se Nasiesbeker, die Churchillbeker, en mees onlangs aan die IRR se Internasionale Rugbyreeks deelgeneem. Die Russiese span het ook al teen verteenwoordigende spanne soos Engeland Counties, Frankryk se ekwivalente span, Suid-Afrika se Superrugbyjeug en universiteitsspanne, asook Nieu-Seelandse klubspanne, in ’n poging om hul teenstander se kwaliteit en variëteit te laat wissel, gespeel.

Die Russiese Rugbyunie het probeer om groter kompetisies gedurende die herfstoetse te verkry, en is nou in Wêreldrugby se wêreldwye toetswedstrydrooster opgeneem.[8]

Nadat die nasionale rugbyspanne van België, Roemenië en Spanje tydens die kwalifisering ongeskikte spelers ingespan het, is hulle vir elke wedstryd met hierdie spelers met puntaftrekking beboet.[9][10] Vervolgens het Rusland onmiddellik vir die Rugbywêreldbeker 2019 gekwalifiseer.[11]

Rekords[wysig | wysig bron]

Algehele rekord[wysig | wysig bron]

Rusland se plek op Wêreldrugby se ranglys vanaf 10 Oktober 2003 tot op hede

Rusland het teen 18 Desember 2019 110 van hulle 215 toetswedstryde gewen, ’n wenrekord van 51,16%.[12]

Rusland se toetsrekord teen alle lande: (Korrek op 18 Desember 2019)[12]

Teen Gespeel Gewen Verloor Gelykop % Gewen
Vlag van Argentinië Argentynse Jaguars 5 0 5 0 0
Vlag van Argentinië Argentynse XV 2 2 0 0 100
Vlag van Australië Australië 1 0 1 0 0
Vlag van België België 7 7 0 0 100
Vlag van Chili Chili 1 1 0 0 100
Vlag van Denemarke Denemarke 3 3 0 0 100
Vlag van Duitsland Duitsland 11 11 0 0 100
Vlag van Engeland Engeland Saxons 1 0 1 0 0
Vlag van Frankryk Frankryk XV 2 0 2 0 0
Vlag van Frankryk Franse Leër 1 0 1 0 0
Vlag van Georgië Georgië 23 1 21 1 4,35
Vlag van Hongkong Hongkong 5 5 0 0 100
Ierse Rugbyvoetbalunie-vlag  Ierland 2 0 2 0 0
Vlag van Ierland Opkomende Ierland 1 0 1 0 0
Vlag van Italië Italië 5 0 5 0 0
Vlag van Italië Opkomende Italië 2 0 2 0 0
Vlag van Italië Italië A 4 0 4 0 0
Vlag van Japan Japan 6 1 5 0 16,7
Vlag van Kanada Kanada 5 1 4 0 20
Vlag van Kenia Kenia 1 1 0 0 100
Vlag van Kroasië Kroasië 1 0 1 0 0
Vlag van Marokko Marokko 3 2 1 0 66,67
Vlag van Namibië Namibië 7 5 2 0 71,43
Vlag van Nederland Nederland 4 4 0 0 100
Vlag van Noorweë Noorweë 1 1 0 0 100
Vlag van Oekraïne Oekraïne 9 9 0 0 100
Vlag van Papoea-Nieu-Guinee Papoea-Nieu-Guinee 1 1 0 0 100
Vlag van Pole Pole 4 4 0 0 100
Vlag van Portugal Portugal 19 13 5 1 68,42
Vlag van Roemenië Roemenië 23 6 16 1 28,26
Vlag van Skotland Skotland A 1 0 1 0 0
Vlag van Spanje Spanje 22 16 6 0 72,72
Vlag van Swede Swede 1 0 1 0 0
Vlag van Tsjeggië Tsjeggië 8 6 2 0 75
Vlag van Tunisië Tunisië 2 2 0 0 100
Vlag van Uruguay Uruguay 9 4 5 0 44,44
Vlag van Verenigde State van Amerika USA Selects 1 1 0 0 100
Vlag van Verenigde State van Amerika Verenigde State 8 0 8 0 0
Vlag van Zimbabwe Zimbabwe 3 3 0 0 100
Totaal 215 110 102 3 51,16

Wêreldbekerrekord[wysig | wysig bron]

Jaar Uitslag
1987 Afgekeurde uitnodiging
1991 Geen deelname
1995 Nie gekwalifiseer nie
1999 Nie gekwalifiseer nie
2003 Nie gekwalifiseer nie
2007 Nie gekwalifiseer nie
2011 Poelfase
2015 Nie gekwalifiseer nie
2019 Poelfase
2023 Gediskwalifiseer
2027 N.v.t.
2031 N.v.t.

Verwysings[wysig | wysig bron]

  1. ↑ (en) "Most matches". ESPNscrum. Geargiveer vanaf die oorspronklike op 5 Augustus 2017. Besoek op 18 Desember 2019.
  2. ↑ (en) "Most points". ESPNscrum. Geargiveer vanaf die oorspronklike op 6 Augustus 2017. Besoek op 18 Desember 2019.
  3. ↑ (en) "Most tries". ESPNscrum. Geargiveer vanaf die oorspronklike op 6 Augustus 2017. Besoek op 18 Desember 2019.
  4. ↑ (en) "World Rugby Rankings". Wêreldrugby. Geargiveer vanaf die oorspronklike op 12 Mei 2020. Besoek op 18 Desember 2019.
  5. ↑ (en) Alexander Fedorets (31 Julie 2007). "Russians target 2011 World Cup". The M&G Online. Geargiveer vanaf die oorspronklike op 9 Oktober 2019. Besoek op 18 Desember 2019.
  6. ↑ (ro) "CUPA KISELEFF, TROFEU CE VA FI PUS ÎN JOC LA MECIURILE DINTRE ROMÂNIA ȘI RUSIA". Federația Română de Rugby. 3 Maart 2021. Besoek op 20 Maart 2021.
  7. ↑ RUR Team Media Guide RWC11
  8. ↑ (en) "Archived copy". Geargiveer vanaf die oorspronklike op 15 Oktober 2012. Besoek op 26 Julie 2017.CS1 maint: archived copy as title (link) [dooie skakel]
  9. ↑ (en) "Independent Appeal Committee decision regarding Romania and Spain". Wêreldrugby. 6 Junie 2018. Geargiveer vanaf die oorspronklike op 7 April 2019. Besoek op 18 Desember 2019.
  10. ↑ (en) "Russia handed 2019 World Cup spot". ESPNscrum. 15 Mei 2018. Geargiveer vanaf die oorspronklike op 20 September 2019. Besoek op 18 Desember 2019.
  11. ↑ (en) "Russia handed World Cup place as Romania penalised for ineligible player". The Guardian. 15 Mei 2018. Geargiveer vanaf die oorspronklike op 21 September 2019. Besoek op 18 Desember 2019.
  12. ↑ 12,0 12,1 (en) "International Rugby Union Statistics – Russia". ESPNscrum. Geargiveer vanaf die oorspronklike op 26 Mei 2020. Besoek op 18 Desember 2019.

Eksterne skakels[wysig | wysig bron]

Ontsluit van "https://af.wikipedia.org/w/index.php?title=Russiese_nasionale_rugbyspan&oldid=2566896"