Duitse nasionale rugbyspan

in Wikipedia, die vrye ensiklopedie
Jump to navigation Jump to search
Duitsland
Kenteken van die Duitse nasionale rugbyspan.png
Unie Duitse Rugbybond
Bynaam(e) Schwarze Adler (Swart arende)
Embleem Bondsarend
Afrigter(s) Mark Kuhlmann
Kaptein(s) Sebastian Ferreira
Spankleure
Alt. kleure
Statistiek
Meeste toetse Samy Fuchsel (47)[1]
Meeste punte Raynor Parkinson (335)[2]
Meeste drieë Jaco Otto (25)[3]
Eerste internasionale wedstryd
Vlag van Frankryk Frankryk 30–5 Duitsland Vlag van Republiek van Weimar
(Parys, Frankryk; 17 April 1927)
Grootste oorwinning
Vlag van Serwië en Montenegro Serwië en Montenegro 0–108 Duitsland Vlag van Duitsland
(Heidelberg, Duitsland; 12 November 2005)
Grootste nederlaag
Vlag van Rusland Rusland 89–6 Duitsland Vlag van Duitsland
(Krasnodar; Rusland; 16 April 2000)
Unie webwerf
www.rugby-verband.de

Die Duitse nasionale rugbyspan is die internasionale rugbyspan van Duitsland. Die span het vir die eerste keer in 1927 teen Frankryk gespeel, maar kon tot dusver nog nie vir die Rugbywêreldbeker kwalifiseer nie. Rugby word in Duitsland deur die Duitse Rugbybond (Duits: Deutscher Rugby-Verband) bestuur. Die Duitse rugbyspan is tans (1 September 2021) 30ste op Wêreldrugby se ranglys gelys.[4]

Duitsland se grootste prestasie in rugby is waarskynlik die silwermedalje wat hul tydens die Olimpiese Somerspele in 1900 in Parys gewen het.

Geskiedenis[wysig | wysig bron]

Duitsland, verteenwoordig deur SC 1880 Frankfurt, tydens die Olimpiese Somerspele 1900 in Parys
Duitsland speel teen Frankryk tydens die Olimpiese Somerspele 1900 in Parys
Toets tussen Wes-Duitsland en Italië in Venesië, 1968

Duitsland neem as ’t ware reeds sedert die tweede moderne Olimpiese Spele, wat in 1900 saam met die Wêreldtentoonstelling in Parys gehou is, aan internasionale rugby deel. Hulle het by dié geleentheid met 17–27 teen die gashere verloor om die silwermedalje met Engeland te deel. Aangesien daar in die 19de eeu nog nie ’n Duitse nasionale span was nie het SC 1880 Frankfurt namens die Duitse Keiserryk gespeel.[5]

Nasionale span[wysig | wysig bron]

Die eerste wedstryd deur ’n amptelike nasionale Duitse span het weer in Frankryk op 17 April 1927 plaasgevind. Die Duitse span het met 5–30 teen Frankryk verloor. In daardie tydperk het Duitsland nog agt keer teen Frankryk gespeel. In 1929 het die span twee keer teen Spanje, in 1931 teen Tsjeggo-Slowakye en in 1933 teen Nederland gespeel. Op 2 Januarie 1934 in Parys en op 25 Maart 1934 in Hannover het die stigting van die Internasionale Amateurrugby Federasie (FIRA van Frans: Fédération Internationale de Rugby Amateur) plaasgevind. Dié rugbyfederasie, wat op die inisiatief van Frankryk gestig is, nadat dié land uit die Vyfnasies geskop is, het ook België, Italië, Katalonië, Nederland, Portugal, Roemenië en Spanje ingesluit. Ná die stigting van FIRA speel Duitsland tot met die uitbreek van die Tweede Wêreldoorlog intensief teen ander FIRA-lede: Die Duitse span speel vanaf 1936 drie keer teen Roemenië en ses keer teen Italië, in 1937 teen België, nog ses keer teen Frankryk, twee keer teen Nederland en een keer teen Tsjeggo-Slowakye. Die laaste wedstryd tydens die Tweede Wêreldoorlog het op 5 Mei 1940 in Stuttgart teen Italië plaasgevind. Duitsland het ’n positiewe rekord teen alle lande behalwe Frankryk gehad.

Naoorlogse tydperk[wysig | wysig bron]

Die eerste naoorlogse wedstryd het op 2 Maart 1952 in Hannover teen België plaasgevind, ’n wedstryd wat Duitsland met 16–9 gewen het. Die Duitse span moes ná die oorlog uitvind dat die land as gevolg van die oorlog en die heropbou ná die oorlog sy posisie en status op die kontinent verloor het. Frankryk het tot 1969 byna altyd met ’n B-span teen Duitsland gespeel en nogtans geseëvier; Italië was ook heelwat beter as Duitsland en slegs Spanje en Roemenië was op 'n vergelykbare vlak.

In 1973/74 is die aantal lande waarteen Duitsland gespeel het uitgebrei deur die insluiting van Marokko, Swede, die Sowjetunie, Switserland, Tunisië en Denemarke aan die FIRA se Europese Nasiesbeker.

Wêreldbeker[wysig | wysig bron]

Duitsland speel teen België op 29 April 2006 in Hannover, Duitsland
Spanje speel teen Duitsland op 15 November 2008 in Madrid, Spanje
Die Duitse rugbyspan tydens hul 2016-toer na Georgië
Duitsland teen Kanada tydens die Rugbywêreldbeker 2019-kwalifikasie in Marseille, Frankryk, 2018

In November 1988 is die Duitse Rugbybond saam met 95 ander lande in die Internasionale Rugbyraad opgeneem wat gelei het tot Duitsland se eerste deelname in 1989 aan die kwalifiseringsrondtes vir die Rugbywêreldbeker 1991. Duitsland het egter reeds in die eerste rondte uitgeval met ’n 6–12-nederlaag teen Nederland in Heidelberg.

In 1989 en 1990 het die span vir die eerste keer teen spanne buite Europa gespeel: Teen Wes-Samoa en Namibië moes die Duitse span groot nederlae verduur (onderskeidelik 9–55 en 7–54).

Vir kwalifisering vir die Rugbywêreldbeker 1999 het die Duitsers twee van die wedstryde in die land se groep gewen en twee verloor:

  • 4 Oktober 1997 in Andorra met 56–11
  • 19 Oktober 1997 tuis teen Tsjeggië met 31–17
  • 4 April 1998 in Portugal met 6–30
  • 26 April 1998 tuis teen Spanje met 9–24

Dit het Duitsland derde in die groep van vyf geplaas en is daarmee uitgeskakel uit die Rugbywêreldbeker 1999.

Die 20ste eeu is met 'n negatiewe balans van oorwinnings en nederlae afgesluit.

Die kwalifisering vir die Rugbywêreldbeker 2003 het as volg afgeloop: weereens twee seges en twee nederlae, die 3de plek uit 5 in die Europese groep B. Die span haal dus nie die volgende rondte nie:

  • 21 Oktober 2001 in Swede met 10–32
  • 10 November 2001 tuis teen Denemarke met 34–24
  • 24 November 2001 tuis teen Letland met 44–0
  • 6 April 2001 in Pole met 12–20.

Met die kwalifisering vir die Rugbywêreldbeker 2007 het die span sy eerste rondte sonder enige nederlae teen kleiner spanne voltooi:

  • 13 November 2004 in Moldowa met 27–18
  • 27 November 2004 tuis teen Luxemburg met 96–0
  • 2 April 2005 tuis teen Denemarke met 56–0
  • 23 April 2005 in Oostenryk met 69–9

Vervolgens het die span ook al vier wedstryde in Europese groep B gewen, en bereik hiermee vir die eerste keer die derde rondte:

  • 29 Oktober 2005 in Malta met 43–0
  • 12 November 2005 tuis teen Serwië-Montenegro met 108–0
  • 22 April 2006 in Kroasië met 25–15
  • 29 April 2006 tuis teen België met 33–15

Die span moes daarna in twee uitspeelwedstryde teen die wenner van Groep A, Spanje, speel:

  • 13 Mei 2006 in Heidelberg wen Duitsland met 18–6
  • 27 Mei 2006 in Madrid verloor Duitsland met 10–36

Spanje het Duitsland dus met ’n beter punteverskil uitgeskakel. Spanje is later deur Roemenië en Georgië in die vyfde rondte uitgeskakel.

Nadat die nasionale rugbyspanne van België, Roemenië en Spanje tydens hul kwalifiseringsrondtes ontoelaatbare spelers ingespan het, is hulle vir elke wedstryd vir hierdie spelers beboet deur punte wat afgetrek is.[6][7] Vervolgens het Rusland onmiddellik vir die Rugbywêreldbeker 2019 gekwalifiseer, terwyl Duitsland, ondanks redelik hoë nederlae, tot die volgende rondte gevorder het.[8] Duitsland, wat as naaswenner van die uitspeel geëindig het, het die Rugbywêreldbeker 2019 egter net-net misgeloop, nadat hulle die beslissende wedstryd teen Kanada verloor het.

Rekords[wysig | wysig bron]

Algehele rekord[wysig | wysig bron]

Duitsland het teen 17 Desember 2019 152 van hulle 341 toetswedstryde gewen, ’n wenrekord van 44,57%.[9]

Duitsland se toetsrekord teen alle lande: (Korrek op 17 Desember 2019)[9]

Teen Gespeel Gewen Verloor Gelykop % Gewen
Vlag van Andorra Andorra 1 1 0 0 100
Vlag van België België 29 20 8 1 68,97
Vlag van Bulgarye Bulgarye 1 1 0 0 100
Vlag van Brasilië Brasilië 5 5 0 0 100
Flag of the British Army.svg Britse Leër 1 1 0 0 100
Vlag van Chili Chili 1 0 1 0 0
Vlag van Denemarke Denemarke 9 8 1 0 88,89
Vlag van Frankryk Frankryk 15 2 13 0 13,33
Vlag van Frankryk Frankryk XV 29 0 28 1 0
Vlag van Georgië Georgië 7 0 7 0 0
Vlag van Hongkong Hongkong 2 2 0 0 100
Vlag van Italië Italië 20 4 15 1 20
Vlag van Kanada Kanada 1 0 1 0 0
Vlag van Kenia Kenia 2 2 0 0 100
Vlag van Kroasië Kroasië 3 1 1 1 33,33
Vlag van Letland Letland 2 2 0 0 100
Vlag van Litaue Litaue 1 1 0 0 100
Vlag van Luxemburg Luxemburg 2 2 0 0 100
Vlag van Malta Malta 1 1 0 0 100
Vlag van Marokko Marokko 10 3 7 0 30
Vlag van Moldowa Moldowa 7 4 3 0 57,14
Vlag van Namibië Namibië 3 0 3 0 0
Vlag van Nederland Nederland 41 27 13 1 65,85
Vlag van Oekraïne Oekraïne 8 5 2 1 62,5
Vlag van Oostenryk Oostenryk 1 1 0 0 100
Vlag van Pole Pole 17 8 9 0 47,06
Vlag van Portugal Portugal 11 5 6 0 45,45
Vlag van Roemenië Roemenië 20 6 14 0 30
Vlag van Rusland Rusland 10 0 10 0 0
Vlag van Samoa Samoa 3 0 3 0 0
Vlag van Serwië Serwië 7 6 0 1 85,71
Vlag van Sowjetunie Sowjetunie 5 1 4 0 20
Vlag van Spanje Spanje 23 8 13 2 34,78
Vlag van Swede Swede 10 7 3 0 70
Vlag van Switserland Switserland 5 5 0 0 100
Vlag van Tsjeggië Tsjeggië 9 7 2 0 77,78
Vlag van Tsjeggo-Slowakye Tsjeggo-Slowakye 15 5 9 1 33,33
Vlag van Tunisië Tunisië 4 2 2 0 50
Vlag van Uruguay Uruguay 1 1 0 0 100
Vlag van Verenigde State van Amerika Verenigde State 1 0 1 0 0
Vlag van Wallis Wallis Dev. XV 1 0 1 0 0
Totaal 341 152 179 10 44,57

Wêreldbekerrekord[wysig | wysig bron]

Jaar Uitslag
1987 Nie genooi nie
1991 Nie gekwalifiseer nie
1995 Nie gekwalifiseer nie
1999 Nie gekwalifiseer nie
2003 Nie gekwalifiseer nie
2007 Nie gekwalifiseer nie
2011 Nie gekwalifiseer nie
2015 Nie gekwalifiseer nie
2019 Nie gekwalifiseer nie
2023 N.v.t.

Verwysings[wysig | wysig bron]

  1. ↑ (en) "Most matches". ESPNscrum. Geargiveer vanaf die oorspronklike op 12 Mei 2020. Besoek op 17 Desember 2019.
  2. ↑ (en) "Most points". ESPNscrum. Geargiveer vanaf die oorspronklike op 12 Mei 2020. Besoek op 17 Desember 2019.
  3. ↑ (en) "Most tries". ESPNscrum. Geargiveer vanaf die oorspronklike op 12 Mei 2020. Besoek op 17 Desember 2019.
  4. ↑ (en) "World Rugby Rankings". Wêreldrugby. Geargiveer vanaf die oorspronklike op 4 Junie 2020. Besoek op 4 September 2021.
  5. ↑ (en) Rugby Football History. "Rugby at the Olympics". Geargiveer vanaf die oorspronklike op 8 Junie 2020. Besoek op 17 Desember 2019.
  6. ↑ (en) "Independent Appeal Committee decision regarding Romania and Spain". Wêreldrugby. 6 Junie 2018. Geargiveer vanaf die oorspronklike op 7 April 2019. Besoek op 17 Desember 2019.
  7. ↑ (en) "Russia handed 2019 World Cup spot". ESPNscrum. 15 Mei 2018. Geargiveer vanaf die oorspronklike op 20 September 2019. Besoek op 17 Desember 2019.
  8. ↑ (en) "Russia handed World Cup place as Romania penalised for ineligible player". The Guardian. 15 Mei 2018. Geargiveer vanaf die oorspronklike op 21 September 2019. Besoek op 17 Desember 2019.
  9. ↑ 9,0 9,1 (en) "International Rugby Union Statistics – Germany". ESPNscrum. Geargiveer vanaf die oorspronklike op 12 Mei 2020. Besoek op 17 Desember 2019.

Eksterne skakels[wysig | wysig bron]

Ontsluit van "https://af.wikipedia.org/w/index.php?title=Duitse_nasionale_rugbyspan&oldid=2449399"